ମହିଳା ସଂଘର ସାଂଗଠନିକ ବୈଠକ ଓ ସମ୍ବର୍ଦ୍ଧନା ସଭା ।

ସିମୁଳିଆ,୧୦/୧୧:ସୂର୍ଯ୍ୟଶିଖା ମହିଳା ମହାସଂଘ ସିମୁଳିଆ ପକ୍ଷରୁ ମାର୍କୋଣା ସ୍ଥିତ କାର୍ଯ୍ୟାଳୟରେ ସାଂଗଠନିକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଉପଦେଷ୍ଟା ବିରେନ୍ଦ୍ର କୁମାର ନାୟକ ଅତିଥିଭାବେ ଯୋଗଦେଇ ସଂଘ କିପରି ସୁଦୃଢ ହେବ ସରକାରୀ ଏବଂ ବେସରକାରୀ ସ୍ତରରେ କାର୍ଯ୍ୟ ପରିଚାଳନା କରାଯିବ ଅସହାୟ ଓ ଦୁଃସ୍ଥ ବ୍ୟକ୍ତିଙ୍କ ସହାୟତା କରା ଯାଇ ପାରିବ ସେ ସମ୍ପର୍କରେ ଆଲୋଚନା କରିଥିଲେ । ଏହି ଅବସରରେ ଏକ ସଭା ଆୟୋଜନ କରାଯାଇଥିଲା। ସୂର୍ଯ୍ୟଶିଖା ମହିଳା ମହାସଂଘର ସଭାପତି ଭାରତୀ ମଲ୍ଲିକଙ୍କ ନେତୃତ୍ୱରେ ବାତ୍ୟା ଦାନା ପ୍ରଭାବିତ ଲୋକଙ୍କ ନିକଟରେ ପହଞ୍ଚି ସହାୟତା ଯୋଗାଇ ମହନୀୟତା ଦେଖାଇଥିବାରୁ ସେହି ସଭାରେ ଯୁବ ଓଡ଼ିଶା ସେବା ଫାଉଣ୍ଡେସନ ସିମୁଳିଆ ସଭାପତି ମୋହନ ଗୋଛାୟାତ ଓ ସଂଗଠନର କର୍ମକର୍ତ୍ତାକୁ ପୁଷ୍ପଗୁଚ୍ଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା। ଏହି କାର୍ଯ୍ୟକ୍ରମରେ ଶାନ୍ତିଲତା ସାହୁ,ରଶ୍ମି ଲେଙ୍କା,ତିଳୋତ୍ତମା ସିଂ,ପୂର୍ଣ୍ଣିମା ବନ୍ଧ, ମଞ୍ଜୁଲତା ସାମନ୍ତ,ଅନ୍ନପୂର୍ଣ୍ଣା ଶଙ୍ଖୁଆ, ବିଦ୍ୟୁତପ୍ରଭା ସାହୁ,ଅହଲ୍ୟା ବେହେରା ଓ ବନିତା ଦାସ ପ୍ରମୁଖ ସହଯୋଗ କରିଥିଲେ । ସମ୍ପାଦିକା ଉର୍ବଶୀ ମହାରଣା ଧନ୍ୟବାଦ ଅର୍ପଣ କରିଥିଲେ ।