ମହଙ୍ଗା ପଡିଲା ସାପ ସହ ଖେଳ ,ନାଗସାପ କାମୁଡ଼ାରେ ସାପ ଧରାଳିର ମୃତ୍ୟୁ।

ସୁବର୍ଣ୍ଣପୁର ,୨୫/୦୬(ପିପିଟି):ମହଙ୍ଗା ପଡିଲା ବିଷଧର ନାଗ ସାପ ସହ ଖେଳ । ବିଷଧର ନାଗ ସାପ କାମୁଡାରେ ସାପ ଧରାଳିଙ୍କ ମୃତ୍ୟୁ ଘଟିଛି । ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଥାନା ପରିସରରେ ଏଭଳି ଅଭାବନୀୟ ଅଘଟଣ ଘଟିଛି । ସୁଚନା ଅନୁସାରେ,ବୀରମହାରାଜପୁର ନିକଟସ୍ଥ ଚମ୍ପାମଳ ଗାଁର ଜଣଙ୍କ ଘରୁ ଏକ ନାଗ ସାପ ବାହାରିଥିବା ବେଳେ ସାପ ଧରିବା ପାଇଁ ମେଣ୍ଡାମାଳ ଗାଁର ଗୌର ଜଗଦଲା କୁ ସେ ଖବର ଦେଇଥିଲେ । ଗୌର ସେଠାକୁ ଯାଇ ସାପକୁ ଉଦ୍ଧାର କରି ଏକ ପ୍ଲାଷ୍ଟିକ ଡବାରେ ଧରି କୌଣସି କାମରେ ଥାନାକୁ ଆସିଥିଲେ । ତେବେ ଥାନାରେ ପୋଲିସ କର୍ମଚାରୀଙ୍କ ସାମ୍ନା ରେ ସାପକୁ ଡବାରୁ ବାହାର କରି ଦେଖାଇଥିଲେ । ପୋଲିସ କର୍ମଚାରୀ ମାନେ ଦେଖି ସାରି ସାପକୁ ପୁଣି ଡବା ରେ ଭର୍ତ୍ତି କରିବା ସମୟରେ ସାପ ଧରାଳି ଗୌର ଙ୍କ ହାତରେ ଚୋଟ ମାରିଥିଲା । ଫଳରେ ସେ ଗୁରୁତର ହୋଇପଡ଼ିଥିଲେ । ତୁରନ୍ତ ଗୌରଙ୍କୁ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରଯାଇଥିଲା । ହେଲେ ଚିକିତ୍ସାଧୀନ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ ଚଳାଇଛି । ତେବେ ପରିତାପର ବିଷୟ ଯେ ସମସ୍ତ ପୋଲିସ କର୍ମଚାରୀ ଙ୍କ ସାମ୍ନାରେ ଗୌର ସାପ ଖେଳାଉ ଥିବାବେଳେ ସମସ୍ତେ ମୋବାଇଲ ରେ ସୁଟିଂ କରି ମଜା ଉଠାଉଥିଲେ କିନ୍ତୁ କେହି ବାରଣ କରି ନଥିଲେ ।

ରିପୋର୍ଟ -ଶାନ୍ତନୁ କୁମାର କର୍ଣ୍ଣ