ମନ୍ଦାର ଉଚ୍ଚ ବିଦ୍ୟାଳୟରେ ୭୬ ତମ ବନ ମହୋତ୍ସବ।

ପୋଲସରା,୦୭/୦୭ (ପିପିଟି) :ପୋଲସରା ବ୍ଲକ୍ ମନ୍ଦାର ପଞ୍ଚାୟତ ସ୍ଥିତ ସରକାରୀ ମା ଭରାଣ୍ଡି ଉଚ୍ଚ ବିଦ୍ୟାଳୟରେ ୭୬ ତମ ବନ ମହୋତ୍ସବ ପାଳିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ ଅଭିମନ୍ୟୁ ବେହେରାଙ୍କ ପ୍ରତ୍ୟକ୍ଷ ତତ୍ଵାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ପ୍ରଦୀପ କୁମାର ବେହେରା (ଘୁମୁସର ଦକ୍ଷିଣ ବନଖଣ୍ଡ ସହକାରୀ_ବନ_ସ°ରକ୍ଷକ ଭଞ୍ଜନଗର) ଯୋଗଦେଇ ପ୍ରଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମଟିକୁ ଶୁଭ ଉଦଘାଟନ କରିଥିବାବେଳେ ମୁଖ୍ୟବକ୍ତା ଭାବେ ପୋଲସରା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀହର୍ଷବାବୁ ଖାଡଙ୍ଗା ଏଵଂ ସମ୍ମାନୀତ ଅତିଥିଭାବେ ପୋଲସରା ବନାଞ୍ଚଳ ଅଧିକାରୀ ଅନୀଲ କୁମାର ପଣ୍ଡା, ସମାଜସେବୀ ରଘୁନାଥ ପଣ୍ଡା, ମନ୍ଦାର ପଞ୍ଚାୟତ ସରପଞ୍ଚ ପ୍ରତିନିଧି କାର୍ତ୍ତିକ ଜେନା, ସମିତିସଭ୍ୟା ପ୍ରତିନିଧି ସପନ ନାୟକ, ଏସଏମସି ସଭାପତି ଧରଣୀଧର ନାୟକ ଓ ପୂର୍ବତନ ବନ୍ୟପ୍ରାଣୀ ସ°ରକ୍ଷକ ସୁରେସ ସ୍ୱାଇଁ ପ୍ରମୁଖ ଯୋଗଦେଇ ସହଯୋଗ କରିଥିଲେ। ଅତିଥିମାନେ ବନ ମହୋତ୍ସବର ଉଦ୍ଦେଶ୍ୟ ଏଵଂ ଲକ୍ଷ୍ୟ ସହିତ ଏହାର ଉପକାରିତା ଉପରେ ନିଜନିଜର ମତ ପ୍ରଦାନ କରିବାସହ ପ୍ରତ୍ୟେକ ମଣିଷ ବୃକ୍ଷ ରୋପଣ କରି ସମଗ୍ର ମାନବ ଏଵଂ ପ୍ରାଣୀ ଜଗତକୁ ରକ୍ଷା କରିବାକୁ ଆହ୍ବାନ ଓ ଅନୁରୋଧ କରିଥିଲେ। ଏହି ଅବସରରେ ବନ ବିଭାଗ ତରଫରୁ “ପରିବେଶ ସୁରକ୍ଷା” ବିଷୟକୁ ନେଇ ପୂର୍ବରୁ ବିଦ୍ୟାଳୟରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ ଭାଗ ନେଇ ଯୁନୀୟର ଏଵଂ ସିନିୟର ବିଭାଗରେ କୃତିତ୍ୱ ଛାତ୍ରଛାତ୍ରୀମାନଙ୍କୁ ପ୍ରଶଂସାପତ୍ର ସହ ପୁସ୍ତକ ଏଵଂ ପୁରସ୍କାର ଅତିଥିମାନେ ପ୍ରଦାନ କରିଥିଲେ। ଏଥିସହ ଛାତ୍ରୀମାନେ ପରିବେଶ ସୁରକ୍ଷା ଉପରେ ସଂଗୀତ ଓ ନୃତ୍ୟ ମାଧ୍ୟମରେ ଅତି ସୁନ୍ଦର ଭାବେ ସଚେତନ କରାଇଥିଲେ। ପରେ ବନ ବିଭାଗ ତରଫରୁ ବିଦ୍ୟାଳୟ ପରିସର ମଧ୍ୟରେ ବିଭିନ୍ନ କିସମର ଚାରା ରୋପଣ ଅତିଥିବୃନ୍ଦଙ୍କ ସମେତ ଛାତ୍ରଛାତ୍ରୀମାନେ କରିଥିଲେ। ଏହି ପରିବେଶ ସୁରକ୍ଷା କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ/ ଶିକ୍ଷୟତ୍ରୀ, କର୍ମଚାରୀ ଏବଂ ଏସଏମସି ସଭ୍ୟ/ସଭ୍ୟାବୃନ୍ଦଙ୍କ ସମେତ ପୋଲସରା ବନାଞ୍ଚଳରେ କାର୍ଯ୍ୟରତ ଯୋକବନ୍ଧ ଫରେଷ୍ଟର, ସୁବୋଧ ବେହେରା, ପୋଲସରା ଫରେଷ୍ଟର, ମୁନା ଦାସ ଓ କୋଦଳା ଫରେଷ୍ଟର ହରପ୍ରସାଦ ସାହୁ, ଫରେଷ୍ଟ ଗାର୍ଡ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ଶେଷରେ ସହକାରୀ ଶିକ୍ଷକ ନବୀନ ଚନ୍ଦ୍ର ସାହୁ ବିଦ୍ୟାଳୟ ତରଫରୁ କାର୍ଯ୍ୟକ୍ରମରେ ଯୋଗଦେଇ ସଫଳ କରାଇବାରେ ସହଯୋଗ କରିଥିବା ସମସ୍ତ ବ୍ୟକ୍ତି ବିଶେଷଙ୍କୁ ଆନ୍ତରିକ ଧନ୍ୟବାଦ୍ ଜଣାଇଥିଲେ।

ରିପୋର୍ଟ୍: ସନ୍ତୋଷ କୁମାର ପଣ୍ଡା