ବୋଲଗଡ ଡିଜିଟାଲ ମିଡିଆ ସଂଘ ପଞ୍ଚମ ବାର୍ଷିକ ବନ୍ଧୁ ମିଳନ କାର୍ଯ୍ୟକ୍ରମ ଅନଷ୍ଠିତ।

ବୋଲଗଡ଼,୧୫/୧୦ (ପିପିଟି): ଖୋର୍ଦ୍ଧା ଜିଲ୍ଲା ବୋଲଗଡ଼ ଡିଜିଟାଲ ମିଡିଆ ସଂଘ ର ପଞ୍ଚମ ବାର୍ଷିକ ବନ୍ଧୁମିଳନ କାର୍ଯ୍ୟକ୍ରମ ଅନଷ୍ଠାନର ସମ୍ପାଦକ ବିଶ୍ୱଜିତ୍ ମହାପାତ୍ର ଙ୍କ ଅଧ୍ୟକ୍ଷତା ରେ ବୋଲଗଡସ୍ଥ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ସଭାଗୃହରେ ଅନୁଷ୍ଠିତ ହୋଇଯାଇଅଛି। ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ବୋଲଗଡ଼ ଏକ୍ସପ୍ରେସ ବ୍ରଜ ବିହାରୀ ସୁବୁଦ୍ଧି , ସମ୍ମାନିତ ଅତିଥି ଭାବେ ବରିଷ୍ଠ ସାମ୍ବାଦିକ ଗଙ୍ଗାଧର ଦାସ , ସାମ୍ବାଦିକ ରଘୁନାଥ ମଲ୍ଲିକ ପ୍ରମୁଖ ଯୋଗ ଦେଇଥିଲେ । ସାମ୍ପ୍ରତିକ ପରିସ୍ଥିତିରେ ସାମ୍ବାଦିକ ମାନଙ୍କର ଦେଖା ଦେଇଥିବା ବିଭିନ୍ନ ପ୍ରକାର ସମସ୍ୟା ଯଥା ସାମ୍ବାଦିକ ସୁରକ୍ଷା, ଗୋପବନ୍ଧୁ ସ୍ବାସ୍ଥ୍ୟ ବିମା ଯୋଜନା ରେ ଅନ୍ତର୍ଭୁକ୍ତ ହେବା, ସାମ୍ବାଦିକ ମାନଙ୍କ ପାଇଁ ପେନସନ୍ ଲାଗୁ କରିବା ପ୍ରମୁଖ ବିଷୟ ରେ ଉପସ୍ଥିତ ଅତିଥି ମାନେ ଆଲୋଚନା କରିଥିଲେ। ଆଜିକାଲି ସମୟରେ ନେତା ତଥା ଲୋକ ପ୍ରତିନିଧି ମାନଙ୍କ ଅପେକ୍ଷା ପ୍ରଶାସନିକ ଅଧିକାରୀ ମାନଙ୍କର ମେରିରାୟ ଶାସନ ଚାଲିଛି , ଏହା ବିରୁଦ୍ଧରେ ସାମାଜିକ ଗଣମାଧ୍ୟମ ପ୍ରତିନିଧିମାନେ କ୍ୟାମେରା ବୁମ୍ ମାଧ୍ୟମରେ ସତ କଥା ଲୋକ ଲୋଚନ କୁ ଆଣିବା ପାଇଁ ଆହ୍ବାନ ଦେଇଥିଲେ । ବୋଲଗଡ଼ ଡିଜିଟାଲ ମିଡିଆ ଏହି ଦିଗରେ ପ୍ରମୁଖ ଭୂମିକା ନେବା ପାଇଁ ମତ ପ୍ରକାଶ କରିଥିଲେ । ଆଗାମୀ ଦିନରେ ବିଭିନ୍ନ ସାମାଜିକ କାର୍ଯକ୍ରମ ଯଥା ରକ୍ତଦାନ ଶିବିର , ବୃକ୍ଷ ରୋପଣ, ସଫେଇ କାର୍ଯ୍ୟ , ଶୀତ କମ୍ବଳ ବଣ୍ଟନ ଆଦି କାର୍ଯକ୍ରମ କରିବା ପାଇଁ ପ୍ରସ୍ତାବ ରଖିଥିଲେ ।

(ରିପୋର୍ଟ-ସୁଶାନ୍ତ କୁମାର ପ୍ରଧାନ।)