ବେଲଗୁଣ୍ଠାର ବିଭିନ୍ନ ସ୍ଥାନରେ ଦେବଶିଳ୍ପୀ ବିଶ୍ଵକର୍ମାଙ୍କୁ ଆବାହନ ।

ବେଲଗୁଣ୍ଠା, ୧୬/୦୯(ପିପିଟି) : ଆଜି ବେଲଗୁଣ୍ଠାର ବିଭିନ୍ନ ଅନୁଷ୍ଠାନରେ ଦେବଶିଳ୍ପୀ ବିଶ୍ଵକର୍ମାଙ୍କ ପୂଜା ଅନୁଷ୍ଠିତ ହୋଇଛି । ଏହି ଅବସରରେ ବେଲଗୁଣ୍ଠା ସାଇ ଆଇଟିଆଇରେ ବିଶ୍ଵକର୍ମା ପୂଜା ଅନୁଷ୍ଠିତ ହୋଇଥିବା ବେଳେ ସାଇ ଆଇଟିଆଇର ଅଧ୍ୟକ୍ଷ ମଧୁସୂଦନ ମହାପାତ୍ର ସମସ୍ତ କାଯ୍ୟକ୍ରମ କୁ ପରିଚାଳନା କରିଥିଲେ । ସେହିପରି କ୍ଷତ୍ରିୟବରପୁର ସ୍ଥିତ ବୁଢାକେନ୍ଦୁ ଶିଳ୍ପ ତାଲିମ୍ କେନ୍ଦ୍ରରେ ଦେବେଶ ମହାପାତ୍ରଙ୍କ ତତ୍ତ୍ୱାବଧାନରେ ଛାତ୍ରଛାତ୍ରୀ ଦେବଶିଳ୍ପୀଙ୍କୁ ଆବାହନ କରିଛନ୍ତି । ବ୍ଲକ ର ରାଜୀବଗାନ୍ଧୀ ସେବାକେନ୍ଦ୍ରରେ ଗ୍ରାମ୍ୟ ପାନୀୟ ଜଳ ଯୋଗାଣ ଓ ପରିମଳ ବିଭାଗ ତରଫରୁ ପୂଜା ଅନୁଷ୍ଠିତ ପୂଜା ଅନୁଷ୍ଠିତ ହୋଇଥିବା ବେଳେ ଏନ୍ଏସିର ପି.ଏଚ୍.ଡି କାର୍ଯ୍ୟାଳୟ , ବେଲଗୁଣ୍ଠା ବ୍ଳକ୍ ଗ୍ରାମ୍ୟ ଜଳ ଯୋଗାଣ ବିଭାଗ,ବମ୍ବେ ଷ୍ଟିଲ୍,ସୁରଜିତ୍ ମାନା କାର୍ପେଣ୍ଟର୍,କ୍ଷତ୍ରିୟବରପୁର ସ୍ଥିତ,ବିଦ୍ୟୁତ୍ କାର୍ଯ୍ୟାଳୟ,କଣ୍ଟେଇପଲ୍ଲୀ ସ୍ଥିତ ବିଦ୍ୟୁତ୍ କାର୍ଯ୍ୟାଳୟ,ଗୋବରା ଏବଂ ଗାଙ୍ଗପୁର ଅଞ୍ଚଳର ବିଭିନ୍ନ ଗ୍ୟାରେଜ୍, ୱାର୍କସପ୍ ସମେତ ବିଭିନ୍ନ ଅନୁଷ୍ଠାନରେ ମହାସମାରୋହରେ ବିଶ୍ଵକର୍ମାଙ୍କ ପୂଜା ଅନୁଷ୍ଠିତ ହୋଇଯାଇଛି । ଏହି ପୂଜା ଦେଖିବା ପାଇଁ ମେଢ଼ ଗୁଡ଼ିକ ନିକଟରେ ଭିଡ଼ ଜମିଥିଲା ।

ରିପୋର୍ଟ- ସୁଶାନ୍ତ କୁମାର ବେହେରା