ବିଦ୍ୟୁତ ଆଘାତରେ ବୋହୁ ମୃତ, ଶଶୁର, ଶାଶୁ ଆହାତ, ମନ୍ତ୍ରୀ ଭେଟି ଦେଲେ ସମବେଦନା ।

ପୋଲସରା,୧୦/୦୬(ପିପିଟି): ଗଞ୍ଜାମ ଜିଲ୍ଲା ପୋଲସରା ଥାନା ମାଳତେନ୍ତୁଳିଆ ନୁଆଁସାହି ରେ ବିଦୂତ ଆଘାତ ରେ ବୋହୁ ର ମୃତ୍ୟୁ ହୋଇଥିବା ବେଳେ ଶ୍ୱଶୁର ଓ ଶାଶୁ ଆହାତ ହୋଇଛନ୍ତି । ମୃତ ମହିଳା ନମିତା ସାହୁ ହୋଇଥିବା ବେଳେ ଅଭିମନ୍ୟୁ ସାହୁ ଶ୍ୱଶୁର ଓ ଶାଶୁ ଆହାତ ହୋଇଛନ୍ତି । ନମିତା ନିଜ ଘର ବାରଣ୍ଡା କାମ କରିବା ସମୟରେ ଶ୍ୱଶୁର ଲୁହା ଗ୍ରିଲ ରୁ ବିଦ୍ୟୁତ ଆଘାତ ର ଶିକାର ହୋଇଥିଲେ । ପାଖରେ ବସିଥିବା ବୋହୁ ଓ ଶାଶୁ ତାଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ । ଉଭୟ ଙ୍କ ମଧ୍ୟରୁ ବୋହୁ ଗୁରୁତର ହୋଇଥିବା ବେଳେ ଶାଶୁ ଆହାତ ହୋଇଥିଲେ । ସମସ୍ତଙ୍କୁ ସ୍ଥାନୀୟ ଲୋକେ ଉଧାରକରୀ ଚିକିତ୍ସା ନିମନ୍ତେ ପୋଲସରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିବା ବେଳେ ଏଠାରେ ଡାକ୍ତର ବୋହୁ ନମିତା ଙ୍କୁ ମୃତ୍ୟୁ ଘୋଷଣା କରିଥିବା ବେଳେ ଶ୍ୱଶୁର ଆହାତ ହୋଇ ଚିକିତ୍ସିତ ହେଉଛନ୍ତି । ଖବରପାଇ ସ୍ଥାନୀୟ ବିଧାୟକ ତଥା ମତ୍ସ, ପଷୁ ସମ୍ପଦ ବିଭାଗ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ମେଡିକାଲ ରେ ପହଞ୍ଚି ସମବେଦନା ଦେଇ ଥିବା ବେଳେ ପୋଲସରା ପୋଲିସ ତଦନ୍ତ ଆରମ୍ଭ କରିଛି । ତେବେ ଗତକାଲି ଠାରୁ ଗ୍ରାମରେ ବିଦ୍ୟୁତ କାଟ ରହିଥିଲା । ନମିତା ଙ୍କ ଘର ର ବିଦ୍ୟୁତ ତାର ଛିଣ୍ଡି ଗ୍ରିଲ ରେ ଲାଗିଥିବା ବେଳେ ଆଜି ମଧ୍ୟାହ୍ନରେ ଗ୍ରାମରେ ବିଦ୍ୟୁତ ଆସିବା ସମୟରେ ଏହି ଅଘଟଣ ଘଟିଥିବା କୁହାଯାଉଛି ।

ରିପୋର୍ଟ:- ସନ୍ତୋଷ କୁମାର ପଣ୍ଡା