ବିଦ୍ୟାଳୟ ସ୍ତରୀୟ ବାର୍ଷିକ ଦକ୍ଷତା ଭିତ୍ତିକ ପୁରସ୍କାର ବିତରଣ ଉତ୍ସବ ।

ଯାଜପୁର,୩୦/୦୩(ପିପିଟି) : ବିଦ୍ୟାର ମନ୍ଦିର ବିଦ୍ୟାଳୟ।ଛାତ୍ରଛାତ୍ରୀ ମାନଙ୍କ ଦକ୍ଷତା ବିକାଶ ପାଇଁ ବିଦ୍ୟାଳୟ ଏକ ମଣିଷ ତିଆରି କାରଖାନା।ଆଜିର ଛାତ୍ରଛାତ୍ରୀ ଆସନ୍ତା କାଲିର ଭବିଷ୍ୟତ। ପିଲାଙ୍କ ଦକ୍ଷତା ଜିଣିବା ଏବଂ ଦକ୍ଷତା କ୍ଷେତ୍ରରେ ପିଲାଙ୍କୁ ଆହୁରି ଅଗ୍ରସର କରାଇବାରେ ଶିକ୍ଷକଙ୍କ ଭୂମିକା ଅତୁଳନୀୟ। ଚଳିତ ମାସ ଗତ ତା ୨୭/୦୩/୨୦୨୫ ରିଖ ଗୁରୁବାର ସକାଳ ୭ ଘଟିକା ସମୟରେ ଯାଜପୁର ଜିଲ୍ଲା ଧର୍ମଶାଳା ବ୍ଲକ ବଡ଼ କାଏମା ଗ୍ରାମପଞ୍ଚାୟତର ଅରଖାପଦା ଗ୍ରାମ ଅଧିନସ୍ଥ ଜଗନ୍ନାଥଜୀଉ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ‛ବିଦ୍ୟାଳୟ ସ୍ତରୀୟ ବାର୍ଷିକ ଦକ୍ଷତା ଭିତ୍ତିକ ପୁରସ୍କାର ବିତରଣ ଉତ୍ସଵ’ ମହା ସମାରୋହରେ ପାଳିତ ହୋଇଥିଲା। ଏହି ସଭାରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ବିଭୁତି ଭୂଷଣ ଶରଣ ସଭାପତିତ୍ୱ କରିଥିବା ବେଳେ,ମୁଖ୍ୟ ଅତିଥି ଭାବରେ ଧର୍ମଶାଳା ମଣ୍ଡଳର ଅତିରିକ୍ତ ଶିକ୍ଷା ଅଧିକାରିଣୀ ମମତା ମହାନ୍ତି ଯୋଗ ଦେଇଥିଲେ। ତତ ସହିତ ଉକ୍ତ ବ୍ଲକର ଆଞ୍ଚଳିକ ସାଧନାକେନ୍ଦ୍ର ଅନନ୍ତ ଗୋପାଳ ନୋଡ଼ାଲ ଉ:ପ୍ରା ବିଦ୍ୟାଳୟ, ନାଉପାଳର ସଂଯୋଜକ ଅମରେନ୍ଦ୍ର ଜେନା,ଅନନ୍ତ ଗୋପାଳ ନୋଡ଼ାଲ ଉ:ପ୍ରା ବିଦ୍ୟାଳୟ ନାଉପାଳର ବରିଷ୍ଠ ପ୍ରଧାନ ଶିକ୍ଷକ ବୈଲୋଚନ ଦାସ ମଧ୍ୟ ଯୋଗଦେଇଥିଲେ । ମୁଖ୍ୟ ବକ୍ତା ଓ ସଂମ୍ମାନୀତ ଅତିଥି ଭାବର ସେହି ଗ୍ରାମର ବିଦ୍ୟାଳୟ ପରିଚାଳନା କମିଟିର ପ୍ରାକ୍ତନ ଅଧକ୍ଷ ପ୍ରଫୁଲ କୁମାର ସ୍ୱାଇଁ ଓ ବର୍ତ୍ତମାନରର ଅଧକ୍ଷ ଭୀମସେନ ସାହୁ,ସେହି ଗ୍ରାମର ଅନ୍ୟତମ ଶିକ୍ଷକ ସୁଶାନ୍ତ ବେହେରା ଏବଂ ସେହି ଗ୍ରାମର ଉଦୟମାନ ଯୁବକ ତଥା ଶିକ୍ଷା ପ୍ରେମୀ ପ୍ରଶାନ୍ତ କୁମାର ବେହେରା,ପଡିଶା ଗ୍ରାମ ଗୋଗଳର ସମାଜସେବୀ ଓ ସାମ୍ବାଦିକ ସବ୍ୟସାଚୀ ସାହୁଙ୍କ ସମେତ ଏସ୍.ଏମ୍. ସି ର ସମସ୍ତ ସଭ୍ୟ/ସଭ୍ୟା ତଥା ଶିକ୍ଷକ ଶିକ୍ଷୟିତ୍ରୀ ଏବଂ ଛାତ୍ରଛାତ୍ରୀ ମାନଙ୍କର ଅଭିଭାବକ ପ୍ରମୁଖ ଉପସ୍ଥିତ ରହି ଉକ୍ତ ସଭାକୁ ଅଧିକ ସରସ ସୁନ୍ଦର କରିଥିଲେ। ସର୍ବ ପ୍ରଥମେ ବିଦ୍ୟାଳୟର ପ୍ରଧାନ ଶିକ୍ଷକ ବିଭୁତି ଭୂଷଣ ଶରଣ ସ୍ୱାଗତ ଅଭିଭାଷଣ ଦେଇ ସଭାକୁ ଆରମ୍ଭ କରିଥିଲେ। ପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ଅତିଥି ମାନଙ୍କୁ ମାଲ୍ୟାର୍ପଣ ଦେବା ସହ ସ୍ୱାଗତ ସଙ୍ଗୀତ ଗାନ କରାଯାଇଥିଲା। ବିଶେଷକରି ଉପସ୍ଥିତ ଅତିଥି ମାନେ ଛାତ୍ରଛାତ୍ରୀ ମାନଙ୍କର ବିଦ୍ୟା ଅଧ୍ୟାୟନ କ୍ଷେତ୍ରର ଅଧିକ କ୍ରିୟାଶୀଳ ହେବା ଏବଂ ଶିକ୍ଷକ ଗ୍ରହଣରେ ନିଜର ପାରଦର୍ଶିତାକୁ ବଢାଇବା ନିମନ୍ତେ ତଥା ନିଜକୁ ଜଣେ ଦକ୍ଷତା ସମ୍ପର୍ଣ୍ଣ ଛାତ୍ର ଭାବେ ଗଢିତୋଳିବାକୁ ପ୍ରେରଣା ଦେଇଥିଲେ। ପରେ ଛାତ୍ରଛାତ୍ରୀ ମାନେ ହାସଲ କରିଥିବା ଦକ୍ଷତା ପ୍ରମାଣପତ୍ରକୁ ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଥିଲା। ପରିଶେଷରେ ବିଦ୍ୟାଳୟର ବରିଷ୍ଟ ଶିକ୍ଷକ ଉତ୍କଳ କେଶରୀ ରାଉତ ଉପସ୍ଥିତ ଅତିଥି ମାନଙ୍କୁ ଅଧନ୍ୟଵ ଜ୍ଞାପନ କରି ସଭା ସାଙ୍ଗ କରିଥିଲେ।