ବନ୍ଧରେ ଗାଧୋଇବା ବେଳେ ୩ବର୍ଷର ଶିଶୁର ମୃତ୍ୟୁ ।

ବାଲିଗୁଡା,୦୯/୦୫(ପିପିଟି): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ କୋଟଗଡ ବ୍ଲକ ମାଦାଗୁଡାର ଦୁରିଙ୍ଗିପଡି ସାହି ର ତିନି ଜଣ ଶିଶୁ ଅପରାହ୍ନରେ ପଞ୍ଚାୟତ ନିକଟରେ ଥିବା ଏକ ବନ୍ଧରେ ଗାଧୋଇବା ବେଳେ ପାଣିରେ ଦଶବନ୍ତ ମହାନନ୍ଦ ନାମକ ୩ ବର୍ଷର ଶିଶୁଟି ବୁଡ଼ିଯାଇଥିଲା, ହେଲେ ପରିବାର ଲୋକ ଖୋଜା ଖୋଜି କରିବା ପରେ ବନ୍ଧରୁ ଭାସମାନ ଅବସ୍ଥା ରେ ଶିଶୁଟିର ମୃତ ଶରୀର ଠାବ କରିଥିଲେ ଏବଂ ତାକୁ ଗ୍ରାମବାସୀ ମାନଙ୍କ ସାହାଯ୍ୟରେ ଉଦ୍ଧାର କରି ତୁମୁଡିବନ୍ଧ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ ଓ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ, ଫଳରେ ଶନିବାର ରାତିରେ ମୃତ ଶିଶୁଟିର ଶବ ବ୍ୟବଛେଦ ହୋଇପାରି ନ ଥିଲା । ସ୍ଥାନୀୟ କିଛି ଯୁବକ ସହ ପରିବାର ଲୋକ ରାତି ତମାମ ଡାକ୍ତରଖାନା ପରିସରରେ ଅପେକ୍ଷା କରିବା ପରେ ସକାଳୁ ଶବ ବ୍ୟବଚ୍ଛେଦ ପାଇଁ ଆବଶ୍ୟକ କର୍ମଚାରୀଙ୍କୁ ଆଣିବା ରେ କୌଣସି ସରକାରୀ ସହାୟତା ନ ମିଳିବାରୁ ଶବବ୍ୟବଚ୍ଛେଦ କାରି ବ୍ୟକ୍ତିଙ୍କୁ ଆଣିବାପାଇଁ ମାଦାଗୁଡା ର ଯୁବକ ଯାଇ ବାଲିଗୁଡାରୁ ବାଇକ୍ ରେ ଆଣିଲେ ଓ ଏହାପରେ ବି ଶବ ନେବାରେ ବିଳମ୍ବ ହେବାରୁ ବାଧ୍ୟ ହୋଇ ସାତ କିଲୋମିଟର ସ୍ଥାନୀୟ ଯୁବକ ବାଇକରେ ଶବକୁ ନେଇ ଗ୍ରାମକୁ ଫେରିଥିଲେ । ଶବ ଗ୍ରାମରେ ପହଞ୍ଚିଲା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।
(ରିପୋର୍ଟ:-ସୁଶାନ୍ତ କୁମାର ପାଣିଗ୍ରାହୀ ।)