ପ୍ରାଥମିକ ବିଦ୍ୟାଳୟରେ ଆନ୍ତର୍ଜାତୀୟ ମହିଳା ଦିବସ ପାଳିତ ।

ମାଲକାନଗିରି,୦୯/୦୩(ପିପିଟି) : କୁଡୁମୁଲୁଗୁମ୍ମା ସ୍ଥିତ ସୋମନାଥପୁର ପଞ୍ଚାୟତର କଣ୍ଡେଲ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। ଏହି ଉତ୍ସବରେ ମୁଖ୍ୟ ଅତିଥି ଭାବେ ଚିତ୍ରକୋଣ୍ଡା ଗୋଷ୍ଠୀ ଶିକ୍ଷାଧିକାରୀ ସୁଶ୍ରୀ ଗାୟତ୍ରୀ ଦେବୀ , ସମ୍ମାନିତ ଅତିଥି ଭାବେ ଦର୍ଲାବେଢା ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟାପକ ଦିଲ୍ଲୀପ କୁମାର ଓଝା , ମୁଖ୍ୟ ବକ୍ତା ଭାବେ ଚିତ୍ରକୋଣ୍ଡା ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଅଞ୍ଜନ କୁମାର ଚୌଧୁରୀ , ଅବସରପ୍ରାପ୍ତ ଶିକ୍ଷକ ଦୀପକ କୁମାର ହାଲଦାର ସଭାପତିତ୍ବ କରିଥିଲା ବେଳେ ପ୍ରଧାନ ଶିକ୍ଷକ ବସନ୍ତ କୁମାର ରଣା କାର୍ଯ୍ଯକ୍ରମକୁ ପରିଚାଳନା କରିଥିଲେ।ଏହି ଅବସରରେ ବାଲିମେଳା ବିଜ୍ଞାପିତ ଅଞ୍ଚଳ ପରିଷଦର ସ୍ବଚ୍ଛତା ଅଭିଯାନରେ କାର୍ଯ୍ୟରତ ୨୦ ଜଣ ମହିଳା ଗାଡ଼ି ଚାଳକଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିବା ପରେ ଉପଢ଼ୌକନ ପ୍ରଦାନ କରାଯାଇ ସମ୍ମାନିତ କରାଯାଇଥିଲା। ବାଲିମେଳା ଭଳି ସହର ତଥା ପରିବେଶ ସଫାସୁତୁରା ରଖିବାରେ ଉକ୍ତ ମହିଳା ଗାଡ଼ି ଚାଲକଙ୍କ ଅବଦାନ ଅତୁଳନୀୟ। ସଭାରେ ଉପସ୍ଥିତ ଅତିଥିମାନେ ଆଧୁନିକ ସମାଜରେ ମହିଳାଙ୍କ ଭୂମିକା ସମ୍ପର୍କରେ ଆଲୋକପାତ କରାଯାଇଥିଲା। ଏହି ଅବସରରେ ମହିଳା ଗାଡ଼ି ଚାଳକମାନେ ବିଦ୍ୟାଳୟ ପରିସରରେ ବୃକ୍ଷ ରୋପଣ କରିଥିଲା।

(ରିପୋର୍ଟ: ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)