ପାଣି ପଞ୍ଚାୟତ ପକ୍ଷ ଅବସରରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ।

ଭଞ୍ଜନଗର,୦୯/୦୧(ପିପିଟି) : ଭଞ୍ଜନଗର ଜଳସେଚନ ବିଭାଗ ଅଧୀନରେ ପାଣି ପଞ୍ଚାୟତ ପକ୍ଷ ୨୦୨୩/୨୪ ପାଳନ ଅବସରରେ ଡିଭିଜନ ସ୍ତରରେ ଥିବା ହାଇସ୍କୁଲ ଛାତ୍ରଛାତ୍ରୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗିତା ସ୍ଥାନୀୟ ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟ ଠାରେ ଆୟୋଜନ କରାଯାଇଥିଲା।ଏଥିରେ ଭଞ୍ଜନଗର, ସୋରଡ଼ା ଓ ଧରାକୋଟ ବ୍ଲକର ଅଷ୍ଟମରୁ ଦଶମ ଶ୍ରେଣୀ ଛାତ୍ରଛାତ୍ରୀମାନେ ଭାଗ ନେଇଥିଲେ। ମୋଟ ୫ଟି ପ୍ରତିଯୋଗିତା ମଧ୍ୟରେ ବିତର୍କ,ପ୍ରବନ୍ଧ,କୁଇଜ୍, ପେଣ୍ଟିଂ, ମଡେଲ୍ ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଏଥିରେ ଭଞ୍ଜନଗର ବ୍ଲକ ଶିକ୍ଷାଧିକାରୀ ଏସ. ଧନଞ୍ଜୟ,ଜଳସେଚନ ବିଭାଜନ ଅଧୀକ୍ଷଣ ଯନ୍ତ୍ରୀ ରବୀନ୍ଦ୍ର ନାଥ ସେଠୀ,ଡ଼ହ ସହକାରୀ ନିର୍ବାହୀ ଯନ୍ତ୍ରୀ ପଞ୍ଚୁ ବେହେରା, ରଶ୍ମି ରଞ୍ଜନ ରଥ,କନିଷ୍ଠ ଯନ୍ତ୍ରୀ ବିଶ୍ୱ ମୋହନ ବେହେରା, ଆସଲମ ଖାନ୍ ଓ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ।କୃତି ପ୍ରତିଯୋଗୀ ଛାତ୍ରଛାତ୍ରୀ ମାନଙ୍କୁ ଆସନ୍ତା ୧୬ତାରିଖରେ ଡ଼ହ ଡ୍ୟାମ ସାଇଡ଼ରେ ଅନୁଷ୍ଠିତ ହେବାକୁ ଥିବା ଡିଭିଜନ ସ୍ତରୀୟ କାର୍ଯ୍ୟକ୍ରମରେ ପୁରସ୍କୃତ କରାଯିବ ବୋଲି ଜଣାପଡ଼ିଛି।

ରିପୋର୍ଟ- (ଜେ. କେ ପଟ୍ଟନାୟକ)