ପଦ୍ମଲାଭ ଦାଶଙ୍କ ବିଂଶତମ ଶ୍ରଦ୍ଧାଞ୍ଜଳି ସଭା ।

ପୋଲସରା, ୧୧/୧୨(ପିପିଟି) : ପଦ୍ମଲାଭ ଦାଶ (ନାଇଡ଼ୁ)ଙ୍କ ବିଂଶ ତମ ଶ୍ରଦ୍ଧାଞ୍ଜଳି ସଭା ଗଞ୍ଜାମ ଜିଲ୍ଲା ବୁଗୁଡ଼ା ସହରସ୍ଥ ନିଜ ବାସଭବନରେ ଦୁର୍ଗାପ୍ରସାଦ ଦାଶଙ୍କ ତତ୍ୱାବଧାନ ଏବଂ ହରପ୍ରସାଦ ଦାଶଙ୍କ ସଂଯୋଜନାରେ ଅନୁଷ୍ଠିତ ହୋଇଥିଲା । ଏହି ଅବସରରେ ଦିବ୍ୟ ଜୀବନ ସଂଘର ସଭାପତି ତଥା ଆଧ୍ୟାତ୍ମିକବାଦୀ ପ୍ରଫୁଲ୍ଲ କୁମାର ପାଢ଼ୀ,ଶିକ୍ଷାବିତ ବ୍ରଜସୁନ୍ଦର ପାଢ଼ୀ,ଜୟନ୍ତ କୁମାର ପଟ୍ଟନାୟକ, ରୀନାରାଣୀ ଚୌଧୁରୀ, ମଦନମୋହନ ପାଠାଗାର ଓ ସାହିତ୍ୟ ସଂସଦ ସମ୍ପାଦକ ତ୍ରିଲୋଚନ ପଣ୍ଡା ପ୍ରମୁଖ ଅଂଶଗ୍ରହଣ କରିଥିବା ବେଳେ ସର୍ବପ୍ରଥମେ ସ୍ୱର୍ଗତ ଦାଶଙ୍କ ଫୋଟଚିତ୍ରରେ ପୁଷ୍ପମାଲ୍ୟ ଦେଇ ପ୍ରଦୀପ ପ୍ରଜ୍ଜଳନ କରିଥିଲେ । ତାପରେ ସ୍ଵର୍ଗତ ଦାଶଙ୍କ ସ୍ମୃତିଚାରଣ କରିଥିବା ସହ ଭଜନ, କୀର୍ତ୍ତନ,ମହା ମୃତ୍ତ୍ତୁଞ୍ଜୟ ପାଠ ଓ ମହାମନ୍ତ୍ର ଗାନ କରିଥିଲେ । କାର୍ଯ୍ୟକ୍ରମରେ ନିତ୍ୟାନନ୍ଦ ସାହୁ,ସନ୍ତୋଷ କୁମାର ରାଉତ,ସୁରେନ୍ଦ୍ର ନାଥ ପାଣି,ସୁରେନ୍ଦ୍ର ନାଥ ବେହେରା ଭଜନ ଗାନ କରିଥିଲେ ଏବଂ କାର୍ଯ୍ୟକ୍ରମକୁ ଡ଼ି.ସନ୍ତୋଷ କୁମାର ପାତ୍ର,ଲମ୍ବୋଦର ହୋତା ପ୍ରମୁଖ ସୁପରିଚାଳନା କରିଥିଲେ । ଏହି ସତସଙ୍ଗ କାର୍ଯ୍ୟକ୍ରମରେ ବହୁ ସତସଙ୍ଗପ୍ରେମୀ ଅଂଶଗ୍ରହଣ କରିଥିଲେ ।

ରିପୋର୍ଟ-ସନ୍ତୋଷ କୁମାର ପଣ୍ଡା