ପଞ୍ଚ ଦିବସୀୟ ତାଲିମ ଶିବିର ପ୍ରେରଣା ଉଦଯାପିତ ।

ପୋଲସରା ,୧୨/୦୨(ପିପିଟି): ପୋଲସରା ବ୍ଲକ ବେଲଗାଁ ପଞ୍ଚାୟତ ସ୍ଥିତ କନକ ଦୁର୍ଗା ବିଦ୍ୟାପୀଠ ମଧୁସୂଦନପୁର ଠାରେ ଗତ ୭ ତାରିଖ ଠାରୁ ଆରମ୍ଭ ହୋଇ ୧୧ତାରିଖ ପ୍ରଜ୍ୟନ୍ତ ଚାଲିଥିବା ପଞ୍ଚ ଦିବସୀୟ ତାଲିମ ଶିବିର ପ୍ରେରଣା ଉଦଯାପିତ ହୋଇଯାଇଛି। ଶିବିରରେ ଜିଲ୍ଲା ଶିକ୍ଷକ ଶିକ୍ଷା ତାଲିମ କେନ୍ଦ୍ର ଖଲ୍ଲିକୋଟର ଶିକ୍ଷୟତ୍ରୀ ସରୋଜିନୀ ମିଶ୍ର ଯୋଗ ଦେଇ ଉପସ୍ଥିତ ନବନିଯୁକ୍ତ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ତାଲିମ ପ୍ରଦାନ କରିଥିବା ସମ୍ବଳ ଶିକ୍ଷକ ମାନଙ୍କଠାରୁ ଯାହା ଶିଖିଲ ତାହାକୁ ନିଜ ନିଜର କର୍ମମୟ ସମୟରେ ବିଦ୍ୟାଳୟ ସ୍ତରରେ ଏପରି ପ୍ରତିଫଳନ ହେବ ସେଥି ଉପରେ ଗୁରୁତ୍ଵାରୋପ କରିଥିଲେ।କାର୍ଯ୍ୟକ୍ରମର ଉଦଘାଟକ ସ୍ଥାନୀୟ ବିଇଓ ପିଣ୍ଟୁ କୁମାର ପ୍ରଧାନ ନିଜର ଅଭିଭାଷଣରେ ଏହି ଶିବିରରେ ଉପସ୍ଥିତ ରହି ଯାହା କିଛି ଶିକ୍ଷାଜ୍ଞାନ ଅର୍ଜନ କରିଲ ତାହାକୁ ସଚ୍ଚୋଟତା ଏବଂ ସେବା ମନୋଭାବ ନେଇ ନିଜର ପବିତ୍ର କର୍ତ୍ତବ୍ୟ ପାଳନ କରି ସମାଜରେ ଜଣେ ଊତ୍ତମ୍ ଶିକ୍ଷକ/ଶିକ୍ଷୟତ୍ରୀର ପରିଚୟ ଦେବାପାଇଁ ବାର୍ତ୍ତା ରଖିଥିଲେ। ଏବିଇଓ ସ୍ୱରୂପ କୁମାର ପାତ୍ର ନିଜର ବକ୍ତବ୍ୟରେ ତାଲିମପ୍ରାପ୍ତ ଶିକ୍ଷକ/ଶିକ୍ଷୟତ୍ରୀଙ୍କୁ ନିଷ୍ଠାର ସହିତ କାମକରି ନିଜର ସୁନାମ ସହିତ ଅନୁଷ୍ଠାନର ସମ୍ମାନ ବଜାୟରଖି ସମାଜରେ ନିଜକୁ ଜଣେ ଜଣେ ଆଦର୍ଶ ଗୁରୁଭାବେ ପରିଚୟ ସୃଷ୍ଟି କରିବାକୁ ପରାମର୍ଶ ଦେଇଥିବାବେଳେ ବିଇଓ ସୁବାସିନି ତ୍ରିପାଠୀ ନିଜର ଅଭିଭାଷଣରେ ଶିକ୍ଷାର ମହତ୍ବ, ଆବଶ୍ୟକତା ଏବଂ ବ୍ୟବହାରିତା ଉପରେ ଗୁରୁତ୍ଵାରୋପ
କରିବାସହ ସମସ୍ତଙ୍କ ଊତ୍ତରୋତ୍ତର କାମନା କରିଥିଲେ।ଶିବିରରେ ୪୪ ଜଣ ତାଲିମ ନେଇଥିବା ଶିକ୍ଷାର୍ଥୀ ଶିକ୍ଷକ/ଶିକ୍ଷୟତ୍ରୀଙ୍କୁ ମାନପତ୍ର,ପେନ୍ ଡ୍ରାଇଭ୍ ଓ ଅନ୍ୟାନ୍ୟ ସୁବିଧା ସୁଯୋଗ ଯୋଗାଇ ଦିଆଯାଇଥିଲା।ଏଥିରେ ସମ୍ବଳ ଶିକ୍ଷକ ଭାବେ କାହୁଁ ଚରଣ ଜେନା, ସୁରେନ୍ଦ୍ର କୁମାର ସେଠୀ, ପ୍ରିୟବ୍ରତ ବେହେରା, ଆଲୋକ କୁମାର ପୃଷ୍ଟି ପ୍ରମୁଖ ଶିକ୍ଷକମାନେ ଯୋଗଦେଇ ତାଲିମ ପ୍ରଦାନ କରିଥିଲେ।ଶେଷରେ ସମସ୍ତଙ୍କୁ ଏବିଇଓ ସ୍ୱରୂପ କୁମାର ପାତ୍ର ଶିକ୍ଷା ବିଭାଗ ତରଫରୁ ଆନ୍ତରିକ ଧନ୍ୟବାଦ ଅର୍ପଣ କରିଥିଲେ।

ରିପୋର୍ଟ:- ସନ୍ତୋଷ କୁମାର ପଣ୍ଡା