ନୂତନ ରକ୍ତଦାତା ସୃଷ୍ଟି ଉଦ୍ଦେଶ୍ୟରେ ସଚେତନତା ।

ଭଞ୍ଜନଗର, ୧୯/୧୦(ପିପିଟି) : ରକ୍ତର କୌଣସି ବିକଳ୍ପ ନଥିବା ବେଳେ ଏହାର ଅଭାବ ପୂରଣ ସକାଶେ ସ୍ବେଚ୍ଛାକୃତ ରକ୍ତଦାନ ଜରୁରୀ ଅଟେ।ତେଣୁ ଭଞ୍ଜନଗର ରକ୍ତଭଣ୍ଡାର ତରଫରୁ ଗୁରୁବାର ସଭାଗୃହରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏଥିରେ ମୁଖ୍ୟ ଅତିଥି ରୂପେ ରକ୍ତ ଭଣ୍ଡାରର ଉପସଭାପତି ତଥା ଏସଡ଼ିଏମଓ ଡ଼ା.ସିତାଂଶୁ ଶେଖର ଶତପଥୀ,ସମ୍ମlନିତ ଅତିଥି ଭାବେ ବ୍ଲଡ଼ ବ୍ୟାଙ୍କ ଅଧିକାରୀ ଡ଼ା.ଗୋବିନ୍ଦ ମହାପାତ୍ର, ପରିଚାଳକ ବିଚିତ୍ର କୁମାର ପାଣିଗ୍ରାହୀ,ବିପିନ କୁମାର ପାଣିଗ୍ରାହୀ ଉପସ୍ଥିତ ଥିଲେ।ସ୍ବେଚ୍ଛାସେବୀ ବି. ଗୋବିନ୍ଦ ରାଓ,ସାମ୍ବାଦିକ ବିଶ୍ବମ୍ବର ଜେନା, ବିପଦର ବନ୍ଧୁ ଅନୁଷ୍ଠାନର ଚିନ୍ମୟ ପୋଲାଇ,ଉତ୍କଳ ସାମ୍ବାଦିକ ସଂଘ ଜିଲ୍ଲା ସମ୍ପାଦକ ଜୟକୃଷ୍ଣ ପଟ୍ଟନାୟକ ଓ ଅନ୍ୟମାନେ ଭଞ୍ଜନଗର ରକ୍ତ ଭଣ୍ଡାରରେ ଯୁବଗୋଷ୍ଠୀଙ୍କ ସହଯୋଗରେ ସର୍ବାଧିକ ରୋଗୀଙ୍କୁ ରକ୍ତ ଯୋଗାଇ ଦେଉଥିବା ବେଳେ ନୂତନ ରକ୍ତଦାତା ସୃଷ୍ଟି, ବିଭିନ୍ନ ସ୍ଥାନରେ ରକ୍ତଦାନ ଶିବିର ଆୟୋଜନ, ମହିଳା ରକ୍ତଦାତା ଓ ରୋଗୀଙ୍କ ସମ୍ପର୍କୀୟଙ୍କୁ ସଚେତନ କରିବା ପାଇଁ ପରାମର୍ଶ ଦେଇଥିଲେ।ଏଥିରେ ସ୍ବେଚ୍ଛାସେବୀ ସଙ୍ଗଠନ ବିପଦର ବନ୍ଧୁ,ଗୋପବନ୍ଧୁ ଚାରିଟେବୁଲ ଟ୍ରଷ୍ଟ, ଆମ ଓଡ଼ିଶାର ସଦସ୍ୟଙ୍କ ସମେତ ବହୁପୁରୁଷ ଓ ମହିଳା ରକ୍ତଦାତା ଉପସ୍ଥିତ ଥିଲେ।ଅନୀଲ ମାହାର,ଅରକ୍ଷିତ ପରିଛା ଓ ଅନ୍ୟମାନେ ସହଯୋଗ କରିଥିଲେ।

ରିପୋର୍ଟ୍ -ଜେ କେ ପଟ୍ଟନାୟକ