ନିମ୍ନମାନର ମଧ୍ୟାନଭୋଜନ ନେଇ ଅଭିଭାବକ ଅଭିଯୋଗ ।

ସିମୁଳିଆ,୧୧/୧୧:ବିଦ୍ୟାଳୟରେ ପିଲାମାନଙ୍କୁ ନିମ୍ନମାନର ମଧ୍ୟାହ୍ନଭୋଜନ ଦିଆ ଯିବାକୁ ନେଇ ଅଭିଭାବକ ମାନେ ବ୍ଳକ ଶିକ୍ଷାଅଧିକାରୀ ଠାରେ ଲିଖିତ ଅଭିଯୋଗ କରିଥିବାର ଜଣାଯାଇଛି । ସୂଚନାରୁ ପ୍ରକାଶ ବାଲେଶ୍ୱର ଜିଲ୍ଲା ସିମୁଳିଆ ବ୍ଲକ ପାହିତୋରଣା ପଞ୍ଚାୟତ ମଧୁପୁର ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷୟତ୍ରୀ ଉତ୍କଳା ମହାନ୍ତି କାର୍ଯ୍ୟରତ । ଏହି ବିଦ୍ୟାଳୟଟି ମଧୁପୁର ଆଦିବାସୀ ସାହିରେ ଅବସ୍ଥିତ ଥିବାବେଳେ ପିଲାଙ୍କୁ ନିମ୍ନ ମାନର ଖାଦ୍ୟ ଦିଆ ଯାଉଥିବା ନେଇ ଅଭିଭାବକମାନେ ପ୍ରଧାନ ଶିକ୍ଷୟିତ୍ରୀଙ୍କୁ ପଚାରିବାରୁ ଆଦିବାସୀ ପିଲାଙ୍କୁ କେମିତି ଖାଦ୍ୟ ଦିଆଯିବ ଓଲଟା ପ୍ରଶ୍ନ ପଚାରି ଥିଲେ ।ତେବେ ଶେଷରେ ଅବିଭାବକ ମାନେ ସିମୁଳିଆ ଅଞ୍ଚଳର ଯୁବ ସମାଜସେବି ମୋହନ ଗୋଛାୟତ ଓ ସୂର୍ଯ୍ୟଶିଖା ମହାସଂଘର ସଭାନେତ୍ରୀ ଭାରତୀ ମଲ୍ଲିକଙ୍କୁ ଜଣାଇଥିଲେ । ଅଭିଭାବକ ଶିଵ ସିଂ, ଶିଵ ମାରାଣ୍ଡି,ବାସୁଦେବ ମାରାଣ୍ଡି,ମୋଟୁ ସିଂ,ରଘୁନାଥ ହେମ୍ବ୍ରମ, ସମେତ ବହୁ ଅଭିଭାବକ ମାନଙ୍କୁ ସାଙ୍ଗରେ ଧରି ସିମୁଳିଆ ବ୍ଳକ ଶିକ୍ଷାଅଧିକାରୀଙ୍କ ନିକଟରେ ଆଜି ଲିଖିତ ଅଭିଯୋଗ କରିଛନ୍ତି । ଏ ସଂକ୍ରାନ୍ତରେ ସିମୁଳିଆ ଗୋଷ୍ଠୀଶିକ୍ଷା ଉନ୍ନୟନ ଅଧିକାରୀ ପ୍ରକାଶ ମହାଳିକଙ୍କୁ ପଚାରିବାରୁ ଅଭିଯୋଗ ପାଇଛନ୍ତି । ତୁରନ୍ତ ଏ ଦିଗରେ ତଦନ୍ତ କରିବା ସହ ବିହିତ ପଦକ୍ଷେପ ନେବାକୁ ପ୍ରକାଶ କରିଥିଲେ ।