ନିକଟରେ ବିଜେପିରେ ସାମିଲ ହୋଇଥିବା ବରିଷ୍ଠ ବିଜେଡ଼ି ନେତାଙ୍କୁ ଜିଲ୍ଲା ସ୍ତରରେ ସ୍ବାଗତ ।

ମାଲକାନଗିରି,୦୫/୧୨(ପିପିଟି) :ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ବିଜେଡିର ବରିଷ୍ଠ ନେତାମାନେ ଭୁବନେଶ୍ୱରରେ ବିଜେପିରେ ସାମିଲ ହୋଇଥିବା ବେଳେ ଆଜି ମାଲକାନଗିରି ଜିଲ୍ଲା ବିଜେପି କାର୍ଯ୍ୟାଳୟରେ ସେମାନଙ୍କୁ ସ୍ବାଗତ ସମ୍ବର୍ଦ୍ଧନା କରାଯାଇଛି। ସେମାନେ ହେଲେ ପୂର୍ବତନ ଜିଲ୍ଲା ବିଜେଡି ଉପଦେଷ୍ଟା ତଥା ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ବରିଷ୍ଠ ନେତା ପୂର୍ବତନ ରାଜ୍ୟସଭା କାର୍ଯ୍ୟକାରେଣି ସଦସ୍ୟ ହିମାଂଶୁ ସାମଲ, ବିଜେଡି ସଂପାଦକ ତଥା ଜିଲ୍ଲା ବସ ସଂଘ ସଂପାଦକ ଇ ଭେଙ୍କଟ ରାଓ,ଯୁବ ବିଜେଡି ସଂପାଦକ ପ୍ରଶାନ୍ତ କୁମାର ଜେନା । ସେମାନେ ଗତ ୨୪ ତାରିଖ ରବିବାର ଦିନ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ଉପସ୍ଥିତରେ ଅନୁଷ୍ଠାନିକ ଭାବେ ଭୁବନେଶ୍ଵର ସ୍ଥିତ ବିଜେପି କାର୍ଯ୍ୟାଳୟରେ ଠାରେ ବିଜେପିରେ ମିଶ୍ରଣ ହୋଇଥିଲେ। ଏହି ମିଶ୍ରଣ ପର୍ବରେ ନବରଙ୍ଗପୁର ସାଂସଦ ବଳଭଦ୍ର ମାଝୀ ,ରାଜ୍ୟ ସଂପାଦକ ସରୋଜ କରଙ୍କ ସମେତ ଅନେକ ପ୍ରମୁଖ ନେତୃବୃନ୍ଦ ଉପସ୍ଥିତ ଥିଲେ।ନବରଙ୍ଗପୁର ସାଂସଦ ବଳଭଦ୍ର ମାଝୀ ପ୍ରକାଶ କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତଥା ମୁଖ୍ୟ ମନ୍ତ୍ରୀ ମୋହନ ଚରଣ ମାଝୀଙ୍କ ଆଦର୍ଶରେ ଅନୁପ୍ରାଣିତ ହୋଇ ମାଲକାନଗିରିର ବରିଷ୍ଠ ନେତାମାନେ ବିଜେପିରେ ସାମିଲ ହୋଇଥିଲେ। ଏବଂ ବିଜେପି ଏକମାତ୍ର ଦଳ ଯିଏ କି ମାଲକାନଗିରି ଭଳି ପଛୁଆ ଜିଲ୍ଲାକୁ ବିକାଶ କରିବାରେ ମୁଖ୍ୟ ଭୂମିକା ନିର୍ବାହ କରିବା ।
ଆଜିର ସ୍ବାଗତ ସମ୍ବର୍ଦ୍ଧନା ଉତ୍ସବରେ ଜିଲ୍ଲା ବିଜେପି ସଭାପତି ନିମାଇଁ ଚନ୍ଦ୍ର ପାଲ, ପୂର୍ବତନ ବିଜେଡି ସଭାପତି ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଶୋକ ପରିଡା,ମାଲକାନଗିରି ବିଧାୟକ ନରସିଂହ ମାଡକାମୀ, ପୂର୍ବତନ ବିଧାୟକ ଡମ୍ବରୁ ଶିଶା, ମାଲକାନଗିରି ଜିଲ୍ଲା ନିର୍ବାଚନ ଅଧିକାରୀ ଅରୁଣ କୁମାର ଭଟ୍ଟ ମିଶ୍ର ,ସହକାରୀ ନିର୍ବାଚନ ଅଧିକାରୀ ଶାମଲ ସୁନାନୀ, ପର୍ଯ୍ୟବେକ୍ଷକ ଅଜୟ କୁମାର ସ୍ଵାଇଁ ଏବଂ ବିଜେପି ର ଅନ୍ଯାନ୍ୟ କର୍ମକର୍ତ୍ତାମାନେ ଉପସ୍ଥିତ ଥିଲେ।

(ରିପୋର୍ଟ ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)