ନକଲି ବନ୍ଧୁକ ଦେଖାଇ ଆତଙ୍କ ସୃଷ୍ଟିକାରି ଯୁବକ ଗିରଫ ।
ଭଞ୍ଜନଗର, ୨୭/୧୦(ପିପିଟି) : ଜଗନ୍ନାଥ ପ୍ରସାଦ ବ୍ଲକ ତାରସିଂ ଥାନା ଅଧିନ ତିରିଗୋଚ୍ଛା ଗ୍ରାମରେ ନକଲି ବନ୍ଧୁକ ଦେଖାଇ ଆତଙ୍କ ସୃଷ୍ଟି କରିବା ଅଭିଯୋଗରେ ପୁଲିସ ଜଣକୁ ଗିରଫ
କରିଥିବା ଜଣାପଡ଼ିଛି। ଅଭିଯୁକ୍ତ ଜଣକ ହେଲେ କ୍ଷେତମୁଣ୍ଡାଳୀ ଗ୍ରାମର ସୁଧିର ପାତ୍ର(୧୯)। ଆଜି ତାକୁ ପୋଲିସ ଗିରଫ କରି କୋର୍ଟ ଚାଲାଣ କରିବା ସହ ତା ନିକଟରୁ ଏକ ନକଲି ବନ୍ଧୁକ ଓ ବାଇକ ଜବତ କରିଥିବା ତାରସିଂ ଥାନାଅଧିକାରୀ ବିଜୟ କୁମାର ସ୍ବାଇଁ ପ୍ରକାଶ କରିଛନ୍ତି। ସୂଚନା ଅନୁଯାୟୀ ଗତକାଲି ତିରିଗୋଚ୍ଛା ଗ୍ରାମରେ ଏକ ଦଶାହ ଭୋଜିରେ ଲୋକମାନେ ଖାଇ ବସିଥିଲେ। ଏହି ସମୟରେ ସୁଧୀର ସେହି ଗ୍ରାମରେ ଭୋଜି ସ୍ଥଳରେ ବାଇକକୁ ଦ୍ରୁତଗତିରେ ଚଲାଇ ରାସ୍ତା ମଝିରେ ଯାଇଥିଲେ। ଏହାଦେଖି ଲୋକ ମାନେ ବାରଣ କରିବାରୁ ସେ ଉତକ୍ଷିପ୍ତ ହୋଇ ଏକ ନକଲି ବନ୍ଧୁକ ଦେଖାଇ ଲୋକଙ୍କୁ ଭୟଭୀତ କରିବା ସହ ବିଭିନ୍ନ ପ୍ରକାର ଧମକ ଚମକ ଦେଇଥିଲା। ଏହାପରେ ସେଠାରେ ଉପସ୍ଥିତ ଥିବା ଲୋକମାନେ ତାକୁ କାବୁ କରି ପୁଲିସ୍ ଜିମାରେ ଦେଇଥିଲେ। ଏନେଇ ସେହି ଗ୍ରାମର ଦିଲ୍ଲିପ ବାରିକଙ୍କ ଏତଲା କ୍ରମେ ପୁଲିସ୍ କେସ୍ ନମ୍ବର ୩୧୫/୨୪ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ଆଇଆଇସି ଶ୍ରୀ ସ୍ବାଇଁ ପ୍ରକାଶ କରିଛନ୍ତି।
ରିପୋର୍ଟ- (ଜେ. କେ ପଟ୍ଟନାୟକ)