ଦୁର୍ନୀତି ନିବାରଣ ସଚେତନତା ସପ୍ତାହ ଅବସରରେ ବନ୍ଧୁତ୍ୱ ପୂର୍ଣ୍ଣ ହକି ପ୍ରତିଯୋଗିତା ।

ଯାଜପୁର,୦୩/୧୧(ପିପିଟି): ଯାଜପୁର ଜିଲ୍ଲାରେ ଦୁର୍ନୀତି ନିବାରଣ ସଚେତନତା ସପ୍ତାହ ଅକ୍ଟୋ ବର ୨୮ ତାରିଖ ରୁ ଆରମ୍ଭ ହୋଇ ନଭେମ୍ବର ୩ ତାରିଖରେ ସମାପ୍ତ ହୋଇଯାଇଛି। ଆଜି ଶେଷ ଦିବସରେ ସ୍ଥାନୀୟ ହକି ଷ୍ଟାଡିୟମ ଠାରେ ଭିଜିଲାସନ୍ସ ବିଭାଗ ପକ୍ଷରୁ ଏକ ବନ୍ଧୁତ୍ୱ ପୂର୍ଣ୍ଣ ହକି ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଅତିରିକ୍ତ ଜିଲ୍ଲାପାଳ ଶୁଭେନ୍ଦ୍ର କୁମାର ସାମଲ ଉପସ୍ଥିତ ରହି ମ୍ୟାଚ ଶୁଭାରମ୍ଭ କରିଥିଲେ । ଏହି ପ୍ରତିଯୋଗିତାରେ ତିନୋଟି ଦଳ ଅଂଶଗ୍ରହଣ କରିଥିଲେ। ଏହି ମ୍ୟାଚରେ ଷ୍ଟାଡିୟମ ବଏଜ଼ ଦଳ ଚମ୍ପିୟାନ ହୋଇ ଅତିରିକ୍ତ ଜିଲ୍ଲାପାଳ ନବକ୍ରିଷ୍ଣ ଜେନାଙ୍କ ଠାରୁ ଟ୍ରଫି ଗ୍ରହଣ କରିଥିଲେ । ଏନ.ସି.କଲେଜ ଦଳ ଦ୍ଵିତୀୟ ସ୍ଥାନରେ ରହି ରନର୍ସ ଅପ ହୋଇଥିଲେ। ଉପ ଆରକ୍ଷୀ ଅଧିକ୍ଷକ, ଦୁର୍ନୀତି ନିବାରଣ ବିଭାଗ ସୁଶିଲ କୁମାର ଏକ୍କା ପ୍ରତିଯୋଗିତା ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ କାମିନୀ ରଞ୍ଜନ ପଟ୍ଟନାୟକ, ଇନିସ୍ପେକଟର ସୁଲୋଚନା ନାୟକ, ଜିଲ୍ଲା କ୍ରୀଡା ଅଧିକାରୀ ଫକୀର ମୋହନ ଟୁଡୁ,ଏ.ଏସ.ଆଇ ଶ୍ରୀକାନ୍ତ କୁମାର ନାୟକ, ସ୍ଥାନୀୟ କ୍ରୀଡ଼ାବିତ ମାନେ ଉପସ୍ଥିତ ଥିଲେ ।