ଦୁଇ ବସ ମୁହାଁ ମୁହିଁ ଧକ୍କା,ଜଣେ ବସ ଡ୍ରାଇଭର ଙ୍କ ମୃତ୍ୟୁ ।

ସୁବର୍ଣ୍ଣପୁର ,୧୦/୦୫(ପିପିଟି): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ଡୁଡୁପାଲି ଛକ ଠାରେ ଆଜି ସନ୍ଧ୍ୟା ପ୍ରାୟ ୭ ଘଣ୍ଟା ସମୟରେ ଦୁଇଟି ଘରୋଇ ବାସ ମୁହାଁ ମୁହିଁ ଧକ୍କା ହୋଇଥିବା ସୂଚନା ମିଳିଛି l ସୂଚନା ଅନୁସାରେ ଏଥିରେ ପ୍ରାୟ ୩୦ ଯାତ୍ରୀ ଆହତ ହୋଇଥିବା ବେଳେ ଜଣେ ବସ୍ ଡ୍ରାଇଭର ଙ୍କ ମୃତ୍ୟୁ ଘଟିଥିବା ସୂଚନା ମିଳିଛି l ସୂଚନା ଅନୁସାରେ କରିସ୍ମା ନାମକ ଘରୋଇ ବସ ସୋନପୁର ପଟରୁ ସମ୍ବଲପୁର ଯାଉଥିଲା ବେଳେ ସମ୍ବଲପୁର ପଟରୁ ଚକାଡୋଳା ବସ ସୋନପୁର ପଟକୁ ଆସୁଥିଲା l ଏହି ସମୟ ରେ ଡୁଡୁପାଲି ଠାରେ ଦୁଇ ବସ ମୁହାଁ ମୁହିଁ ଧକ୍କା ହୋଇଥିଲା l ଦୁର୍ଘଟଣା ରେ ଆହତ ମାନଙ୍କୁ ଉଲୁଣ୍ଡା ଏବଂ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଡାକ୍ତରଖାନା କୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି l

ରିପୋର୍ଟ -ଶାନ୍ତନୁ କୁମାର କର୍ଣ୍ଣ