ଥୁଆମୂଳରେ ଚବିଶ ପ୍ରହରୀ ନାମ ଯଜ୍ଞ ଅନୁ୍ଷ୍ଠିତ ।

କୋଦଳା,୨୧/୧୧(ପିପିଟି): ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ବଡ ଖଇରଖମା ପଞ୍ଚାୟତ ଥୁଆମୂଳ ଗ୍ରାମ ସ୍ଥିତ ମଦନ ମୋହନ ମଠ ପରିସରରେ ମହନ୍ତ ନିତ୍ୟାନନ୍ଦ ଦାସ ମହାରାଜଙ୍କ ତୃତୀୟ ବାର୍ଷିକ ବିରହ ମହୋତ୍ସବ ପାଳନ ଅବସରରେ ଥୁଆମୂଳ ଗ୍ରାମବାସୀଙ୍କ ସହଯୋଗରେ ୨୪ ପ୍ରହରୀ ନାମଯଜ୍ଞ,ଗୋପାଳ ସହସ୍ର ନାମ ଓ ସନ୍ଥ ମହନ୍ତ ସେବା ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗତ ୧୮ ତାରିଖ ଠାରୁ ଏହି କାର୍ଯ୍ୟକ୍ରମ ଆରମ୍ଭ ହୋଇଥିବା ବେଳେ ଆସନ୍ତା ୨୨ ତାରିଖ ଦିନ ଏହା ଶେଷ ହେବ । ଏଥିରେ ଥୁଆମୂଳ ଗ୍ରାମବାସୀ ସମେତ ଯୁବଗୋଷ୍ଠୀ ମାନେ ଉପସ୍ଥିତ ରହିବା ସହ କାର୍ଯ୍ୟକ୍ରମ ପରିଚାଳନାରେ ସହଯୋଗ କରୁଛନ୍ତି । ଏହି କାର୍ଯ୍ୟକ୍ରମଟି ମହନ୍ତ ସଦାନନ୍ଦ ଦାସ ମହାରାଜଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହେଉଥିବା ବେଳେ ଗ୍ରାମବାସୀ ମାନେ ସହଯୋଗ କରୁଛନ୍ତି । ଏ ନେଇ ଥୁଆମୂଳ ଗ୍ରାମ ଉତ୍ସବ ମୁଖର ପାଲଟିଛି । ଶ୍ରଦ୍ଧାଳୁ ଭକ୍ତମାନଙ୍କ ନିମନ୍ତେ ପ୍ରସାଦ ସେବନର କାର୍ଯ୍ୟକ୍ରମ ହେଉଥିବା ର ମଧ୍ଯ ଦେଖିବାକୁ ମିଳିଛି ।

(ରିପୋର୍ଟ- ସୂର୍ଯ୍ୟନାରାୟଣ ବଡୁ ।)