ତୁଳସୀବିହାର-ରାଳବ ରାସ୍ତାରେ ନକଲି ଗୁଟ୍ଖା ଜବତ,୩ ଜଣ ଗିରଫ ।
୨୯/୦୯/୨୦୨୩ -:- ତୁଳସୀ ବିହାର-ରାଳବ ରାସ୍ତାରେ ଏକ ଘରେ ଚାଲିଥିବା ନକଲି ନକଲି ଗୁଟ୍ଖା କାରଖାନାରେ ପୁଲିସ ଚଢଉ କରିଛି। ଏଥିରୁ ୧୦ ଲକ୍ଷ ଟଙ୍କାର ନକଲି ଗୁଟ୍ଖା ଓ ଗୁଟ୍ଖା ତିଆରି ସାମଗ୍ରୀ ପୁଲିସ ଜବତ କରିଛି। ସେହିପରି ଏହି କାରବାରରେ ସଂପୃକ୍ତ ଥିବା ଅଭିଯୋଗରେ ପୁଲିସ ୩ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଫାଷ୍ଟଗେଟ୍ କାଶୀନଗର ସାହିର ନିରଞ୍ଜନ ପ୍ରଧାନ(୨୭), ପାଣିଗ୍ରାହୀପେଣ୍ଠର ରାମଚନ୍ଦ୍ର ଦାସ(୪୦) ଓ ରେଡିକା ସାହିର କେ. ଶ୍ରୀରାମୁଲୁ। ଏ ସଂକ୍ରାନ୍ତରେ ଏସ୍ପି ଡା. ସର୍ବଣା ବିବେକ ଏମ୍. ଗଣମାଧ୍ୟମକୁ ସୂଚନା ଦେଇ କହିଛନ୍ତି ଏହି ସ୍ଥାନରେ ଗତ ୩ ମାସ ହେବ ନକଲି ଗୁଟ୍ଖା ପ୍ରସ୍ତୁତି ହେଉଥିଲା। ଏହି ନକଲି ଗୁଟ୍ଖାକୁ ଅଭିଯୁକ୍ତମାନେ ସହର ଓ ସହର ଉପକଣ୍ଠରେ ଥିବା ବିଭିନ୍ନ ପାନ ଦୋକାନରେ ବିକ୍ରି କରୁଥିଲେ। ବିଶେଷ ସୂତ୍ରରୁ ଏ ନେଇ ଖବର ମିଳିବା ପରେ ଏକ ଟିମ ଗଠନ ହୋଇଥିଲା। ଏହି ଟିମ୍ ସେଠାରେ ଚଢଉ କରିଥିଲା। ଚଢଉ ବେଳେ ଉକ୍ତ ଘରୁ ପ୍ୟାକିଂ ଜିନିଷ, ଗୁଟ୍ଖା, ମିକ୍ସର ମେସିନ୍, ଗୋକୁଳ ଡିଲକ୍ସ ଗୁଟ୍ଖା, ଖାଲି ପାଉଚ ଇତ୍ୟାଦି ଜବତ କରାଯାଇଛି। ଏହି ସାମଗ୍ରୀର ମୂଲ୍ୟ ୧୦ ଳକ୍ଷ ଟଙ୍କା ହେବ ବୋଲି ଆକଳନ କରାଯାଇଛି।