ତିନିଦିନ ପରେ ଲୁଟ୍ ବିସ୍ଫୋରକ ଉଦ୍ଧାର ;ମାଓବାଦୀ-ସୁରକ୍ଷାବାହିନୀ ଖଣ୍ଡଯୁଦ୍ଧ ପରେ ଛତ୍ରଭଙ୍ଗ ଦେଲେ ମାଓବାଦୀ ।
ରାଉରକେଲା,୩୦/୦୫: ସୁନ୍ଦରଗଡ଼ ଜିଲା କେ.ବଲାଙ୍ଗ ଥାନା ଅଞ୍ଚଳର ଝାଡ଼ଖଣ୍ଡ ସୀମାନ୍ତ ବାଙ୍କରୁ ଲୁଟ୍ ହୋଇଥିବା ବିସ୍ଫୋରକ ସାମଗ୍ରୀ ଉଦ୍ଧାର କରିବାରେ କୋବ୍ରା ବାହିନୀ ସଫଳ ହୋଇଥିବା ସୂଚନା ମିଳିଛି । ଝାଡ଼ଖଣ୍ଡ ରାଜ୍ୟ ଝରିଆକେଲା ଥାନା ଅନ୍ତର୍ଗତ ଭାଙ୍ଗରାମ ତିରିଲିପୋଷି ନିକଟସ୍ଥ ଜଙ୍ଗଲରେ ପୁଲିସର ଖାନତଲାସି ବେଳେ ଯବାନ ଓ ମାଓବାଦୀ ମୁହାଁମୁହିଁ ହୋଇଥିଲେ । ଉଭୟ ପକ୍ଷ ମଧ୍ୟରେ ପ୍ରାୟ ୧୦୦ରୁ ଊର୍ଦ୍ଧ୍ବ ରାଉଣ୍ଡ ଗୁଳି ବିନିମୟ ହୋଇଥିଲା । ଯବାନଙ୍କ ପକ୍ଷରୁ ଘନଘନ ଗୁଳିବର୍ଷଣ ପରେ ମାଓବାଦୀ ଛତ୍ରଭଙ୍ଗ ଦେଇଥିଲେ । ତେବେ ଯିବା ପୂର୍ବରୁ ମାଓବାଦୀଙ୍କ ଆଇଡି ବିସ୍ଫୋରଣରେ ଜଣେ କୋବ୍ରା ଯବାନ ଆହତ ହୋଇଥିବା ଜଣାଯାଇଛି । ତାଙ୍କୁ ତୁରନ୍ତ ଏୟାରଲିଫ୍ଟ କରାଯାଇ ରାଞ୍ଚି ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଗୁରୁତ୍ବପୂର୍ଣ୍ଣ କଥା ଏହି ଘଟଣାରେ ଯବାନମାନେ ବହୁ ବିସ୍ଫୋରକ ଜବତ ଓ ବିଭିନ୍ନ ମାଓ ବ୍ୟବହୃତ ସାମଗ୍ରୀ, ୟୁନିଫର୍ମ ଜବତ କରିଛନ୍ତି । ଜବତ ବିସ୍ଫୋରକ କେ.ବଲାଙ୍ଗ ଥାନା ଅଞ୍ଚଳରୁ ଲୁଟ୍ ହୋଇଥିବା ବିସ୍ଫୋରକ ବୋଲି ଯବାନମାନେ ଅନୁମାନ କରୁଛନ୍ତି । ତେବେ ଏ ସମ୍ପର୍କରେ ପୁଲିସ ସ୍ପଷ୍ଟ କରିନାହିଁ ।
ସୂଚନାଯୋଗ୍ୟ ସୁନ୍ଦରଗଡ଼ ଜିଲା କେ.ବଲାଙ୍ଗ ଥାନା ଅଞ୍ଚଳରୁ ଝାଡ଼ଖଣ୍ଡ ସୀମାନ୍ତରେ ମାଓବାଦୀ ପ୍ରାୟ ୪ଟନରୁ ଊର୍ଦ୍ଧ୍ବ ବିସ୍ଫୋରକ ଭର୍ତ୍ତି ଏକ ଭ୍ୟାନ ଲୁଟି ନେଇଥିଲେ । ସରଣ୍ଡା ଜଙ୍ଗଲରେ ସେମାନେ ଗାଡ଼ିର ଡ୍ରାଇଭର ଓ ଗାଡ଼ିକୁ ସୁରକ୍ଷିତ ଛାଡ଼ି ଦେଇଥିଲେ ହେଁ ସମସ୍ତ ବିସ୍ଫୋରକ ଲୁଟି ନେଇଥିଲେ । ଏହି ଘଟଣା ପରେ ରାଜ୍ୟ ପୁଲିସ ମହାନିର୍ଦେଶକଙ୍କ ସମେତ ବହୁ ଉଚ୍ଚପଦସ୍ତ ଅଧିକାରୀ ତୁରନ୍ତ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଥିଲେ । ଏପରିକି ଏନଆଇଏ ଟିମ୍ ଗତକାଲି ରାଉରକେଲାରେ ପହଞ୍ଚି ତଦନ୍ତ ଆରମ୍ଭ କରିଥିଲା । ସରଣ୍ଡା ଜଙ୍ଗଲରେ ଡ୍ରୋନ ସର୍ଭେ କରାଯିବା ସହ ତିନି ରାଜ୍ୟ ପୁଲିସ ପକ୍ଷରୁ ତଲାସି ଅଭିଯାନକୁ ଜୋରଦାର କରାଯାଇଥିଲା । ଏହି କ୍ରମରେ ଶୁକ୍ରବାର ଅପରାହ୍ଣରେ ଝରିଆକେଲା ଥାନା ଅନ୍ତର୍ଗତ ଭାଙ୍ଗରାମ ତିରିଲପୋଷି ନିକଟସ୍ଥ ଜଙ୍ଗଲ ଏବଂ ପାହାଡ଼ିଆ ଅଞ୍ଚଳରେ ମାଓବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଘମାଘୋଟ ଲଢ଼େଇ ହୋଇଥିଲା। ଉଭୟ ପକ୍ଷ ମଧ୍ୟରେ ପ୍ରାୟ ୧୦୦ ରାଉଣ୍ଡ ଗୁଳିଚାଳନା ହୋଇଥିଲା। ଯବାନଙ୍କ ଗୁଳିବର୍ଷଣ ଦେଖି ମାଓବାଦୀ ଛତ୍ରଭଙ୍ଗ ଦେଇ ଜଙ୍ଗଲ ଏବଂ ପାହାଡ଼ିଆ ଅଞ୍ଚଳର ସୁଯୋଗ ନେଇ ପଳାୟନ କରିଥିଲେ। ପୂର୍ବରୁ, ଉକ୍ତ ଅଞ୍ଚଳରେ ସୁରକ୍ଷା ବାହିନୀକୁ ନିଶାଣ କରିବା ଉଦ୍ଦେଶ୍ୟରେ ମାଓବାଦୀ ପୂର୍ବରୁ ପୋତାଯାଇଥିବା ଏକ ଆଇଇଡି ବିସ୍ଫୋରଣ କରିଥିଲେ। ଆଇଇଡି ଯୋଗୁଁ କୋବ୍ରା ୨୦୯ ବାଟାଲିୟନର ଜଣେ ଯବାନ ଆହତ ହୋଇଛନ୍ତି । ହାବିଲଦାର ସୁନୀଲ କୁମାର ଟିଏସ ସାମାନ୍ୟ ଆହତ ହୋଇଥିଲେ। ଆହତ ଶ୍ରମିକଙ୍କ ଅବସ୍ଥା ସ୍ଥିର ଅଛି। ପଶ୍ଚିମ ସିଂହଭୂମି ଜିଲା ପୁଲିସ ଅଧୀକ୍ଷକ ରାକେଶ ରଞ୍ଜନ ଏହା ନିଶ୍ଚିତ କରିଛନ୍ତି। ସେ କହିଛନ୍ତି ଯେ ପୁଲିସ ବାହିନୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପ୍ରାଥମିକ ଚିକିତ୍ସା ପରେ ଆହତ ସୈନିକଙ୍କୁ ଉଚ୍ଚ ଚିକିତ୍ସା ପାଇଁ ଡାକ୍ତରଖାନାକୁ ପଠାଯାଇଛି। ଗୁଳି ବିନିମୟ ପରେ କରାଯାଇଥିବା ତଲାସି ସମୟରେ, ସୁରକ୍ଷା ବାହିନୀ ବିପୁଳ ପରିମାଣରେ ବିସ୍ଫୋରକ ଏବଂ ମାଓ ବ୍ୟବହୃତ ସାମଗ୍ରୀ ଜବତ କରିଛନ୍ତି ା କୁହାଯାଉଛି ଉଦ୍ଧାର ହୋଇଥିବା ବିସ୍ଫୋରକ ମେ ୨୭ତାରିଖରେ ସୁନ୍ଦରଗଡ଼ ଜିଲା କେ.ବଲାଙ୍ଗ ଥାନା ଅନ୍ତର୍ଗତ ବାଙ୍କୋ ଖଣିରେ ପହଞ୍ଚିବା ପୂର୍ବରୁ ଲୁଟ୍ କରି ନେଇଥିଲେ ମାଓବାଦୀ ସୁରକ୍ଷା ବାହିନୀ ଏହାକୁ ତିରିଲପୋଷିରୁ ଜବତ କରିଛି। ସୁନ୍ଦରଗଡ଼ ଜିଲ୍ଲା ବଡ଼ଗାଁରୁ ଆସୁଥିବା ବିସ୍ଫୋରକ ଭର୍ତ୍ତି ଏକ ଗାଡ଼ିକୁ ଚାରିଦିନ ପୂର୍ବେ ମାଓବାଦୀ ଲୁଟି ନେଇଥିଲେ। ଲୁଟ ହୋଇଥିବା ବିସ୍ଫୋରକର ପରିମାଣ ପ୍ରାୟ ୫ଟନ୍ ଥିଲା। ଏହି ଘଟଣା ପରେ, ଝାଡ଼ଖଣ୍ଡ ପୁଲିସ ଝରିଆକେଲା ସୀମାରେ ହାଇ ଆଲର୍ଟ ଜାରି କରିବା ସହ ଏକ ବଡ଼ ସର୍ଚ୍ଚ ଅପରେସନ ଆରମ୍ଭ କରିଛି। ସୁରକ୍ଷା ବାହିନୀ ସରଣ୍ଡା ଜଙ୍ଗଲର ଦିଘା, ଥୋଲକୋବାଦ, ଛୋଟାନାଗ୍ରା ଏବଂ ବାରାଇବୁରୁ ଅଞ୍ଚଳରେ ଏକକାଳୀନ ଅପରେସନ ଆରମ୍ଭ କରିଥିଲେ। ଏହି ଅପରେସନରେ ଚାଇବସା ଜିଲା ପୁଲିସ, ଝାଡ଼ଖଣ୍ଡ ଜାଗୁଆର, କୋବ୍ରାର ୨୦୩ ଏବଂ ୨୦୯ ବାଟାଲିୟନ, ସିଆରପିଏଫର ୨୬ବାଟାଲିୟନ,୬୦ ବାଟାଲିୟନ, ୧୩୪ ବାଟାଲିୟନ,୧୯୩ ବାଟାଲିୟନ ଏବଂ ୧୯୭ ବାଟାଲିୟନ ସାମିଲ ଥିବା ଜଣାଯାଇଛି।