ଡକାୟତି ଉଦ୍ୟମ ପଣ୍ଡ, ମାରଣାସ୍ତ୍ର ଜବତ ସହିତ ୪ ଗିରଫ।

ଆସିକା,୦୬/୧୦(ପିପିଟି): ଆସିକା ସୁବର୍ଣ୍ଣେଶ୍ବର ମନ୍ଦିର ନିକଟରେ ଡକାୟତି କରିବା ପାଇ ଯୋଜନା କରୁଥିବା ସମୟରେ ବିଶେଷ ସୂତ୍ରରୁ ଖବର ପାଇ ଆସିକା ପୁଲିସ ମଧ୍ଯ ରାତ୍ରରେ ଚଢ଼ାଉ କରି ଡକାୟତି ଉଦ୍ୟମକୁ ପଣ୍ଡ କରିଛି। ଘଟଣା ସ୍ଥଳରୁ ୪ ଜଣକୁ ଗିରଫ କରିଥିବା ବେଳେ ଦୁଇଜଣ ଫେରାର ହୋଇଯାଇଛନ୍ତି। ଡକାୟତି ଗ୍ଯାଙ୍ଗ ଠାରୁ ଦୁଇଟି ବାଇକ, ଗୋଟିଏ ମାଉଜର, ୧୦ଟି ବୋମା,ଗୋଟିଏ ଖଣ୍ଡା,ଗୋଟିଏ କାତି, ଗୋଟିଏ ଭୁଜାଲି, ମରିଚ ଗୁଣ୍ଡ, ମହମ ବତୀ,ଟର୍ଚ୍ଚ, ମଦ ବୋତଲ ଓ ସିଗାରେଟ ପ୍ରଭୂତି ଜବତ କରାଯାଇଛି। ଆସିକା ଥାନା କେଶ ନମ୍ବର ୬୪୭ ତା-୦୬/୧୦/୨୦୨୧ ରେ ମାମଲା ରୁଜୁ ହୋଇଥିବା ଜଣାପଡିଛି। ଗିରଫ ଅଭିଯୁକ୍ତ ମାନଙ୍କ ବିରୁଦ୍ଧରେ ପୂର୍ବରୁ ମାମଲା ଥିବା ନେଇ ପୁଲିସ ଅଧିକାରୀ ସୂଚନା ଦେଇଛନ୍ତି। ଅଭିଯୁକ୍ତ ମାନଙ୍କୁ କୋର୍ଟଚାଲାଣ କରାଯାଇଛି।