ଟ୍ରାକ୍ଟର ତଳେ ଚାପି ହୋଇ ଜଣେ ମୃତ।

ଭଞ୍ଜନଗର, ୩୧/୭. ତାରସିଂ ଥାନା ଲେମ୍ଭେଇ ପଞ୍ଚାୟତ ଟାଙ୍ଗଣ ଗ୍ରାମରେ ରବିବାର ସନ୍ଧ୍ୟାରେ ଟ୍ରାକ୍ଟର ତଳେ ଚାପି ହୋଇ ଜଣଙ୍କର ମୃତ୍ୟୁ ଘଟିଛି।ଏହି ଗ୍ରାମର ଧୋବା ସାହୁ(୩୫) ନିଜ ଟ୍ରାକ୍ଟର ଯୋଗେ ସନ୍ଧ୍ୟା ସମୟରେ ଜମି ଚାଷ କରୁଥିବା ବେଳେ ଅତ୍ୟଧିକ କାଦୁଅ ଯୋଗୁଁ ଟ୍ରାକ୍ଟରଟି ଓଲଟି ପଡ଼ିଥିଲା।ଫଳରେ ଧୋବା ଗାଡ଼ି ତଳେ ଚାପି ହୋଇ ଯାଇଥିଲେ।ସ୍ଥାନୀୟ ଲୋକମାନେ ଏହାଦେଖି ଭଞ୍ଜନଗର ଅଗ୍ନିଶମ ବିଭାଗକୁ ଖବର ଦେଇଥିଲେ।ଅଗ୍ନିଶମ କର୍ମଚାରୀ ଗାଡ଼ି ତଳୁ ଧୋବାକୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ। ପୁଲିସ ଘଟଣା ସ୍ଥଳରେ ପହଞ୍ଚି ଧୋବାକୁ ଭଞ୍ଜନଗର ମେଡ଼ିକାଲ ପଠେଇଥିଲା।ଏଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ।ଏସଂକ୍ରାନ୍ତରେ ତାରସିଂ ଥାନାରେ ପୁଲିସ କେସ ନଂ ୨୫୩/୨୩ରେ ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିବା ଜଣାପଡ଼ିଛି।