ଟ୍ରକ ଧକ୍କାରେ ଯୁବକ ଗୁରୁତର ।

ବାସୁଦେବପୁର,୦୯/୧୧:ବାସୁଦେବପୁର ସହରର ମୁଖ୍ୟ କାଳୀମନ୍ଦିର ଛକରେ ଟ୍ରକ ଧକ୍କାରେ ପରେଶ ନାୟକ(୫୨) ନାମକ ଯୁବକ ଗୁରୁତର ହୋଇଛି। ପରେଶ ଗୁଆଗଡ଼ିଆ ଗାଁର ବୈରାଗୀ ନାୟକଙ୍କ ପୁଅ ବୋଲି ସୁଚନା ମିଳିଛି। ବାଇକରେ ପରେଶ କାଳୀମନ୍ଦିର ରାସ୍ତାରେ ଯାଉଥିବା ବେଳେ ଦୁର୍ଘଟଣା ଘଟିଥିଲା । ଜାମୁଝାଡ଼ି ଅଭିମୁଖେ ଯାଉଥିବା ଏକ ଟ୍ରକଟି ପରେଶର ବାଇକ ସହ ଲାଗିଯିବାରୁ ସେ ତଳେ ପଡିଯାଇଥିଲା । ଆଉ ପରେଶର ଦୁଇ ଗୋଡ଼ ଉପରେ ଟ୍ରକ ଚଢି ଯାଇଥିଲା। ରକ୍ତ ଜୁଡୁବୁଡୁ ଅବସ୍ଥାରେ ସ୍ଥାନୀୟ ଲୋକ ତାକୁ ଉଦ୍ଧାରକରି ବାସୁଦେବପୁର ଡାକ୍ତର ଖାନାରେ ଭର୍ତ୍ତି କରିଥିଲେ। ପ୍ରାଥମିକ ଚିକିତ୍ସାପରେ ଅଵସ୍ଥା ଉଦବେଗ ଜନକ ଥିବାରୁ ପରେଶକୁ ଭଦ୍ରକ ପଠାଇ ଦିଆଯାଇଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଉତେଜନା ଦେଖାଦେଇଥିଲା । ପୁଲିସ ଘଟଣା ସ୍ଥଳରେ ପହଞ୍ଚି ବୁଝାମଣା ସହ ଟ୍ରକକୁ ଅଟକ ରଖିଛି ।