ଜ୍ବାଇଁ ଙ୍କ ସଂଘବଦ୍ଧ ଆକ୍ରମଣରେ ଶ୍ବଶୁର ମୃତ,ଶାଶୁ ଆହତ ।

ଲକ୍ଷ୍ମୀପୁର,୨୨/୦୯(ପିପିଟି): କୋରାପୁଟ ଜିଲା ଲକ୍ଷ୍ମୀପୁର ଥାନା ଅନ୍ତର୍ଗତ ସଦର ମହକୁମାରେ ଶନିବାର ରାତିରେ ଏକ ଅଭାବନୀୟ ଘଟଣା ଘଟିଛି। ଜ୍ବାଇଁର ସଂଗବଦ୍ଧ ଆକ୍ରମଣରେ ଶ୍ବଶୁର ଲଛନ ବୈପାରୀଙ୍କ ମୃତ୍ୟୁ ହୋଇଥିବା ବେଳେ ଶାଶୁ ବଦ୍ଲି ବୈପାରୀଙ୍କ ଆହତ ହୋଇଛନ୍ତି। ପାରିବାରିକ କଳହ ରୁ ଏଭଳି ହତ୍ଯାକାଣ୍ଡ ହୋଇଥିବା ପ୍ରାଥମିକ ସୂଚନାରୁ ଜଣାପଡିଛି। ଲକ୍ଷ୍ମୀପୁରର ତଳଚମ୍ପି ଗ୍ରାମର ଲଛନ ବୈପାରୀଙ୍କ ଝିଅ ନିକଟସ୍ଥ ଝୋଲାଗୁଡା ଗ୍ରାମର କୃଷ୍ଣ ଜାନୀଙ୍କୁ ଭଲପାଇ କୁଆଡ଼େ ବାହା ହୋଇଥିଲେ । କିନ୍ତୁ ପାରିବାରିକ ଗଣ୍ଡଗୋଳ କିଛି ଦିନ ହେଲା ତାଙ୍କ ପତ୍ନୀ ବାପ ଘରେ ରହୁଥିଲେ। ତେବେ କଣ ପାଇଁ ତାଙ୍କ ସ୍ତ୍ରୀ ଙ୍କୁ ଛାଡୁ ନାହାଁନ୍ତି ବୋଲି ଉତକ୍ଷିପ୍ତ ହୋଇ ଶନିବାର ରାତିରେ ଲକ୍ଷ୍ମୀପୁର ଠାରୁ କିଛି ଦୂରରେ ଏକ କୁଡିଆରେ ଥିବା ବେଳେ ଜ୍ବାଇଁ ଲୁହା ରଡ୍ ରେ ସଂଘ ବଦ୍ଧ ଆକ୍ରମ କରିବାରୁ ଶ୍ବଶୁର ଲଛନ ବୈପାରୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି। ଶାଶୁ ବଦ୍ଲି ମଧ୍ୟ ଆହତ ହୋଇଛନ୍ତି। ପୁଲିସ ମୃତ ଦେହ ଜବତ କରିବା ସହିତ ୪ଜଣଙ୍କୁ ଥାନାରେ ଅଟକ ରଖି ତଦନ୍ତ ଚଳାଇଛି।