ଜିଲ୍ଲା ସ୍ତରୀୟ ୭୧ତମ ନିଖିଳ ଭାରତ ସମବାୟ ସପ୍ତାହ ପାଳନ।

ଖୋର୍ଦ୍ଧା ,୧୮/୧୧ (ପିପିଟି):ଖୋର୍ଦ୍ଧା ନିବନ୍ଧକ ଓ ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କର ମିଳିତ ଆନୁକୂଲ୍ୟରେ ଖୋର୍ଦ୍ଧା ଜୟୀ ରାଜଗୁରୁ ଟାଉନ ହଲ ଠାରେ ୭୧ ତମ ସର୍ବଭାରତୀୟ ସମବାୟ ସପ୍ତାହ ପାଳନ କରାଯାଇଅଛି। ଏଥିରେ ମୂଖ୍ୟ ଅତିଥି ରୂପେ ଖୋର୍ଦ୍ଧା ADM ପ୍ରତାପ ଚନ୍ଦ୍ର ବେଉରା, ମୂଖ୍ୟ ବକ୍ତା ଅବସରପ୍ରାପ୍ତ ସମବାୟ ଅଧିକାରୀ ବିରଜା ପ୍ରସାଦ ସତପଥି, ଉପ ନିବନ୍ଧକ ସମବାୟ ସମିତି ସମୂହ ଖୋର୍ଦ୍ଧା ବିଭାଜନ ଅଳକାନନ୍ଦା ଜେନା, ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସାରଥି ସତପଥି, ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କର ସଭାପତି ଅଭିଷେକ ସିଂହସାମନ୍ତ ଓ ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କର ସମସ୍ତ ସଦସ୍ୟ ସଦସ୍ୟା ଏବଂ ସହ ନିବନ୍ଧକ ମାରାଣ୍ଡି ସାର ଓ ଅନ୍ୟ ମାନେ ଯୋଗଦାନ କରିଥିଲେ। ଖୋର୍ଦ୍ଧା ଜିଲ୍ଲା ବୋଲଗଡ ବ୍ଳକ ଅନ୍ତର୍ଗତ ଶ୍ରୀ ଚନ୍ଦନପୁରପାଟଣା ସେବା ସମବାୟ ସମିତି ର ଚାଷୀ ମାଗୁଣି ଚରଣ ସ୍ବାଇଁଙ୍କୁ ପନିପରିବା ଚାଷରେ ଏକ ନମ୍ବର ଚାଷୀ ଭାବରେ ପୁରସ୍କୃତ ହୋଇଛନ୍ତି। ଶ୍ରୀ ଚନ୍ଦନପୁରପାଟଣା ସେବା ସମବାୟ ସମିତି ର ସଭାପତି ପ୍ରକାଶ ଚନ୍ଦ୍ର ରାଉତରାୟ ଖୁସି ବ୍ୟକ୍ତକରି ଚାଷୀ ମାଗୁଣି ଚରଣ ସ୍ବାଇଁ କୁଂ ସାଧୁବାଦ ଜଣାଇଛନ୍ତି।

(ରିପୋର୍ଟ-ସୁଶାନ୍ତ କୁମାର ପ୍ରଧାନ।)