ଛେଦାଭୂମି ମନ୍ଦିରରୁ ଚୋରି ଜିନିଷ ଉଦ୍ଧାର, ଜଣେ ଅଟକ ।

ଭଞ୍ଜନଗର, ୨୬/୦୨(ପିପିଟି) : ଶିବାରାତ୍ରୀର ଦିନକ ପୂର୍ବରୁ ଶିବ ମନ୍ଦିରରୁ ମନ୍ଦିର ଭିତରେ କଳାକନା ବୁଲାଇଛନ୍ତି ଦୁର୍ବୁତ୍ତ। ଏଭଳି ଏକ ଅଭାବନୀୟ ଘଟଣା ଘଟିଛି ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅଧିନ ଛେଦାଭୁମୀ ଗ୍ରାମରେ। ଗ୍ରାମର ଆରମ୍ଭରେ ରହିଥିବା ବିଶ୍ବନାଥ ସ୍ୱାମୀ ମନ୍ଦିର ପରିସରରୁ ଚୋରୀ ହୋଇଥିବା ଅଭିଯେଗ ହୋଇଛି। ମନ୍ଦିର ପରିସରରେ ରହିଥିବା ଅନ୍ନପୁର୍ଣ୍ଣା ମନ୍ଦିର ଓ ପଞ୍ଚମୁଖି ହନୁମାନ ମନ୍ଦିରରୁ ମଙ୍ଗଳବାର ବିଳମ୍ବିତ ରାତିରେ ତାଲା ଭାଙ୍ଗି ଦୁବୃର୍ତ୍ତମାନେ ଚୋରି କରି ନେଇଥିବା ଅଭିଯୋଗ ହୋଇଛି। ବିଶ୍ବନାଥ ସ୍ୱାମୀ ମହାଦେବଙ୍କ ମୁଖ୍ୟ ମନ୍ଦିର ଭିତରେ ପଶି ନଥିବା ବେଳେ ଉଭୟ ମନ୍ଦିର ଭିତରେ ପଶି ତାଲା ଭାଙ୍ଗି ପିତଳର ପଞ୍ଚମୁଖି ହନୁମାନ ପ୍ରତିମା,ଖଟୁଳି,ମୁର୍ତ୍ତି, ଥାଳି,ଢାଳ ଓ କିଛି ପିତଳ ନାଗ ସମେତ ବିଭିନ୍ନ ସାମଗ୍ରୀ ଚୋରି କରି ନେଇଛନ୍ତି। ଏନେଇ ଥାନରେ ଅଭିଯୋଗ ହେବା ପରେ ପୁଲିସ୍ ଘଟଣାସ୍ଥଳରେ ପହଞ୍ଚି ଖୋଳତାଡ କରୁଥିବା ଜଣାପଡିଛି। ଆଜି ମହା ଶିବରାତ୍ରି ହୋଇଥିବାରୁ ମନ୍ଦିର ପୂଜକ ଏବଂ ବିଶ୍ବନାଥ ମନ୍ଦିର ପରିଚାଳନା କମିଟି ପକ୍ଷରୁ ମଙ୍ଗଳବାର ବିଳମ୍ବିତ ରାତି ପର୍ଯ୍ୟନ୍ତ ମନ୍ଦିରରେ ସଫେଇ ସହ ଅନ୍ୟାନ୍ୟ କାମ ଚାଲିଥିଲା। ପରେ ମନ୍ଦିରରେ ତାଲା ପକାଇ ସମସ୍ତେ ଘରକୁ ଫେରିଥିଲେ। ବୁଧବାର ସକାଳୁ ପୂଜା କରିବା ପାଇଁ ମନ୍ଦିରର ପୁଜକ ଶଙ୍କର୍ଷଣ ମହାପାତ୍ର ମନ୍ଦିରକୁ ଆସି ଅନ୍ନପୂର୍ଣ୍ଣା ମନ୍ଦିର ଓ ପଞ୍ଚମୁଖୀ ହନୁମାନ ମନ୍ଦିରର ତାଲା ଭାଙ୍ଗି ଥିବା ଦେଖିବାକୁ ପାଇଥିଲେ। ସେ ଏସମ୍ପର୍କରେ ମନ୍ଦିର ପରିଚାଳନା କମିଟିକୁ ଖବର ଦେବା ପରେ ଜଣକୁ ସନ୍ଦେହରେ ପଚରା ଉଚୁରା କରିବା ପେର ତା ନିକଟରୁ ଚୋରୀ ସାମଗ୍ରୀ ଉଦ୍ଧାର ହୋଇଥିବା ଜଣାପଡିଛି।ଅଟକ ଯୁବକ ସହିତ ଆଉ କିଛିଲୋକ ମିଶି ବିଭିନ୍ନ ସ୍ଥାନରେ ଚୋରି କରୁଥିବା ଅନୁମାନ କରାଯାଉଛି। ବର୍ତ୍ତମାନ ଜିଲ୍ଲାରେ ମନ୍ଦିର ଗୁଡିକୁ ଦୁର୍ବୁତ୍ତ ମାନେ ଟାର୍ଗେଟ କରୁଥିବା ବେଳେ ମନ୍ଦିର ପରିସରରେ ରହିଥିବା ମୂଲ୍ୟବାନ ସାମଗ୍ରୀ ଓ ହୁଣ୍ଡିରୁ ଟଙ୍କା ଲୁଟି ନେଉଥିବା ଅନେକ ଘଟଣା ଦେଖିବାକୁ ମିଳିଛି।ମା’ ତାରାତାରଣୀ ମନ୍ଦିର ଠାରୁ ଆରମ୍ଭ କରି ଭଞ୍ଜନଗର ପ୍ରସିଦ୍ଧ ଶିରିଡି ସାଇ ମନ୍ଦିରରୁ ଚୋରୀ ହୋଇଥିବା ବେଳେ ଏଭଳି ଚୋରୀକୁ ରୋକିବା ଦିଗରେ ପୁଲିସ୍ ପକ୍ଷରୁ କଡା ପଦକ୍ଷେପ ଗ୍ରହଣ କରିବା ଜରୁରୀ ହୋଇପଡିଛି।

ରିପୋର୍ଟ- ଜେ କେ ପଟ୍ଟନାୟକ