ଛାତରୁ ଖସି ଏସି ମେକାନିକ ଗୁରୁତର ।

ଭଞ୍ଜନଗର,୦୬/୦୮(ପିପିଟି): ଭଞ୍ଜନଗର ସହରର ବାଇପାସ ରୋଡରେ ରହୁଥିବା ଜଣେ ବ୍ୟକ୍ତି ଙ୍କ ଘରେ ଏସି କାମ କରୁଥିବା ବେଳେ ଛାତରୁ ପଡି ଗୁରୁତର ଆହତ ହେଇଛନ୍ତି ମେକାନିକ। ଆହତ ଜଣକ ହେଲେ ବାଗଦେବୀ ରୋଡର ସନ୍ତୋଷ କୁମାର ପଟ୍ଟନାୟକ(୩୮)। ଆଜି ସକାଳ ୯ଟା ସମୟରେ ସନ୍ତୋଷ ଘରର ଛାତ ଉପରେ ଚଢ଼ି ଏସି ମରାମତି କରୁଥିବା ସମୟରେ ଅସାବଧାନତା କାରଣରୁ ତାଙ୍କର ଗୋଡ ଖସି ଯାଇଥିଲା ଯାହା ଫଳରେ ସେ ପ୍ରାୟ ୨୦ ଫୁଟ ଉଚ୍ଚରୁ ତଳକୁ ଖସି ପଡ଼ିଥିଲେ। ତାଙ୍କ ଚିତ୍କାର ଶୁଣି ସ୍ଥାନୀୟ ଲୋକମାନେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଭଞ୍ଜନଗର ଉପଖଣ୍ଡ ମେଡ଼ିକାଲରେ ଭର୍ତ୍ତି କରିଥିଲେ। ଖବର ପାଇ ଭଞ୍ଜନଗର ବିଜ୍ଞାପିତ ଅଞ୍ଚଳ ପରିଷଦର ନଗରପାଳ ଗୋପବନ୍ଧୁ ମହାପାତ୍ର ଡାକ୍ତରଖାନାରେ ପହଞ୍ଚି ସନ୍ତୋଷର ଭଲମନ୍ଦ ବୁଝିବା ସହ ଅଣ୍ଟାରେ ଗଭୀର ଆଘାତ ଲାଗିଥିବାରୁ ତାଙ୍କୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ମେଡିକାଲକୁ ପଠାଇଥିଲେ। ସ୍ଥାନୀୟ ଅଞ୍ଚଳରେ ଜଣେ ଭଲ ଏସି ମେକାନିକ ଭାବେ ସନ୍ତୋଷ ବେଶ ପରିଚିତ।
(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )