ଚୋରାମଦ ଧରିବାକୁ ଯାଇ ମାଡ଼ ଖାଇଲେ ପୋଲିସ, ମରଣାନ୍ତକ ଆକ୍ରମଣରେ ହୋମଗାର୍ଡ ଆହତ ।

କୋଦଳା,୦୭/୧୨(ପିପିଟି):ଶୁକ୍ରବାର ସନ୍ଧ୍ୟା ରେ ପୁସ୍ତପୁର କୁ ଚୋରାମଦ ଧରିବାକୁ ଯାଇ ମଦ ମାଫିଆଙ୍କ ଆକ୍ରମଣରେ ଜଣେ ଗୃହରକ୍ଷୀ ଗୁରୁତର ଆହତ ହୋଇ ବ୍ରହ୍ମପୁର ମେଡିକାଲରେ ଚିକିଛିତ ହେଉଥିବା ଜଣାପଡ଼ିଛି । କୋଦଳା ଥାନା ଅଧିକାରୀ ସୁବାଷ ଚନ୍ଦ୍ର ବେହେରାଙ୍କ ସୂଚନା ପ୍ରକାରେ ପୁସ୍ତପୁର ଗ୍ରାମରେ ଚୋରା ଦେଶିମଦ ବିକ୍ରି ହେଉଥିବା ଖବର ପାଇ ପୋଲିସ ସେଠାରେ ପହଞ୍ଚିବା ପରେ ସେଠାରେ ଉପସ୍ଥିତ ଥିବା ମଦମାଫିଆ ମାନେ ପୋଲିସ ଉପରକୁ ବିଭିନ୍ନ ମାରଣାସ୍ତ୍ରରେ ଆତର୍କିତ ମରାଣାନ୍ତକ ଆକ୍ରମଣ କରିଥିଲେ ଯାହାଫଳରେ ଗୃହରକ୍ଷୀ ରାମନନ୍ଦ ମିଶ୍ର ଗୁରୁତର ଆହତ ହୋଇ ବ୍ରହ୍ମପୁର ମେଡିକାଲ ରେ ଭର୍ତ୍ତି ହୋଇଥିବା ବେଳେ ଅପରାଧୀ ଚମ୍ପଟ ମାରିଥିଲେ । କିନ୍ତୁ ଏମାନଙ୍କୁ ଧରିବାରେ ପୋଲିସ ସଫଳ ହୋଇଛି ଏବଂ ଏଥିରେ ସଂଶ୍ଲିଷ୍ଟ ମଦ ମାଫିଆ ପୁସ୍ତପୁର ଗ୍ରାମର ଆଦିତ୍ୟ ବେହେରା, ନୂଆ ଫାସୁଳା ଗ୍ରାମର ସିଲୁ ପାହାନ ଓ ତୋଟା ଗାଁ ର ଓମ ପାହାନଙ୍କୁ ଗିରଫ କରିବା ସହିତ ସେମାନଙ୍କ ଠାରୁ ଗୋଟିଏ ଠେଙ୍ଗା ଓ ଗୋଟିଏ ଖଣ୍ଡା ଜବତ କରି ଥାନା କେଶ ନଂ 599/24 ରେ ମାମଲା ୠଜୁକରି ମଦ ମାଫିଆଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ପ୍ରକାଶ କରିଛନ୍ତି ।

(ରିପୋର୍ଟ- ସୂର୍ଯ୍ୟନାରାୟଣ ବଡୁ ।)