ଗ୍ରାମ୍ୟ ଅର୍ଥନୀତି ରେ ମହୁଲ ଫୁଲ ଓ ଫଳର ଗୁରୁତ୍ବ ପୁର୍ଣ ଭୂମିକା।

ବୋଲଗଡ଼,୩୧/୦୩(ପିପିଟି): ବସନ୍ତ ଋତୁରେ ମହୁଲ ଫୁଲର ମହକରେ ମହକୁଛି ଜଙ୍ଗଲ ପାହାଡ ଘେରା ଅଞ୍ଚଳ। ଖେତରୁ ଧାନ ଆଦାୟ ସରିଗଲା ପରେ ଖରା ଓ ପାହାନ୍ତି କାକର ଭିଜା ଶୀତୁଆ ସମୟରେ ଏହି ମହୁଲ ଫୁଲର ବାସ୍ନା ପାହାଡି ଅଞ୍ଚଳକୁ ମହକାଇ ଦେଇଥାଏ।ସାଧାରଣତଃ ଏହି ମହୁଲ ଫୁଲ ଆମ ରାଜ୍ୟର ଜନ ଜୀବନରେ ଖୁବ ଜଣାଶୁଣା। ମହୁଲ ଗଛରୁ ମହୁଲ ଫୁଲ ଝଡି ପଡିଥାଏ। ଲୋକମାନେ ମହୁଲ ଫୁଲ କୁ ସଂଗ୍ରହ କରି ନଜ ଘରକୁ ନେଇ ଆସିଥାନ୍ତି। ଏହି ଫୁଲକୁ ଖରାରେ ସୁଖାଇ ପାଖରେ ରଖିଥାନ୍ତି। ଏହି ଶୁଖିଲା ମହୁଲ କୁ ବ୍ୟବସାୟୀ ମାନେ ଗାଁ କୁ ଗାଁ ବୁଲି କିଣି ନେଇ ଥାନ୍ତି। ଗରିବ ଜନସାଧାରଣ ମହୁଲ ବିକ୍ରି କରି ଭଲ ଦୁଇ ପଇସା ପାଇଥାନ୍ତି। ମହୁଲ ଫୁଲରୁ ବିଭିନ୍ନ ପ୍ରକାରର ପ୍ରସ୍ତୁତ ପିଠା, କେକ୍, ଏବଂ ସୁଖିଲା ମହୁଲ ଫୁଲକୁ ଭାଜିକରି ଖିଆ ଯାଇଥାଏ। ବିଶେଷ କରି ଏଥିରେ ସୁରା ପ୍ରସ୍ତୁତ କରାଯାଇଥାଏ। ଏହି ମହୁଲ ଫୁଲ କୁ ଗାଇ ଗୋରୁ ଙ୍କର ଖାଦ୍ୟ ରୁପେ ବ୍ୟବହୃତ ହୋଇଥାଏ। ବିଶେଷ କରି ଏହି ମହୁଲ ଗଛର ଫଳ ଯାହାକୁକି ଟୋଲ କୁହାଯାଏ। ସେହି ଟୋଲ ରୁ ଖାଇବା ତେଲ ଉତ୍ପାଦନ ହୋଇଥାଏ। ଜଙ୍ଗଲ କ୍ଷୟ ହେଲେ ସୁଦ୍ଧା ଏବେ ମଧ୍ୟ ଆମ ରାଜ୍ୟରେ ପ୍ରଚୁର ପରିମାଣରେ ମହୁଲ ଗଛ ରହିଛି। ଗରିବ ତଥା ନିମ୍ନ ମଧ୍ୟବିତ୍ତ ପରିବାର ବିଶେଷ କରି ଆଦିବାସୀ ଲୋକେ ଶୀତ ଋତୁ ଶେଷ ରୁ ବସନ୍ତ ଋତୁର ଶେଷ ପର୍ଯ୍ୟନ୍ତ ଏହାକୁ ସଂଗ୍ରହ କରି ଜୀବିକା ନିର୍ବାହ କରିଥାନ୍ତି। ମୋଟା ମୋଟି କହିବାକୁ ଗଲେ ଜଙ୍ଗଲ ଜାତ ଦ୍ରବ୍ଯ ଭାବରେ ଗ୍ରାମ୍ୟ ଅର୍ଥ ନୀତିରେ ଏହି ମହୁଲ ଫୁଲ ଏବଂ ଫଳର ଗୁରୁତ୍ବ ପୁର୍ଣ ଭୂମିକା ରହିଛି।

(ରିପୋର୍ଟ-ସୁଶାନ୍ତ କୁମାର ପ୍ରଧାନ।)