କୁଲାଡ଼ ଠାରେ ଗୋବର୍ଦ୍ଧନ ପୂଜା ଅନୁଷ୍ଠିତ ।

ଭଞ୍ଜନଗର, ୦୨/୧୧(ପିପିଟି) : ଭଞ୍ଜନଗର ବ୍ଳକ୍ କୁଲାଡ ଠାରେ ଶ୍ରୀ ଶ୍ରୀ ରାଧା ଗିରିଧାରୀ ଆଶ୍ରମ ପକ୍ଷରୁ ଗୋବର୍ଦ୍ଧନ ପୂଜା ଏବଂ ଅନ୍ନକୂଟ୍ଟ ମହୋତ୍ସବ ଅନୁଷ୍ଠିତ ହୋଇଯାଇଛି। ଏଥି ନିମିତ୍ତ କୁଲାଡ ଗ୍ରାମରେ ଆଜି ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିବା ବେଳେ ସକାଳ ସମୟରେ ଆଶ୍ରମ ପକ୍ଷରୁ ୧୦୮ ଆଳତୀ, ମହାଭିଷେକ ବହୁ ଆଡମ୍ବର ସହକାରେ ରୀତିନୀତି ଅନୁଯାୟୀ ପାଳନ ହୋଇଥିଲା। ଜାଜାବର ମହାରାଜ,ଅବଧୂତ ମହାରାଜ, ଆଶ୍ରମ ମହାରାଜ,ଗୋସ୍ବାମୀ ମହାରାଜ,ରାଧାକାନ୍ତ ମହାରାଜ ପ୍ରମୁଖ ସାଧୁ ଏଠାକୁ ଆସିଥିବା ବେଳେ ବ୍ରହ୍ମଚାରୀ ମାନେ ପ୍ରବଚନ ଦେଇଥିଲେ। ଏଥିରେ ଅତିଥି ଭାବେ ରାଜ୍ୟ ପରିବହନ,ଖଣି ଓ ଇସ୍ପାତ ମନ୍ତ୍ରୀ ବିଭୂତି ଭୂଷଣ ଜେନା, ଭଞ୍ଜନଗର ବିଧାୟକ ପ୍ରଦ୍ୟୁମ୍ନ କୁମାର ନାୟକ,ଏନ୍ଏସି ନଗରପାଳ ଗୋପବନ୍ଧୁ ମହାପାତ୍ର,ସଙ୍ଗଠକ ନୀଳମାଧବ ପାତ୍ର,ଧୋବା ଗୌଡ,ମାନସ ଜେନା,ଶିବ ଶଙ୍କର ପ୍ରଧାନ,ଶିବ ପ୍ରସାଦ ମହାପାତ୍ର,ବ୍ରହ୍ମାନନ୍ଦ ଦାସ ପ୍ରମୁଖ ଉପସ୍ଥିତ ରହିଥିଳେ। ଏହାପରେ ଶ୍ରଦ୍ଧାଳୁଙ୍କ ଗହଣରେ ନଗର ସଂକୀର୍ତ୍ତନ ଅନୁଷ୍ଠିତ ହୋଇଥିଲା ଏହି ଅବସରରେ ଭଗବାନ ଶ୍ରୀକୃଷ୍ଣଙ୍କ ପର୍ବତ ଉଠାଇଥିବାର ଏକ ସୁନ୍ଦର ପ୍ରତିମା ସ୍ଥାପନ କରାଯିବା ସହ ୫୬ ଭୋଗରେ ୭୩୦ ପ୍ରକାରରୁ ଉର୍ଦ୍ଧ୍ବ ମିଷ୍ଠାନ୍ନ,ଭୋଗ,ପ୍ରସାଦ ଆଦି ଅର୍ପଣ କରାଯାଇଥିଲା। ମଧ୍ୟାହ୍ନରେ ପ୍ରାୟ ୧୨ ହଜାରରୁ ଉର୍ଦ୍ଧ୍ବ ଶ୍ରଦ୍ଧାଳୁଙ୍କ ନିମନ୍ତେ ପ୍ରସାଦ ସେବନର ଆୟୋଜନ କରାଯାଇଥିଲା। ଗୁରୁ ଶ୍ୟାମଘନ ଦାସ,ପରମେଶ୍ୱର ଦାସ, କୌଳାସ ଦାସ,ଅରକ୍ଷିତ ପରିଚ୍ଛା,କେଶବ ଦାଶ,ଶ୍ୟାମାନନ୍ଦ ଦାସ,ଜୀବନ ଦାସ, ଅଶୋକ ପାତ୍ର,ଅଶୋକ ଦାସ ଓ କୁଲାଡ ଗ୍ରାମବାସୀମାନେ ଏଥିରେ ସହଯୋଗ କରିଥିଲେ।

ରିପୋର୍ଟ- (ଜେ. କେ ପଟ୍ଟନାୟକ)