କଟକରେ କୃତିତ୍ୱ ହାସଲ କଲା ଘୁମୁସର କରାଟୀ ଏକାଡେମି ।

ଭଞ୍ଜନଗର, ୧୭/୧୧(ପିପିଟି) : କଟକ ସ୍ଥିତ ଜବାହରଲାଲ ନେହରୁ ଇଣ୍ଡୋର ଷ୍ଟାଡିୟମ ଠାରେ ଅଲଇଣ୍ଡିଆ ଲେବଲ କରାଟୀ ପ୍ରତିଯୋଗିତାରେ ଭଞ୍ଜନଗର ଅଞ୍ଚଳର ଘୁମୁସର କରାଟୀ ଏକାଡେମୀ କୃତିତ୍ୱ ହାସଲ କରିଛି। ଏକାଡେମୀ ପରିଚାଳକ ସୋମନାଥ ସେଠୀଙ୍କ ତତ୍ତ୍ୱାବଧାନରେ ଛାତ୍ରଛାତ୍ରୀମାନେ ବିଭିନ୍ନ ବିଭାଗ ଓ ବର୍ଗରେ ସଫଳତାର ସହ ସ୍ୱର୍ଣ୍ଣ, ରୋପ୍ୟ ଓ ବ୍ରୋଞ୍ଚ ପଦକ ହାସଲ କରିଛନ୍ତି। ଏହି ଛାତ୍ରଛାତ୍ରୀମାନେ ରାଜ୍ୟ ଓ ରାଜ୍ୟ ବାହାରୁ ଆସିଥିବା ପ୍ରତିଯୋଗୀ ମାନଙ୍କ ସହ ପ୍ରତିଦ୍ବନ୍ଧିତା କରି ବିଜୟ ହାସଲ କରିଛନ୍ତି। ଘନଶ୍ୟାମ ନାୟକ, ହିମାଂଶୁ ଲାଲ ସାହୁ ପ୍ରଥମ ହୋଇଥିବା ବେଳେ ସୁନୀଲ କୁମାର ଭୂୟାଁ,ବି. ଭିସିଓନ ପାତ୍ର ଦ୍ୱତୀୟ ଏବଂ ସୋହନ ରାଓ ଦୋରା, ଅମ୍ଲାନ ଆଦିତ୍ୟ ସେଠୀ ତୃତୀୟ ସ୍ଥାନ ଅଧିକାର କରିଛନ୍ତି। ଭଞ୍ଜନଗର ସହର ଭଞ୍ଜ ସାହିତ୍ୟ ପରିଷଦ ଠାରେ ଏହି ଏକାଡେମୀ ଦୀର୍ଘଦିନ ଧରି ପ୍ରଶିକ୍ଷଣ ଦେଇଆସୁଛି। ଏହି ଅବସରରେ କୃତିତ୍ୱ ହାସଲ କରିଥିବା ଛାତ୍ର ମାନଙ୍କୁ ଆୟୋଜକଙ୍କ ପକ୍ଷରୁ ଭୁୟସୀ ପ୍ରଶଂସା କରାଯାଇଛି।

ରିପୋର୍ଟ- (ଜେ.କେ ପଟ୍ଟନାୟକ)