ଏମସିସି ଓ ଏମଆରଏଫ କେନ୍ଦ୍ର ପରିଦର୍ଶନ କଲେ ନୋଡାଲ ଉଚ୍ଚ ବିଦ୍ୟାଳୟ ଛାତ୍ର ଛାତ୍ରୀ ।

0 218

କୋଦଳା,୨୫/୦୨(ପିପିଟି): କୋଦଳା ବିଜ୍ଞାପିତ ଅଞ୍ଚଳ ପରିଷଦ ମଧ୍ୟରେ ଥିବା ସମ୍ପଦ କେନ୍ଦ୍ର ତଥା (MCC & MRF) କୁ କୋଦଳା ବିଜ୍ଞାପିତ ଅଞ୍ଚଳର ନୋଡାଲ ହାଇସ୍କୁଲ ର ସମସ୍ତ ଛାତ୍ର ଛାତ୍ରୀ ସମ୍ପଦ କେନ୍ଦ୍ର ସମ୍ପର୍କରେ ଜାଣିବା ପାଇଁ ପରିଦର୍ଶନରେ ଆସିଥିଲେ । ଏଥିରେ ଛାତ୍ର ଛାତ୍ରୀଙ୍କ ସମେତ ସ୍କୁଲର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଓ କର୍ମକର୍ତ୍ତା ଉପସ୍ଥିତ ରହିବା ସହ ସମ୍ପଦ କେନ୍ଦ୍ରର କାର୍ଯ୍ୟ ନିର୍ବାହୀ ଅଧିକାରୀ କୃଷ୍ଣ ଚନ୍ଦ୍ର ରଥ,ପରିମଳ ବିଶେଷଜ୍ଞ ଚନ୍ଦ୍ର କାନ୍ତ ମାରାଣ୍ଡି, ସୁପରଭାଇଜର ,ସ୍ୱଚ୍ଛ ସାଥୀ, ସ୍ୱଚ୍ଛ କର୍ମୀ,ଉପସ୍ଥିତ ରହି ଗ୍ରାମର ପ୍ରତ୍ୟକ ୱାର୍ଡ ରୁ ସଂଗ୍ରହ କରି ଆଣୁଥିବା ଅଳିଆ ଅବର୍ଜନା ରୁ ଜୈବିକ ଖତ କିପରି ଉତ୍ପାଦିତ ହେଉଛି ତାହା ଦେଖିଥିଲେ । ଏହି ଅବସରରେ ଛାତ୍ର ଛାତ୍ରୀ ମାନଙ୍କୁ ଅଳିଆ ଆବର୍ଜନାକୁ ପରିଷଦ ଗାଡ଼ିରେ କିପରି ଦିଆଯିବ ଓ ଆବର୍ଜନା ପରିଚାଳନା ସମ୍ପର୍କରେ ଅବଗତ କରା ଯାଇଥିଲା। ସମସ୍ତ ଖତ ଉତ୍ପାଦିତ ଯନ୍ତ୍ରପାତି ଦେଖି ଛାତ୍ରଛାତ୍ରୀ ଉତ୍ସାହିତ ହୋଇଥିଲେ ।

(ରିପୋର୍ଟ- ସୂର୍ଯ୍ୟନାରାୟଣ ବଡୁ ।)

Leave A Reply

Your email address will not be published.