ଇଂରାଜୀ ନାମ ଫଳକରେ କଳା ରଙ୍ଗ ବୋଳି ନିଜର ଉଦବେଗ ପ୍ରକାଶ କଲେ “ଓଠ ଓଡ଼ିଆ” ସଂଘ।

ଖୋର୍ଦ୍ଧା,୦୧/୦୪(ପିପିଟି):ଭାରତବର୍ଷର ପ୍ରଥମ ଭାଷା ଭିତ୍ତିକ ରାଜ୍ୟ ଭାବରେ ଓଡ଼ିଶା ର ଗଠନ ହେଲା ୧୯୩୬ ମସିହାରେ । ଉତ୍କଳଗୌରବ ମଧୁସୂଦନ ନିଜର ସବୁକିଛି ତ୍ୟାଗ କରି ଭାଷାର ଆଧାରରେ ଆମ ପାଇଁ ଯେଉଁ ସ୍ଵତନ୍ତ୍ର ରାଜ୍ୟ ତିଆରି କରିଗଲେ ସେ ଭାଷାର ସ୍ଥିତି ଆଜି କଣ ? ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନର ୮୮ ବର୍ଷ ପରେ ମଧ୍ୟ ଆଜି ଓଡ଼ିଶାର ଶାସନ ଓଡ଼ିଆ ଭାଷାରେ ହୋଇ ପାରିଲା ନାହିଁ । କୋର୍ଟ, କଚେରୀ, ଥାନା, ତହସିଲ, ବ୍ଳକ୍, ଜିଲ୍ଲାପାଳଙ୍କ କାର୍ଯ୍ୟାଳୟ, ସଚିବାଳୟ – ଚାରିଆଡ଼େ ଇଂରାଜୀ ଭାଷାର ବ୍ଯବହାରରେ ସାଧାରଣ ଓଡ଼ିଆଟିଏ ଆଜି ଅସହାୟ ବୋଧ ଅନୁଭବ କରୁଛି । ଲୋକଙ୍କ ଟିକସ ପଇସାରେ ରାଜଧାନୀର ଛାତି ଉପରେ ବିରାଟ ବିରାଟ ସରକାରୀ ଇଂରାଜୀ ନାମ ଫଳକ ଆମ ସ୍ୱାଭିମାନ କୁ ଦଳି ଚକଟି ଆମକୁ ଉପହାସ କରୁଛି । ଏସବୁର ବିରୋଧରେ ପବିତ୍ର ଉତ୍କଳ ଦିବସ ଅବସରରେ “ଉଠ ଓଡ଼ିଆ” ପାଇଁ କାମ କରୁଥିବା କର୍ମକର୍ତ୍ତା ଭାଇ ମାନେ ସ୍ଵାଭିମାନକୁ ଡାକରା ଦେଇ ରାଜଧାନୀରେ ଥିବା ଇଂରାଜୀ ନାମ ଫଳକରେ କଳା ରଙ୍ଗ ବୋଳି ନିଜର ଉଦବେଗ ପ୍ରକାଶ କରିଛନ୍ତି।

(ରିପୋର୍ଟ-ସୁଶାନ୍ତ କୁମାର ପ୍ରଧାନ।)