ଆମ ପୋଲିସ କାର୍ଯ୍ୟକ୍ରମରେ ବରିଷ୍ଠ ନାଗରିକଙ୍କୁ ପରିଚୟ ପତ୍ର ପ୍ରଦାନ।

ବୋଲଗଡ଼, ୨୦/୧୧(ପିପିଟି):ବୋଲଗଡ଼ ଥାନା ପୋଲିସ ଓ ବୋଲଗଡ଼ ବ୍ଲକ ବରିଷ୍ଠ ନାଗରିକ ସଂଘର ମିଳିତ ଆନୁକୂଲ୍ୟରେ ବୋଲଗଡ଼ ବ୍ଲକ ଅଞ୍ଚଳର ବରିଷ୍ଠ ନାଗରିକମାନଙ୍କୁ ପରିଚୟ ପତ୍ର ପ୍ରଦାନ ଓ ଆମ ପୋଲିସ କାର୍ଯ୍ୟକ୍ରମ ବୋଲଗଡ଼ ଥାନା ପରିସରରେ ଅନୁଷ୍ଠିତ ହୋଇଯାଇଅଛି। ଏହି କାର୍ଯ୍ୟକ୍ରମ ରେ ବୋଲଗଡ଼ ବରିଷ୍ଠ ନାଗରିକ ସଂଘର ସଭାପତି ଗୋପୀନାଥ ଖାଡେଙ୍ଗାଙ୍କ ସଭାପତିତ୍ୱରେ ମୁଖ୍ୟଅତିଥି ଭାବେ ବୋଲଗଡ଼ ଥାନା ଅଧିକାରିଣୀ ସିଗ୍ଧାମୟୀ ବରାଳ, ସଂମ୍ମାନିତ ଅତିଥିଭାବେ, ବୋଲଗଡ଼ ଥାନା ସବଇନ୍ସପେକ୍ଟର ପ୍ରମୋଦ କୁମାର ନାୟକ,ଅର୍ଚ୍ଚନା ଚମ୍ପତି , ବରିଷ୍ଠ ନାଗରିକ ସଂଘର ସହସମ୍ପାଦକ ଭକ୍ତ ବଲ୍ଲଭ ପଟ୍ଟନାୟକ, ରାଧାଶ୍ୟାମ ରାୟଗୁରୁ ପ୍ରମୁଖ ଯୋଗଦେଇ ଜଗନ୍ନାଥଙ୍କ ଫୋଟୋ ଚିତ୍ରରେ ଫୁଲ, ଚନ୍ଦନ ଓ ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭ ଉଦଘାଟନ କରିଥିଲେ। ସମ୍ପାଦକ ରଘୁନାଥ ଦଳବେହେରା ଅତିଥି ପରିଚୟ ପ୍ରଦାନ କରି ବେଦପାଠ ଗାନ କରିଥିଲେ। ବରିଷ୍ଠ ନାଗରିକ ସଂଘର ନୂତନ ୬୨ଜଣ ସଭ୍ୟ /ସଭ୍ୟlମାନଙ୍କୁ ପରିଚୟ ପତ୍ରପ୍ରଦାନ କରାଯାଇଥିଲା। ରାଜ୍ୟ ସରକାର ବରିଷ୍ଠ ନାଗରିକମାନଙ୍କୁ ଉତ୍ତମ ସ୍ୱାସ୍ଥ୍ୟ ସେବା, ଯାନବାହାନ ଯାତାୟାତ ସୁବିଧା ଓ ସାମାଜିକ ସୁରକ୍ଷା ଯୋଗାଇ ଦେବାକୁ ବୋଲଗଡ଼ ବରିଷ୍ଠ ନାଗରିକ ସଙ୍ଘ ଅନୁରୋଧ କରିଅଛନ୍ତି।

(ରିପୋର୍ଟ-ସୁଶାନ୍ତ କୁମାର ପ୍ରଧାନ।)