ଆନିକଟ୍ ରୁ ଯୁବକଙ୍କ ମୃତଦେହ ଉଦ୍ଧାର ।

ଭଞ୍ଜନଗର, ୧୪/୧୨(ପିପିଟି) : ଭଞ୍ଜନଗର ଥାନା ଅଧିନ ଶୋରିଷମୁଳି ଆନିକଟ୍ ରୁ ଶନିବାର ଜଣେ ଯୁବକଙ୍କୁ ମୃତଦେହ ଉଦ୍ଧାର ହୋଇଛି।ମୃତକ ଜଣକ ଭଞ୍ଜନଗର ଥାନା ଅନ୍ତର୍ଗତ କୁଲାଡ ନୁଆସାହିର ଭଞ୍ଜ ସୁଆର(୨୮) ବୋଲି ଜଣାପଡିଛି।ଭଞ୍ଜ ଗତ କିଛି ଦିନ ହେବ ଘରୁ ବାହାରି କେଉଁ ଆଡେ ଚାଲି ଯାଇଥିଲେ।ପରିବାର ଲୋକେ ବହୁ ଖୋଜାଖୋଜି କରିବା ପରେ ମଧ୍ୟ ତାଙ୍କର ସନ୍ଧାନ ପାଇ ନଥିଲେ।ଶନିବାର ସକାଳୁ ଶୋରିଷମୁଳି ଆନିକଟ୍ ରେ ତାଙ୍କର ମୃତଦେହ ଭାସୁଥିବା ପରିବାର ଲୋକେ ଖବର ପାଇ ପୋଲିସକୁ ଜଣାଇଥିଲେ।ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଭଞ୍ଜନଗର ମେଡିକାଲରେ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି।ଏସଂକ୍ରାନ୍ତରେ ୪୭/୨୪ ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ଭଞ୍ଜନଗର ପୋଲିସ ତଦନ୍ତ ଚଳାଇଛି।

ରିପୋର୍ଟ- (ଜେ.କେ ପଟ୍ଟନାୟକ)