ଅବସରପ୍ରାପ୍ତ ସୂଚନା ଓ ଲୋକସଂପର୍କ ବିଭାଗ କର୍ମଚାରୀ ବାରୁଣୀ ସେଠୀଙ୍କ ଦେହାନ୍ତ ।

ଯାଜପୁର,୨୧/୦୫(ପିପିଟି): ଯାଜପୁର ଜିଲ୍ଲା ସୂଚନା ଓ ଲୋକସଂପର୍କ ବିଭାଗର ଅବସରପ୍ରାପ୍ତ କର୍ମଚାରୀ ବାରୁଣୀ ସେଠୀଙ୍କ ଗତକାଲି ରାତ୍ର ୧୦.୦୦ ଘଟିକା ସମୟରେ ୬୮ ବର୍ଷ ବୟସରେ ଇହଲୀଳା ସମ୍ବରଣ କରିଛନ୍ତି। ଯକୃତ ରୋଗରେ ଆକ୍ରାନ୍ତ ହୋଇ ଦୀର୍ଘ ୧ ମାସ ହେବ ଏମ୍ସ ମେଡିକାଲରେ ଚିକିତ୍ସାଧୀନ ଥିଲେ। ସ୍ବର୍ଗତ ବାରୁଣୀ ସେଠୀ କର୍ତ୍ତବ୍ୟନିଷ୍ଠ, କର୍ତ୍ତବ୍ୟ ପରାୟଣ, ମିଷ୍ଟଭାଷୀ, ପରୋପକାରୀ ବ୍ୟକ୍ତିତ୍ଵ ଥିଲେ। ତାଙ୍କର ଅନ୍ତେଷ୍ଟିକ୍ରିୟା ବାରୁଣୀ ମହା ଶ୍ମଶାନ ଠାରେ ସମ୍ପନ୍ନ ହୋଇଅଛି। ମୃତ୍ୟୁ ଶଯ୍ୟା ନିକଟରେ ତାଙ୍କର ଧର୍ମପତ୍ନୀ ଓ ୪ ଜଣ ଝିଅ ଜ୍ବାଇଁ ଉପସ୍ଥିତ ଥିଲେ। ତାଙ୍କର ମୃତ୍ୟୁ ଖବର ପାଇ ଜିଲ୍ଲା ସୂଚନା ଓ ଲୋକସଂପର୍କ କାର୍ଯ୍ୟାଳୟରେ ଏକ ଶୋକସଭା ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ କାମିନୀ ରଞ୍ଜନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଅମର ଆତ୍ମାର ସଦଗତି କାମନା କରାଯାଇଥିଲା। ଶୋକସଭାରେ ସତ୍ୟଜିତ ନାୟକ, ହରପ୍ରିୟା ସାହୁ,ରତିକାନ୍ତ ମହାନ୍ତି, ଅଜିତ୍ କୁମାର ବେହେରା, ସାଗର କୁମାର ନାୟକ,ପ୍ରିତିରଞ୍ଜନ ମହାନ୍ତି ପ୍ରମୁଖ ଉପସ୍ଥିତ ଥିଲେ।