ଅବସରପ୍ରାପ୍ତ ଦୁଇଜଣ ପ୍ରଧାନ ଶିକ୍ଷକଙ୍କୁ ଅବସରକାଳୀନ ସମ୍ବର୍ଦ୍ଧନା ।

ସାଲେପୁର,୨୨/୦୮(ପିପିଟି): ସାଲେପୁର ବ୍ଲକ ଅନ୍ତର୍ଗତ ସୌରୀ ପଞ୍ଚାୟତ ସ୍ଥିତ ଓଷଦ ପ୍ରାଥମିକ ବିଦ୍ୟାଳୟ ପରିସରରେ ଆଜି ଦୁଇ ଜଣ ପ୍ରଧାନ ଶିକ୍ଷକଙ୍କ ଅବସର ଉଦେଶ୍ୟରେ ଏକ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଓଷଦ ଆଞ୍ଚଳିକ ସାଧନ କେନ୍ଦ୍ର ଅଧୀନ କିଶିନାପୁର ପ୍ରାଥମିକ ବିଦ୍ୟାଳୟ ର ପ୍ରଧାନଶିକ୍ଷକ ରଞ୍ଜନ କୁମାର ନାୟକ ଓ ଅଲ୍ଲୀପୁର ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷୟତ୍ରୀ ଗୀତାଞ୍ଜଳି ଦାଶ ଅବସର ଗ୍ରହଣ କରିଛନ୍ତି।ଉଭୟଙ୍କ ଉଦ୍ଦେଶ୍ୟରେ ଆୟୋଜିତ ଅବସରକାଳୀନ ସମ୍ବର୍ଦ୍ଧନା ସଭାରେ ଅବସରପ୍ରାପ୍ତ ଶିକ୍ଷା ଅଧିକାରୀ ରଜନୀ କାନ୍ତ ଦାଶ ପୌରହିତ୍ୟ କରିଥିଲେ। ସାଲେପୁର ଶିକ୍ଷା ମଣ୍ଡଳ ଅଧିକାରୀ ଜଗବନ୍ଧୁ ଶତପଥୀ ମୁଖ୍ୟ ଅତିଥି ଭାବେ ଯୋଗ ଦେଇ ଅବସରପ୍ରାପ୍ତ ଦୁଇ ପ୍ରଧାନ ଶିକ୍ଷକଙ୍କ ନିଷ୍ଠା,କର୍ତ୍ତବ୍ୟ ପରାୟଣତା ଓ କର୍ମମୟ ଜୀବନୀ ସମ୍ପର୍କରେ ଆଲୋକପାତ କରିବା ସହ ଉଭୟଙ୍କ ସୁସ୍ଥ ନିରାମୟ ଜୀବନ କାମନା କରିଥିଲେ। ବିଶିଷ୍ଟ ଅତିଥି ଭାବେ ବ୍ଲକ ଅଧକ୍ଷ ରାମଚନ୍ଦ୍ର ଭୋଇ,ମୁଖ୍ୟ ବକ୍ତା ଏବିଇଓ ବିଳାସିନୀ ବାହିନୀ ପତି,ସମ୍ମାନିତ ଅତିଥି ସହ ଶିକ୍ଷା ଅଧିକାରୀ ଅଶୋକ କୁମାର ପତି,ଅବସରପ୍ରାପ୍ତ ସହ ଶିକ୍ଷା ଅଧିକାରୀ ନିରଞ୍ଜନ ଦାସ,ସାଲେପୁର ବ୍ଲକ୍ ପ୍ରାଥମିକ ଶିକ୍ଷକ ସଂଘ ସଭାପତି ସୟଦ ଜାକି ଅମିନ, ପ୍ରଧାନ ଶିକ୍ଷୟତ୍ରୀ ଗୀତା ରାଣୀ ସାହୁ, ଅବସରପ୍ରାପ୍ତ ପ୍ରଧାନ ଶିକ୍ଷକ ପ୍ରଦ୍ୟୁମ୍ନ କୁମାର ଷଢ଼ଙ୍ଗୀ ,ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଅଫ୍ ଜଲ ହୁସେନ ପ୍ରମୁଖ ଯୋଗ ଦେଇଥିଲେ।ଅବସରପ୍ରାପ୍ତ ପ୍ରଧାନ ଶିକ୍ଷକ ଗୌର ଚରଣ ଭୂୟାଁ ସଭା କାର୍ଯ୍ୟ କୁ ସଂଯୋଜନା କରିଥିଲେ।ଏହି ଅବସରରେ ଓଷଦ ଆଞ୍ଚଳିକ ସାଧନ କେନ୍ଦ୍ର ପକ୍ଷରୁ ଅତିଥି ମାନେ ଉଭୟ ଅବସରପ୍ରାପ୍ତ ପ୍ରଧାନ ଶିକ୍ଷକଙ୍କୁ ଉତ୍ତରୀୟ, ପୁଷ୍ପ ଗୁଞ୍ଚ,ମାନପତ୍ର ଓ ଉପଢ଼ୌକନ ପ୍ରଦାନ କରି ସମ୍ବର୍ଦ୍ଧିତ କରିଥିଲେ।କାର୍ଯ୍ୟକ୍ରମକୁ ଅଶୋକ କୁମାର ସାମଲ,ମହମ୍ମଦ ଅକିବ, ଇଯା ଉଦ୍ଦିନ ଖାଁ,ସ୍ମରଣିକା ବାରିକ,ଜାକିର ହୁସେନ,କନକ ଲତା ବଳ,ମହମ୍ମଦ ଆକ୍ୟୁବ,ଗୀତା ରାଣୀ ଦେଇ,ରଙ୍ଗ ଲତା ମହାପାତ୍ର,ଏକାକ୍ୟୁର ରହେମନ,ଧର୍ମ ପ୍ରିୟ ସାହୁ,ସମାଜସେବୀ ସୁରେଶ ଚନ୍ଦ୍ର ସ୍ବାଇଁ, ବାଇନ ସାହୁ,ମୀନକେତନ ବେହେରା,ଶିକ୍ଷକ ତପନ ଦେହୁରୀ,ଶିକ୍ଷୟତ୍ରୀ ଉଷାରାଣୀ ପଣ୍ଡା ଙ୍କ ସମେତ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ପରିଚାଳନାରେ ସହଯୋଗ କରିଥିଲେ।କାର୍ଯ୍ୟକ୍ରମରେ ସାଧନ କେନ୍ଦ୍ର ଅଧୀନ ବିଭିନ୍ନ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ଯୋଗ ଦେଇଥିଲେ।ଶିକ୍ଷକ ପ୍ରତାପ କୁମାର ଜେନା ଧନ୍ୟବାଦ ଦେଇଥିଲେ।

ରିପୋର୍ଟ-ସନ୍ତୋଷ କୁମାର ପଣ୍ଡା