ଅଧିକ ସୁଧ ନାମରେ କୋଟି କୋଟି ଟଙ୍କା ଠକେଇ ଅଭିଯୋଗରେ ମୁଖ୍ୟ ଅଭିଯୁକ୍ତ ଗିରଫ ।

ସମ୍ବଲପୁର,୨୫/୦୨ : ଧନୁପାଲି ଥାନା ଅନ୍ତର୍ଗତ କୁଲୁଥକାନୀ ଠାରେ ଥିବା ଏମସିଏକ୍ସ ସିଟି ନାମକ ସଂସ୍ଥାର ମୂଖ୍ୟ ଅଭିଯୁକ୍ତ ସନ୍ତୋଷ କୁମାର ଆଚାର୍ଯ୍ୟ ଗିରଫ । ମାସିକ ସୁଧ (ଏମଆଇଏସ) ଯୋଜନା ପ୍ରଣୟନ କରି ଜମାକାରୀଙ୍କ ଠାରୁ ଟଙ୍କା ଜମାରେ ନେଉଥିଲେ। ମାସିକ ୩ ରୁ ୭ ପ୍ରତିଶତ ପର୍ଯ୍ୟନ୍ତ ସୁଧ ଦେବାର ପ୍ରତିଶ୍ରୁତି ଦେଇ ବର୍ଷ ଶେଷରେ ଜମା ହୋଇଥିବା ମୂଳ ଟଙ୍କା ଫେରସ୍ତ କରିବାକୁ ପ୍ରତିଶ୍ରୁତି ଦେଇ ଠକେଇ କରିଥିବାର ଅଭିଯୋଗ ଗତ 16 ତାରିଖ ହୋଇଥିଲା । ଏହି ଠକେଇର ଶିକାର ହୋଇଥିବା ବ୍ୟକ୍ତି ମାନେ ଧନୁପାଲି ଥାନାରେ ଏନେଇ ଅଭିଯୋଗ କରିଥିଲେ । ଏବେ ପର୍ଯ୍ୟନ୍ତ ୪୦୦ ରୁ ଊର୍ଦ୍ଧ୍ବ ଜମାକାରୀଙ୍କ ଠାରୁ ୧୨ ଶହ କୋଟି ଟଙ୍କା ଠକେଇ କରିଛି। ଧନୁପାଲି ପୋଲିସ ସନ୍ତୋଷ ଆଚାର୍ଯ୍ୟଙ୍କୁ ଆଜି ଗିରଫ କରି କୋର୍ଟ ଚାଲାଣ କରିଛି ।