ସଙ୍ଗରୋଧ କେନ୍ଦ୍ରରେ ବିଶ୍ଵ ଯୋଗଦିବସ ।

0 236

ବେଲଗୁଣ୍ଠI,ତା-୨୧/୦୬(ପିପିଟି); କରୋନା ଏବଂ ଲକ୍ ଡ଼ାଉନ୍ ଯୋଗୁଁ ପ୍ରବାସରେ ଜୀବିକା ହରାଇ ଗ୍ରାମକୁ ଫେରି ସଙ୍ଗରୋଧ କେନ୍ଦ୍ରରେ ରହିଥିବା ପ୍ରବାସୀ ଓଡ଼ିଆଙ୍କ ସୁରକ୍ଷା ଏବଂ ସଚେତନତା ପାଇଁ ବେଲଗୁଣ୍ଠI ବ୍ଲକ୍ ଅନ୍ତର୍ଗତ ଗାଙ୍ଗପୁର ପଞ୍ଚାୟତର ସରପଞ୍ଚ ସୁରେନ୍ଦ୍ର କୁମାର ଡାକୁଆ ଖୁବ୍ ଯତ୍ନବାନ ହୋଇ ଉଠିଛନ୍ତି । ସୁସ୍ଥ ଶରୀର ଏବଂ ସୁସ୍ଥ ମନ ପାଇଁ ଯୋଗ ଏବଂ ପ୍ରାଣାୟମ ଜରୁରୀ ଥିବାବେଳେ ପ୍ରବାସୀ ଓଡ଼ିଆ ଭାଇ ଭଉଣୀଙ୍କ ପାଇଁ ଗାଙ୍ଗପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ସରପଞ୍ଚଙ୍କ ଅଧ୍ୟକ୍ଷତାରେ ଆଜି ବିଶ୍ଵ ଯୋଗ ଦିବସ ପାଳିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଖଇରପୁଟି ପଞ୍ଚାୟତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଗାୟତ୍ରୀ ମିଶ୍ର,  ଶରତ ଚନ୍ଦ୍ର ପଣ୍ଡା ସ୍ମାରକୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସୁରେନ୍ଦ୍ର କୁମାର ସାହୁ,  ସଙ୍ଗରୋଧ କେନ୍ଦ୍ର ଅଧୀକ୍ଷୀକା ସସ୍ମିତା ରାଣୀ ଦାସ ପ୍ରମୁଖ ଯୋଗଦେଇ ପ୍ରବାସୀଙ୍କୁ ଯୋଗର ମହତ୍ତ୍ଵ ବୁଝାଇଥିଲେ । ଖଇରପୁଟି ପଞ୍ଚାୟତ ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ଦୁର୍ଗା ମାଧବ ଶତପଥୀ ଏବଂ ଗାଙ୍ଗପୁର ଉଚ୍ଚ ପ୍ରାଥମିକ ବିଦ୍ୟାଳୟର କ୍ରୀଡ଼ା ଶିକ୍ଷକ ପ୍ରକାଶ ଚନ୍ଦ୍ର ଗୌଡଙ୍କ ସଂଯୋଜନାରେ ଅନ୍ତେବାସୀମାନେ ଉତ୍ସାହର ସହ ଯୋଗ ଏବଂ ଆସନ କରିଥିଲେ । କାର୍ଯ୍ୟକ୍ରମ ପରିଚାଳନାରେ ଶିକ୍ଷକ ଶିବରାମ ମହାନ୍ତି ,  ନାରାୟଣ ସାହୁ, ସ୍ଵେଚ୍ଛାସେବୀ ଶ୍ୟାମ ସୁନ୍ଦର ବିଷୋୟୀ, ଖଦାଳ ବିଷୋୟୀ, କାଳୁ ଚରଣ ପ୍ରଧାନ,  ମିଥୁନ ନାଇକ, ବିଦ୍ୟାଳୟର ସମସ୍ତ ଶିକ୍ଷକ କର୍ମଚାରୀ ଏବଂ ଆଶା ଓ ଅଙ୍ଗନଓ୍ଵାଡ଼ି କର୍ମୀମାନେ ସହଯୋଗ କରିଥିବାବେଳେ ଶିକ୍ଷକ ସତ୍ୟନାରାୟଣ ପ୍ରଧାନ ଧନ୍ୟବାଦ ଜ୍ଞାପନ କରିଥିଲେ ।
ରିପୋର୍ଟ – ଶିବରାମ ଚୌଧୁରୀ ।

Leave A Reply

Your email address will not be published.