ପୋଲସରା,୧୩/୧୦ (ପିପିଟି) : ପୋଲସରା ବ୍ଲକ୍ ସ୍ଥିତ ବର୍ତ୍ତିନୀ ଆଞ୍ଚଳିକ ସାଧନ କେନ୍ଦ୍ର ସ୍ତରୀୟ ଶିଶୁ ମହୋତ୍ସବ “ସୁରଭି” – ୨୦୨୬ ଅନୁଷ୍ଠିତ ହୋଇଯାଇଛି। ବର୍ତ୍ତିନୀ କ୍ଲଷ୍ଟର ସିଆରସିସି ସୁନିଲ କୁମାର ବେହେରାଙ୍କ ପ୍ରତ୍ୟକ୍ଷ ତତ୍ୱାବଧାନ ଏବଂ ଝିଟିକାବାଡ଼ି ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ସନ୍ତୋଷ କୁମାର ଗୌଡ଼ଙ୍କ ସଭାପତିତ୍ୱରେ ଆୟୋଜିତ ଉତ୍ସବର ଉଦ୍ଘାଟନୀ କାର୍ଯ୍ୟକ୍ରମକୁ ମୁଖ୍ୟଅତିଥି ଉକ୍ତ ବିଦ୍ୟାଳୟର ଅବସରପ୍ରାପ୍ତ ପ୍ରଧାନ ଶିକ୍ଷକ କୁବେର ବେହେରା ପ୍ରଭୂଙ୍କ ସମ୍ମୁଖରେ ପ୍ରଦୀପ ପ୍ରଜ୍ଜ୍ୱଳନ କରି ଶୁଭ ଉଦ୍ଘାଟନ କରିଥିବାବେଳେ ଉଦ୍ଯାପନ କାର୍ଯ୍ୟକ୍ରମକୁ ମାଧବ ଉଚ୍ଚ ବିଦ୍ୟାଳୟ ଝିଟିକାବାଡ଼ିର ଅବସରପ୍ରାପ୍ତ ପ୍ରଧାନ ଶିକ୍ଷକ କାମ୍ଫ ବାଢେଇ ମୁଖ୍ୟଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ଶୁଭ ଉଦଘାଟନ କରିଥିଲେ। ମୁଖ୍ୟବକ୍ତା ଭାବେ ଗୋପୀନାଥ ଉଚ୍ଚ ବିଦ୍ୟାଳୟ ବର୍ତ୍ତିନୀର ପ୍ରଧାନ ଶିକ୍ଷକ ରଞ୍ଜନ କୁମାର ସାହୁ ଏବଂ ସମ୍ମାନିତ ଅତିଥିଭାବେ ଗୌରୀଶଙ୍କର ହୋତା, ବଳରାମ ନାୟକ, ଭାଗିରଥୀ ପଣ୍ଡା ଓ ଜିତେନ୍ଦ୍ର କୁମାର ପାଢ଼ୀ ଏହି ଚାରି ଜଣ ସିଆରସିସିବୃନ୍ଦଙ୍କ ସମେତ ଏସଏମସି ସଭାନେତ୍ରୀ ମାମାଲି ନାହାକ ଓ ଉପସଭାପତି ମୃତ୍ୟୁଞ୍ଜୟ ଦାଶ ଓ ସଦସ୍ୟା ପିଙ୍କି ଗୌଡ, ସୋଡକ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଯୁଗଳ କିଶୋର ବେହେରା, ଡିମିରିପଲ୍ଲୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଗୌତମୀ ସାହୁ, କୁଆନନ୍ଦ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ସୁଲୋଚନା ମହାପାତ୍ର, ଡାକ୍ଟର ସାହୁ ଓ ଭଗବାନ ପ୍ରଧାନ ପ୍ରମୁଖ ଯୋଗଦେଇଥିଲେ। ଅତିଥିବୃନ୍ଦ “ସୁରଭି” କାର୍ଯ୍ୟକ୍ରମର ଲକ୍ଷ୍ୟ ଓ ଉଦ୍ଦେଶ୍ୟକୁ ନେଇ ବକ୍ତବ୍ୟ ପ୍ରଦାନ କରିବା ସହ ପ୍ରତିଯୋଗୀ ଛାତ୍ରଛାତ୍ରୀଙ୍କ ସଫଳତା ଏବଂ ଭବିଷ୍ୟତ ଉଜ୍ଜ୍ୱଳ ଶୁଭ କାମନା କରିଥିଲେ।
କ୍ଲଷ୍ଟର ସ୍ଥିତ ୬ଟି ପ୍ରାଥମିକ, ୩ଟି ଉଚ୍ଚ ପ୍ରାଥମିକ, ୨ଟି ଉଚ୍ଚ ବିଦ୍ୟାଳୟକୁ ମିଶାଇ ମୋଟ ୧୧ ଗୋଟି ଶିକ୍ଷାନୁଷ୍ଠାନ ଗୁଡ଼ିକର ସବ୍-ଜୁନିୟର, ଜୁନିୟର ଓ ସିନିୟର ୩ ଗୋଟି ବର୍ଗର ପ୍ରାୟ ୧୫୦ ଜଣ ଛାତ୍ରଛାତ୍ରୀଗଣ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି ନିଜ ନିଜର ଦକ୍ଷତା ପ୍ରତିପାଦନ କରିବାର ସୁଯୋଗ ପାଇଥିଲେ। ଏଥିସହ ଏଫଏଲଏନ ପିଲାଙ୍କୁ ନେଇ ସ୍ୱତନ୍ତ୍ର ଭାବେ ଗଣିତ ଦୌଡ଼, ଗଣିତ ପ୍ରଶ୍ନୋତ୍ତର ଓ ଗଳ୍ପକଥନ ଓ ଚିତ୍ରାଙ୍କନ ପ୍ରତିଯୋଗିତା କରାଯାଇଥିଲା। ପରେ ମଞ୍ଚାସିନ ଅତିଥିବୃନ୍ଦମାନେ ପ୍ରତିଯୋଗିତାରେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ପ୍ରତିଯୋଗୀମାନଙ୍କୁ ପ୍ରମାଣପତ୍ର ଏବଂ ଟ୍ରଫି ଓ ପଦକ ପ୍ରଦାନ କରିଥିଲେ।ଏହି ଅବସରରେ ସ୍ୱତନ୍ତ୍ର ଭାବେ ପ୍ରତିବର୍ଷ ଭଳି ବିଦ୍ୟାଳୟ ପକ୍ଷରୁ ଗୁରୁ ସମ୍ବର୍ଦ୍ଧନା କାର୍ଯ୍ୟକ୍ରମ ସହିତ ୩ୟ ଓ ପଞ୍ଚମ ଶ୍ରେଣୀ ବୃତ୍ତି ପରୀକ୍ଷା, ପଠାଣି ସାମନ୍ତ ମେଧାବୃତ୍ତି ପରୀକ୍ଷା,୧୦ମ ଶ୍ରେଣୀ ବୋର୍ଡ ପରୀକ୍ଷାରେ ଏ- ୱାନ୍ ଗ୍ରେଡରେ ପାସ କରିଥିବା କୃତିତ୍ୱ ଛାତ୍ରୀମାନଙ୍କୁ ପୁରସ୍କୃତ କରାଯିବ ବୋଲି ସିଆରସିସି ସୁନିଲ କୁମାର ବେହେରା ଘୋଷଣା କରିଥିଲେ। ଶେଷରେ ସହକାରୀ ଶିକ୍ଷକ ପଞ୍ଚାନନ ସେଠୀ ସମସ୍ତଙ୍କୁ ଆନ୍ତରିକ ଧନ୍ୟବାଦ ଅର୍ପଣ କରିଥିବାବେଳେ ଶିକ୍ଷୟିତ୍ରୀ ସୁଚିତ୍ରା କୁମାରୀ ନାହାକ ଓ ଶିକ୍ଷକ ଅଜିତ କୁମାର ବେହେରା, ଅଙ୍ଗନୱାଡି କର୍ମୀ,ଏସଏମସି ସଭ୍ୟବୃନ୍ଦ ଉପସ୍ଥିତ ରହି ସହଯୋଗ କରିଥିଲେ।
ରିପୋର୍ଟ- ସନ୍ତୋଷ କୁମାର ପଣ୍ଡା