ବୀରଜା ମନ୍ଦିର ଚତୁର୍ପାଶ୍ବରେ ୧୪୪, ସାମାଜିକ ଦୂରତ୍ବ ରକ୍ଷାକରି ବ୍ରତ ପାଳିଲେ ମହିଳା ।

ଯାଜପୁର,(ପିପିଟି ନ୍ଯୁଜ୍)୨୨/୦୫, କାହିଁ କେଉଁ ଯୁଗରୁ ପ୍ରଚଳିତ ପ୍ରଥାକୁ ପାଳନ କରୁଛନ୍ତି ମହିଳା । ପୌରାଣିକ ତଥ୍ୟ ଅନୁସାରେ ଆଜିର ଦିନରେ ସାବିତ୍ରୀ ନିଜ ସ୍ବାମୀଙ୍କ ଜୀବନକୁ ଯମଙ୍କ ଠାରୁ ଫେରି ପାଇବାରେ ସକ୍ଷମ ହୋଇଥିଲେ ।ସାବିତ୍ରୀଙ୍କ ନିଷ୍ଠା ଓ ଭକ୍ତି ଆଗରେ ଯମରାଜ ହାର ମାନିଥିଲେ ।ସେହି ଗାଥାକୁ ପାଥେୟ କରି ବିବାହିତା ମହିଳାମାନେ ନିଜର ଶଂଖା ସିନ୍ଦୁରକୁ ବଜ୍ର କରିବା ପାଇଁ ଏହି ବ୍ରତ ପାଳନ କରିଛନ୍ତି । କରୋନାର ଭୟ ସାରା ବିଶ୍ବକୁ ଘାରିଥିବା ହେତୁ ବହୁ କଟକଣା ଜାରି ହୋଇଛି ।କିନ୍ତୁ ଯେମିତି ହେଉ ବ୍ରତ କରିବା ଜରୁରୀ । ତେଣୁ ସାମାଜିକ ଦୂରତା ରକ୍ଷା କରି ବିଭିନ୍ନ ସ୍ଥାନରେ ମହିଳାମାନେ ଏହି ବ୍ରତ ପାଳନ କରୁଥିବା ନଜରକୁ ଆସୁଛି ।ଆଜିର ଏହି ପବିତ୍ର ଦିନରେ ଯାଜପୁର ଜିଲ୍ଲାର ଅଧୀଷ୍ଠାତ୍ରି ଦେବୀ ମାଁ ବୀରଜାଙ୍କ ମନ୍ଦିରରେ ପ୍ରତିବର୍ଷ ଶ୍ରଦ୍ଧାଳୁଙ୍କ ଭିଡ ପରିଲକ୍ଷିତ ହୁଏ ।ଯେହେତୁ କରୋନା ପାଇଁ ସମଗ୍ର ଭାରତରେ ଲକଡାଉନ୍ ୪.୦ ଚାଲିଛି, ତେଣୁ ମନ୍ଦିର ଗୁଡିକରେ ଶ୍ରଦ୍ଧାଳୁଙ୍କ ପ୍ରବେଶ ନିଷେଧ କରାଯାଇଛି ।ସେହିପରି ଗତକାଲି ଠାରୁ ବୀରଜାଙ୍କ ମନ୍ଦିର ଚତୁର୍ପାଶ୍ବରେ ଜିଲ୍ଲା ପ୍ରଶାସନ ପକ୍ଷରୁ ୧୪୪ଧାରା ଲାଗୁ କରାଯାଇଛି । ଆଜି ବୀରଜାଙ୍କ ମନ୍ଦିର ପ୍ରାଙ୍ଗଣ ଜନଶୂନ୍ଯ ହୋଇଛି ।ପ୍ରକାଶ ଥାଉକି ଏହାଦ୍ବାରା ପ୍ରତ୍ୟେକ୍ଷ ଓ ପରୋକ୍ଷରେ ବହୁ ପୂଜକ ଓ ବ୍ଯବସାଇ ମନେ କ୍ଷତି ଗ୍ରସ୍ତ ହୋଇଛନ୍ତି ।
ରିପୋର୍ଟ – ଦେବ କୁମାର ।