ସିପିଆଇର ପ୍ରତିବାଦ ସଭା ।

ଏରସମା,(ପିପିଟି ନ୍ଯୁଜ୍)୧୯/୦୫,ଆଜି ଭାରତୀୟ କମ୍ଯୁନିଷ୍ଟ ପାର୍ଟି ଜଗତସିଂହପୁର ଜିଲ୍ଲା ପରିଷଦ ପକ୍ଷରୁ ସର୍ବଭାରତୀୟ ପ୍ରତିବାଦ ଦିବସ ଅବସରରେ ବର୍ଷା ସତ୍ତ୍ବେ ଏକ ଶୋଭାଯାତ୍ରା ଏରସମା ପାର୍ଟି ଅଫିସ ରମାକାନ୍ତ ଭବନରୁ ବାହାରି ଏରସମା ବଜାର ପରିକ୍ରମା ପୂର୍ବକ ତହସିଲ ଅଫିସ ସମ୍ମୁଖରେ ପହଞ୍ଚିଥିଲା l ଜିଲ୍ଲା ସମ୍ପାଦକ ଅଭିଜିତ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ପ୍ରତିବାଦ ସଭାରେ ଏଆଇକେଏସ ର ରାଜ୍ୟ ସଭାପତି ଶଶୀଭୂଷଣ ସ୍ୱାଇଁ ବକ୍ତବ୍ୟ ରଖି କରୋନା ମହାମାରୀ ସମୟରେ ସରକାରଙ୍କ ଅଦୂରଦର୍ଶୀ ଓ ଅମାନବୀୟ ନୀତିକୁ ତୀବ୍ର ସମାଲୋଚନା କରିଥିଲେ l ଅନ୍ୟମାନଙ୍କ ମଧ୍ୟରେ ଏରସମା ଜୋନ ସମ୍ପାଦକ ବଇଁଶୀଧର ବେହେରା, ସହ ସମ୍ପାଦକ ଦାମୋଦର ବେହେରା, ସର୍ବେଶ୍ୱର ବେଉରା, ପୂର୍ବତନ ବ୍ଲକ ଉପାଧ୍ୟକ୍ଷ ରାମ ଚନ୍ଦ୍ର ମୁଦୁଲି, ମହେଶ୍ୱର ମହାପାତ୍ର, ନଟବର ବାରିକ, ଅମରେନ୍ଦ୍ର ଦାସ, ସାଥି ସାଗର ସ୍ୱାଇଁ, ସାଥି ସୁରେଶ ମୁଦୁଲି ଓ ଯୁବ ସଂଘର ଜିଲ୍ଲା ସମ୍ପାଦକ ଦେବାଶିଷ ସ୍ୱାଇଁ ପ୍ରମୁଖ ଆନ୍ଦୋଳନ ପରିଚାଳନା କରିଥିଲେ l ସଭା ଶେଷରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଏରସମା ଅତିରିକ୍ତ ତହସିଲଦାର ମହୋଦୟଙ୍କ ଦାବିପତ୍ର ପ୍ରଦାନ କରାଯାଇଥିଲା l