ଭାରତକୁ ଅବିଳମ୍ବେ ହିନ୍ଦୁ ରାଷ୍ଟ୍ର ଘୋଷଣା କରାଯାଉ – ଅଭିଷେକ ଯୋଶୀ ।

ମାଲକାନଗିରି,୧୩/୦୩(ପିପିଟି):ଆଜି ମାଲକାନଗିରି ସଦର ମହକୁମା ସ୍ଥିତ ହୋଟେଲ ସ୍ବାଗତ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଓଡ଼ିଶା ସୁରକ୍ଷା ସେନାର ମୁଖ୍ୟ ତଥା ହିନ୍ଦୁ ରାଷ୍ଟ୍ର ଅଭିଯାନର ଆବାହକ ଅଭିଷେକ ଯୋଶୀ ଭାରତକୁ ଅବିଳମ୍ବେ ହିନ୍ଦୁ ରାଷ୍ଟ୍ର ଘୋଷଣା କରିବା ପାଇଁ ଦାବି କରିଛନ୍ତି। ଶ୍ରୀ ଯୋଶୀ କହିଛନ୍ତି ଯେ ଭାରତକୁ “ହିନ୍ଦୁ ରାଷ୍ଟ୍ର” ଘୋଷିତ କରାଯିବା ଜରୁରୀ । ମନୁ ଏବଂ ସତ୍ୟରୂପା ବ୍ରହ୍ଦରାୟଣକ ଉପନିଷଦ ଏବଂ ଶ୍ରୀମଦ୍ ଭାଗବତଙ୍କ ଅନୁସାରେ ସତ୍ୟ I ମନୁ ଏବଂ ସତ୍ୟରୂପା ପୂର୍ବପୁରୁଷ ହିରାନଗରବତ୍ ବ୍ରହ୍ମା ମଧ୍ୟ ସତ୍ୟ। ହୀରାନଗରବତ୍ ବ୍ରହ୍ମାଙ୍କ ପୂର୍ବଜ ଶ୍ରୀମଦ୍ ନାରାୟଣ ମଧ୍ୟ ସତ୍ୟ। ସେ କହିଛନ୍ତି ଯେ ଆମର ପବିତ୍ର ଶାସ୍ତ୍ର ଅନୁଯାୟୀ ହିରାନଗରବାଟମାକ୍ ବ୍ରହ୍ମା ହେଉଛନ୍ତି ପ୍ରଥମ ଆର୍ଯ୍ୟ ଏବଂ ହିନ୍ଦୁ । ମୋହିନୀ ତନ୍ତ୍ର, କାଳିକା ପୁରାଣ, ଭବିଷ୍ୟ ପୁରାଣ, ବୃହସ୍ପତି ଆଗମ ଏବଂ ଋଗବେଦ ଇତ୍ୟାଦିରେ ବହୁଳ ଭାବେ ହିନ୍ଦୁ ଶବ୍ଦର ବ୍ୟବହାର କରାଯାଇଛି । ହିନ୍ଦୁ କୁଶ ଏବଂ ହିନ୍ଦ୍ ମହାସାଗରର ସଂଜ୍ଞା ଆମର ପ୍ରାଚୀନ ଇତିହାସ ଚିହ୍ନିତ କରିପାରେ । ହିମାଳୟରୁ ଇନ୍ଦୁସରୋବର (କନ୍ୟାକୁମାରୀ) ପର୍ଯ୍ୟନ୍ତ ବ୍ୟାପିଥିବା ଜମି ହେଉଛି ହିନ୍ଦୁ ଦେଶ ଏହାକୁ “ହିନ୍ଦୁସ୍ଥାନ” କୁହାଯାଏ। ଭାରତ ହେଉଛି ଜ୍ଞାନର ସ୍ରୋତ ଯାହା ପାଇଁ ଏହା ସନାତନ ଆର୍ଯ୍ୟ ଭୂମି ଭାବରେ ଜଣାଶୁଣା । ଏହାକୁ ହିନ୍ଦୁ ରାଷ୍ଟ୍ର ଭାବରେ ପ୍ରତିଷ୍ଠା କରି ନେପାଳ ଏବଂ ଭୁଟାନ ଭଳି ଦେଶକୁ ସମ୍ପୂର୍ଣ୍ଣ ହିନ୍ଦୁ ରାଷ୍ଟ୍ର ରୂପେ ପରିଣତ କରିବାର ପ୍ରକ୍ରିୟା ଆରମ୍ଭ ହେବ , ଯେଉଁଥିପାଇଁ ଏସିଆ ଉପ-ମହାଦେଶରେ ହିନ୍ଦୁ ବିଚାର ନିଶ୍ଚିତ ଭାବରେ ଦୃଢ଼ ହେବ। ଗୋ-ପାଳନ,ଉତ୍ତମ ଆଚରଣ, ସଂଯମତା, ବେଦ, ସତ୍ୟ ବଚନ, ପ୍ରଲୋଭନ ଶୂନ୍ଯ ଏବଂ ମାନବଜାତିର ଉତ୍ଥାନ ହେଉଛି ହିନ୍ଦୁ ଧର୍ମର ମୂଳ ଲକ୍ଷ୍ଯ । ପ୍ରତ୍ୟେକ ମନୁଷ୍ୟ ଚାରୋଟି ମୂଲ୍ୟବୋଧ ପାଇଁ ଆହ୍ୱାନ କରନ୍ତି ଯାହାକି ଧର୍ମ , ଅର୍ଥ, କାମ ଏବଂ ମୋକ୍ଷ । କାରଣ ଏହି ବ୍ରହ୍ମାଣ୍ଡର ଅନ୍ତର୍ନିହିତ ମୂଲ୍ୟବୋଧ ହେଉଛି ଚାରି କର୍ମା ହିନ୍ଦୁ ଶବ୍ଦ ନିଜ ଜୀବନର ପରିବର୍ତ୍ତନ ସମୟରେ ମଧ୍ୟ ପୃଥିବୀରେ ଏହି ମୂଲ୍ୟବୋଧକୁ ପୋଷଣ କରେ । ବେଦ ମୂଲ୍ୟବାନ, ସଂସ୍କୃତ, ସଂରକ୍ଷିତ, ସୁସ୍ଥ ସମାଜ ଏବଂ ମାନବ ଜାତିର ଶୁଭେଚ୍ଛା ପାଇଁ ହିନ୍ଦୁ ସୁପାରିଶ କରେ । ପୃଥିବୀ ଏବଂ ସୂକ୍ଷ୍ମ ଜଗତରେ ଜୀବନର ଉଦ୍ଦେଶ୍ୟ ପୂରଣ କରିବା ପାଇଁ “ରାଷ୍ଟ୍ର” ଶବ୍ଦ ବ୍ୟବହୃତ ହୁଏ । କେବଳ “ହିନ୍ଦୁ ରାଷ୍ଟ୍ର” ମାଧ୍ୟମରେ ଏହିପରି ସମାଜର ପ୍ରତିଷ୍ଠା ସମ୍ଭବ ହୋଇପାରିବ ଯାହା ଭାରତକୁ “ଜଗତଗୁରୁ” ଭାବରେ ସଶକ୍ତ କରିବ । ଏହା ହିଁ ଚିରନ୍ତନ ସତ୍ୟ ଯେ ଭାରତ ଏକ ହିନ୍ଦୁ ରାଷ୍ଟ୍ର । କିନ୍ତୁ ଷଡ଼ଯନ୍ତ୍ର ପୂର୍ବକ ଏହାକୁ ଧର୍ମ ନିରପେକ୍ଷ ରାଷ୍ଟ୍ର ରୂପେ ଘୋଷଣା କରାଯାଇଥିବାରୁ ପୃଥିବୀର କୌଣସି କୋଣରେ ସନାତନୀ ହିନ୍ଦୁଟିଏ ପୀଡ଼ିତ ହେଲେ ସେଠାରେ ଥିବା ଭାରତୀୟ ଦୂତାବାସ କୌଣସି ପ୍ରକାର ପଦକ୍ଷେପ ନେବା ତ ଦୂରର କଥା ପ୍ରତିକ୍ରିୟା ଟିକେ ମଧ୍ୟ ପ୍ରକାଶ କରିପାରେ ନାହିଁ । କାରଣ ଧର୍ମ ନିରିପେକ୍ଷ ଦେଶ ହୋଇ ଥିବାରୁ ଏଭଳି ପରିସ୍ଥିତିରେ ପ୍ରତିକ୍ରିୟା ପ୍ରକାଶ କରିବା ସେମାନଙ୍କ ପ୍ରୋଟୋକଲ ବାହାରେ ।
ବାଂଲାଦେଶ ଭଳି ରାଷ୍ଟ୍ରରେ ହିନ୍ଦୁମାନଙ୍କୁ ହତ୍ୟା କରି, ବିତାଡ଼ିତ କରି ୩୫% ରୁ ୫% କୁ ଖସେଇ ଦିଆଗଲାଣି । ପାକିସ୍ତାନରେ ହିନ୍ଦୁଙ୍କ ସଂଖ୍ୟା ୨୨% ରୁ ଏବେ ନିଶ୍ଚିହ୍ନ । ଏଭଳି ସ୍ଥିତିରେ ଭାରତକୁ ହିନ୍ଦୁ ରାଷ୍ଟ୍ର ଘୋଷଣା କରିବା ଅପରିହାର୍ଯ୍ୟ ହୋଇପଡ଼ିଛି। କାରଣ ବିଶ୍ୱର ୮୦୦ କୋଟି ଜନସଂଖ୍ୟା ମଧ୍ୟରୁ ୧୨୫ କୋଟିରୁ ଅଧିକ ହିନ୍ଦୁ ଧର୍ମର ଲୋକ ବସବାସ କରୁଥିବା ବେଳେ କେବଳ ଭାରତରେ ୧୦୦ କୋଟିରୁ ଊର୍ଦ୍ଧ୍ବ ହିନ୍ଦୁ ବସବାସ କରନ୍ତି ଏବଂ ଏମାନଙ୍କ ସୁଖ ଦୁଃଖ ହାନି ଲାଭରେ ପାଟି ଖୋଲିବାକୁ କେହି ନଥାନ୍ତି । ଏଣୁ ବର୍ତ୍ତମାନ ଏହା କୌଣସି ବ୍ୟକ୍ତିଗତ ଇଚ୍ଛା ବା ଆକାଂକ୍ଷାର ପ୍ରଶ୍ନ ନୁହେଁ ; ବରଂ ଏକ ବୈଶ୍ବିକ ଆବଶ୍ୟକତା ହୋଇ ଯାଇଛି । ବିଶ୍ୱର କୋଣ ଅନୁକୋଣରେ ଥିବା ସମସ୍ତ ହିନ୍ଦୁ ଏଥିପାଇଁ ଭାରତ ଆଡ଼କୁ ବ୍ୟାକୁଳତାର ସହ ଚାହିଁ ରହିଛନ୍ତି ।
ଭାରତ ହିନ୍ଦୁ ରାଷ୍ଟ୍ର ହେଲେ ଆମେ ବିଶ୍ୱର ବିଭିନ୍ନ ପ୍ରାନ୍ତରେ ବସବାସ କରୁଥିବା ହିନ୍ଦୁ ଧର୍ମର ଲୋକ ନିଜ ନିଜ ପରିବାରର ସାମାଜିକ ସୁରକ୍ଷା ନେଇ ଆଶ୍ୱସ୍ତ ହେବେ। ବୈଦିକ ନୀତିସମ୍ପନ୍ନ ଗୁରୁକୁଳ ପଦ୍ଧତିର ନୈତିକ ମୂଲ୍ୟବୋଧ ଭିତ୍ତିକ ଶିକ୍ଷା ବ୍ୟବସ୍ଥା ଗ୍ରହଣ କରାଯିବ ଯେଉଁଠି ସ୍ୱାମୀ ବିବେକାନନ୍ଦଙ୍କ ଭଳି ଚରିତ୍ରବାନ ଯୁବକ ଉତ୍ପନ୍ନ ହେବେ ଏବଂ ଏ ଦେଶକୁ ପରମ ବୈଭବଶାଳୀ ରାଷ୍ଟ୍ରରେ ପରିଣତ କରିବେ। ଭାରତ କୌଣସି ଅସ୍ତ୍ରଶସ୍ତ୍ରରେ ନୁହେଁ ବରଂ ଶାସ୍ତ୍ରରେ ପାଣ୍ଡିତ୍ୟ ଅର୍ଜନ କରି ନିଜର ଉତ୍କର୍ଷ ଜ୍ଞାନ ବଳରେ ବିଶ୍ୱଗୁରୁ ବୋଲାଇବ । ଏହା କୌଣସି ଉଦ୍ଭଟ କଳ୍ପନା ନୁହେଁ ବରଂ ଶାଶ୍ୱତ ସତ୍ୟ ଯେ ଆମର ଉଚ୍ଚ ନୀତି ଆଦର୍ଶ ଯୁକ୍ତ ଶିକ୍ଷା ବ୍ୟବସ୍ଥାକୁ ଧ୍ବଂସ କରି ଅନ୍ତଃ ସାର ଶୂନ୍ୟ କେବଳ କିରାଣୀ ସୃଷ୍ଟିକାରୀ ମ୍ୟାକୁଲେ ଶିକ୍ଷା ବ୍ୟବସ୍ଥା ଏଯାବତ ପ୍ରଚଳିତ ରହିଛି ଯାହା ସମସ୍ତ ସମସ୍ୟାର ଜଡ । ଧର୍ମ ନିରପେକ୍ଷ ବାହାନାରେ ଆମର ବେଦ ବେଦାନ୍ତ ଉପନିଷଦ ଗୀତା ଭାଗବତର ସ୍ବର୍ଣ୍ଣିମ ଅଧ୍ୟାୟଗୁଡ଼ିକ ପାଠ୍ୟକ୍ରମରୁ ଦୂରେଇ ଦିଆଯାଇଛି, ଯାହା ଏକ ରାଷ୍ଟ୍ରରେ ସୁନାଗରିକ ଗଠନ ପାଇଁ ନିହାତି ଆବଶ୍ୟକ । ଭାରତରେ ବିବିଧତା ଭିତରେ ଏକତା ବୋଲି ବିଶ୍ୱ ଦରବାରରେ ଯେଉଁ ପ୍ରସିଦ୍ଧି ରହିଛି ତାହା କେବଳ ହିନ୍ଦୁ ରାଷ୍ଟ୍ରରେ ହିଁ ଅକ୍ଷୁର୍ଣ୍ଣ ରହି ପାରିବ । ଏହା ଆମେ ସମସ୍ତେ ଅନୁଭବ କରି ପାରୁଥିବା । ତତ୍ ସହିତ ଅନନ୍ତ କାଳ ପାଇଁ ଭାରତକୁ ସୁରକ୍ଷିତ ରଖିବା ପାଇଁ ହିନ୍ଦୁ ରାଷ୍ଟ୍ର ଘୋଷିତ ହେବା ଜରୁରୀ । ବିଶ୍ୱରେ ସମସ୍ତ ବିଚାରଧାରା ନିଜ ନିଜର ସମ୍ପ୍ରଦାୟକୁ ନେଇ ପରସ୍ପରକୁ ଶତ୍ରୁ ବୋଲି ବିବେଚନା କରୁଥିଲା ବେଳେ ପୃଥିବୀ ପୃଷ୍ଠରେ ଏକମାତ୍ର ସନାତନୀ ହିନ୍ଦୁ ବିଚାର “ବସୁଧୈବ କୁଟୁମ୍ବକମ୍” , ଆତ୍ମବତ୍ ସର୍ବଭୂତେଷୁର ବିଚାର ରଖେ । ଦୌ ଶାନ୍ତି, ଅନ୍ତରୀକ୍ଷ ଶାନ୍ତି,ପୃଥିବୀ ଶାନ୍ତି ବୋଲି କେବଳ ସନାତନୀ ହିନ୍ଦୁ ହିଁ ଉଚ୍ଚାରଣ କରେ । ଏଭଳି ବୈଶ୍ବିକ ବିଚାରଧାରାର ସୁରକ୍ଷା ପାଇଁ ରାଷ୍ଟ୍ରଟିଏ ନ ଥିଲେ ଏହାର ପ୍ରଚାର ପ୍ରସାର ହେବ କେମିତି ? ଯୁଦ୍ଧ ଉନ୍ମାଦର କରାଳ ଛାୟା ତଳେ ସମଗ୍ର ବିଶ୍ୱର ଜନତା ଆଜି ଶାନ୍ତି ପାଇଁ ତୃଷାର୍ତ୍ତ । ସନାତନୀ ହିନ୍ଦୁ ବିଚାରଧାରା ହିଁ ଏକମାତ୍ର ସମାଧାନ । ସମଗ୍ର ବିଶ୍ୱର କଲ୍ୟାଣ ପାଇଁ ଉଦ୍ଦିଷ୍ଟ ଏ ବିଚାରର ପ୍ରକଟୀକରଣ ପାଇଁ ଭାରତକୁ ହିନ୍ଦୁ ରାଷ୍ଟ୍ର ଘୋଷଣା କରିବା ଏକାନ୍ତ ଜରୁରୀ ।ଭାରତକୁ ଏକ ହିନ୍ଦୁ ରାଷ୍ଟ୍ର ରୂପେ ଘୋଷିତ କରିବା ପାଇଁ ଆମେ ଶତତ ଚେଷ୍ଟିତ ଏବଂ ଏଥିରେ ଆପଣଙ୍କ ସହଭାଗୀତା କାମନା କରୁଛୁ ବୋଲି ଶ୍ରୀ ଯୋଶୀ କହିଛନ୍ତି । ଅନ୍ଯମାନଙ୍କ ମଧ୍ଯରେ ସବ୍ଯସାଚୀ ସତପଥି ,କେଶବ ଚନ୍ଦ୍ର ନାୟକ, ସୋନୁ ଅନୁଗ ଓ ସୁଶାନ୍ତ କୁମାର ସାମଲ ପ୍ରମୁଖ ଯୋଗ ଦେଇଥିଲେ ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)