ଗଜପତି ଜିଲ୍ଲାରେ ଗୋମାଂସ ଚାଲାଣ ବେଳେ ୨ଜଣ ଗିରଫ,ବାଇକ୍ ଜବତ ।

ପାରଳାଖେମୁଣ୍ଡି, ୨୩/୪(ପିପିଟି ନ୍ୟୁଜ୍)-ଗଜପତି ଜିଲ୍ଲା ଆର.ଉଦୟଗିରି ଥାନା ଅନ୍ତର୍ଗତ ରଣାଲାଇ ଗ୍ରାମରେ ଗୋମାଂସ ଚାଲାଣ କରିବା ଅଭିଯୋଗରେ ପୋଲିସ ୨ଜଣ ଯୁବକକୁ ଗିରଫ କରିବା ସହ ଗୋଟିଏ ବାଇକ୍ ଜବତ କରିଛି । ଗିରଫ ୨ଜଣ ଅଭିଯୁକ୍ତ ହେଲେ ରଣାଲାଇ ଗ୍ରାମର ସୁକାନ୍ତ ପ୍ରଧାନ(୨୩)ଓ ପ୍ରଦୀପ କୁମାର ପାଣି(୨୦) ଅଟନ୍ତି । ସୂଚନା ମୁତାବକ  ଆର.ଉଦୟଗିରି ତହସିଲଦାର ସ୍ମୃତିରଞ୍ଜନ ଶତପଥି ଓ ପୋଲିସ ରଣାଲାଇ ଗ୍ରାମରେ କରୋନା ଭାଇରସର ସଂକ୍ରମଣର ପ୍ରଭାବ କିଭଳି ନବ୍ୟାପିକ ସେଥି ନିମନ୍ତେ ଜନସାଧାରଣଙ୍କୁ ସଚେତନ କାର୍ଯ୍ୟ କରୁଥିଲେ । ସେହି ସମୟରେ   ଦୁଇଜଣ ଯୁବକ ବାଇକ୍ ନଂ- ଓଡି ୦୭ଏମ-୩୧୬୨ରେ ଦୁଇଟି ବସ୍ତାରେ  କିଛି ଜିନିଷ ଧରି ମହେନ୍ଦ୍ରଗଡ ପଟେ ଯାଉଥିଲେ । ତହସିଲଦାର ସନ୍ଦେହରେ ଗାଡିଟିକୁ ଅଟକାଇ  ପଚରାଉଚରା ସହ ବସ୍ତାରେ କଣ ଅଛି  ତଲାସୀ କରିବାକୁ ପୋଲିସକୁ ନିର୍ଦ୍ଧେଶ ଦେଇଥିଲେ । ତଲାସୀ ବେଳେ ୨ଟି ବସ୍ତାରେ ଗୋମାଂସ ଥିବାର ଜଣାପଡିଥିଲା । ତହସିଲଦାର ଶ୍ରୀ ଶତପଥି ଆର.ଉଦୟଗିରି ଥାନାଧିକାରୀ ମମତା ନାୟକଙ୍କୁ ୨ଜଣକୁ ଗିରଫ କରି ମାମଲା ରୁଜୁ କରିବାକୁ କହିଥିଲେ । ପୋଲିସ ଘଟଣାସ୍ଥଳରୁ ବାଇକ୍ ସମେତ ୨ବସ୍ତା ଗୋମାଂସକୁ ଜବତ କରିବା ସହ ରଣାଲାଇ ଗ୍ରାମର ସୁକାନ୍ତ ପ୍ରଧାନ ଓ ପ୍ରଦୀପ କୁମାର ପାଣିକୁ ଗିରଫ କରିଥିଲା ।ସେମାନଙ୍କ ବିରୁଦ୍ଧରେ ଆର.ଉଦୟଗିରି ଥାନା କେସ୍ ନଂ- ୩୧/୨୦୨୦ ଭାରତୀୟ ପିଙ୍ଗଳ କୋର୍ଡର ଧାରା ୧୮୮,୨୬୯,୨୭୦,୪୨୯ ଓ ୩୪,  ବିପର୍ଯ୍ୟୟ ପରିଚାଳନା ଆଇନର ଧାରା ୫୧(ଖ) ଏବଂ ଓଡିଶା ଗୋହତ୍ୟା ନିରାକରଣ ଆଇନ-୧୯୬୦ର ଧାରା ୭ରେ ମାମଲା ରୁଜୁ କରିଛି  ।
ରିପୋର୍ଟିଂ-ଦିଲ୍ଲୀପ କୁମାର ଶତପଥି