ବାଇକ ସହ ଗଞ୍ଜେଇ ଜବତ,୨ଗିରଫ ।

ଭଞ୍ଜନଗର,୨୧/୧୧(ପିପିଟି): ଶନିବାର ସନ୍ଧ୍ୟାରେ ଭଞ୍ଜନଗର ପୋଲିସ ଏସ.ଆଇ କେଶବ ଶଢଙ୍ଗୀ ଓ ଅନ୍ୟ କର୍ମଚାରୀ ପେଟ୍ରୋଲିଂ କରୁଥିବା ସମୟରେ ଦୁର୍ଗା ପ୍ରସାଦ ଠାରେ ଗୋଟିଏ ହିରୋ ସିବିଜେଡ ମୋଟର ସାଇକେଲ ନଂ ଓଡ଼ି ୦୬ ଏ ୧୧୭୯ରେ ଦୁଇ ଜଣ ଯୁବକ ଆସୁଥିବା ବେଳେ ସନ୍ଦେହ ହେବାରୁ ସେମାନଙ୍କୁ ଅଟକାଇ ପୋଲିସ ତଲାସୀ ନେବାରେ ସେମାନଙ୍କ ନିକଟରୁ ବିପୁଳ ପରିମାଣରେ ଗଞ୍ଜେଇ ବାହାରିଥିଲା। ଉକ୍ତ ଗଞ୍ଜେଇକୁ ଓଜନ କରିବାରେ ତାହା ୨୩କେଜି ୨ଶହ ଗ୍ରାମ ଥିବା ଜଣାପଡିଛି।ପୋଲିସ ସେହି ୨ଜଣ ଯୁବକଙ୍କ ସହ ଉକ୍ତ ବାଇକ ଓ ଗଞ୍ଜେଇକୁ ଜବତ କରିଛି।ସେମାନେ ହେଲେ ଉଦୟଗିରି ଥାନା ପେନାଲ ଗ୍ରାମର ସୂର୍ଯ୍ୟକାନ୍ତ ନାୟକ ଓ ପଶ୍ଚିମବଙ୍ଗ ମୁର୍ସିଦା ବାଦ ବାମୁନିଆର ପ୍ରକାଶ ମଣ୍ଡଳ।ସେମାନେ ଫୁଲବାଣୀ ରୁ ଭୁବନେଶ୍ୱର ଗଞ୍ଜେଇ ଚାଲାଣ କରୁଥିବା ଜଣାପଡିଛି।ଉଭୟଙ୍କୁ ରବିବାର କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସୁଦୀପ୍ତ କୁମାର ସାହୁ କହିଛନ୍ତି।
(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )