କୋଭିଡ୍ ଯୋଦ୍ଧା ଏଏସଆଇ ସୁବାଷ ସାହୁଙ୍କୁ ରାଷ୍ଟ୍ରୀୟ ସମ୍ମାନ ସହିତ ଶେଷ କୃତ୍ଯ ସମ୍ପର୍ଣ୍ଣ ହୋଇଛି ।

ଫୁଲବାଣୀ,୧୫/୦୯(ପିପିଟି); କନ୍ଧମାଳର କୋରନା ଯୋଦ୍ଧା ଏଏସଆଇ ସୁବାଷ ସାହୁଙ୍କର ଫୁଲବାଣୀ ପୋଲିସ ରିଜର୍ଭ ପଡିଆ ଠାରେ ସମ୍ମାନର ସହ ଶ୍ରଦ୍ଧାଞ୍ଜଳି ପରେ ଶେଷ କୃତ୍ୟ ସମ୍ପର୍ଣ୍ଣ ହୋଇଛି । ସ୍ବର୍ଗତ ସୁବାସ ସାହୁ ଟିକାବାଲି ଥାନାରେ କାର୍ଯ୍ୟରତ ଥିବା ବେଳେ କୋରନାରେ ଆକ୍ରାନ୍ତ ହୋଇ ୭ ଦିନ ପୂର୍ବରୁ ଫୁଲବାଣୀ କୋଭିଡ ହସ୍ପିଟାଲରେ ଚିକିତ୍ସା ହେଉଥିଲେ ପରେ ଗତ ରବିବାର ଦିନ ଗୁରୁତ୍ୱର ହୋଇପଡିଥିବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଥିଲା କିନ୍ତୁ ସେଠାରେ ତାଙ୍କର ମୃତ୍ୟୁ ଘଟିଥିଲା । ସେ ଜଣେ ଶାନ୍ତ , ସରଳ , ଓ କର୍ମନିଷ୍ଠ ଥିଲେ ତାଙ୍କର ମୃତ୍ୟୁ ଖବର ପାଇ ପୋଲିସ ବିଭାଗ ଓ ତାଙ୍କର ଏ.ଜେ.ଓ ୮୨ ସହପାଠୀଙ୍କ ମଧ୍ୟରେ ଦୁଃଖର ଛାୟା ଖେଳିଯାଉଥିଲା । ସେ ପୋଲିସ ବିଭାଗରେ କାମ କରୁଥିଲେ ମଧ୍ୟ ବିଜ୍ଞାନ , ଗବେଷଣା ଓ ଇଲକ୍ଟ୍ରୋନିକ୍ସ ଉପରେ ତାଙ୍କର ସ୍ୱତନ୍ତ୍ର ଦଖଲ ଥିଲା । ସେ ବିଭିନ୍ନ ସଂଗଠନରେ ଏ ନେଇ ଛାତ୍ର , ଛାତ୍ରୀଙ୍କୁ ଶିକ୍ଷା ବି ଦେଇଥିଲେ । ମୃତ ସୁବାସଙ୍କର ସଦଗତି କାମନା କରି ପ୍ରାର୍ଥନା କରିବା ସହ ଶ୍ରଦ୍ଧାଞ୍ଜଳି ଦେଇଥିଲେ ତାଙ୍କର ସହପାଠୀ ବନ୍ଧୁମାନେ । (ରିପୋର୍ଟ – ଶିବାନନ୍ଦ ପଟ୍ଟନାୟକ ।)