5T ସ୍କୁଲ୍ ସମେତ ବିଭିନ୍ନ ପ୍ରକଳ୍ପ ବୁଲି ଦେଖିଲେ ବ୍ଳକ୍ ଅଧ୍ୟକ୍ଷ ଏବଂ ଜନ ପ୍ରତିନିଧି ।

ବେଲଗୁଣ୍ଠା,୧୦/୦୫(ପିପିଟି):ଆଜି ବେଲଗୁଣ୍ଠା ପଞ୍ଚାୟତ ସମିତି ଅଧ୍ୟକ୍ଷ ପ୍ରଶାନ୍ତ ନାୟକଙ୍କ ନେତୃତ୍ୱରେ ଏକ ପ୍ରତିନିଧି ଦଳ ବେଲଗୁଣ୍ଠା ବ୍ଳକ୍ ର ବିଭିନ୍ନ ଅନୁଷ୍ଠାନରେ ଚାଲିଥିବା ଊନ୍ନୟନମୂଳକ କାର୍ଯ୍ୟ ବୁଲି ଦେଖିବା ସହ ଏହାର ତଦାରଖ କରିଥିଲେ । ଏହି ଟିମ୍ ପ୍ରଥମେ ଗାଙ୍ଗପୁର ଶରତଚନ୍ଦ୍ର ପଣ୍ଡା ସ୍ମାରକୀ ଉଚ୍ଚ ବିଦ୍ୟାଳୟର 5T ରୂପାନ୍ତରଣ କାର୍ଯ୍ୟ ଦେଖି ଏହାର ଗୁଣବତ୍ତା ନେଇ ସନ୍ତୋଷ ବ୍ୟକ୍ତ କରିବା ସହ ବିଦ୍ୟାଳୟର ପ୍ରଧାନ ଶିକ୍ଷକ ସୁରେନ୍ଦ୍ର କୁମାର ସାହୁ ଏବଂ ଅନ୍ୟ ଶିକ୍ଷକ କର୍ମଚାରୀଙ୍କୁ ଉଚ୍ଚ ପ୍ରଶଂସା କରିଥିଲେ । ଏହାପରେ ଏହି ପ୍ରତିନିଧି ଦଳ ଗାଙ୍ଗପୁର ପ୍ରାଥମିକ ସ୍ଵାସ୍ଥ୍ୟକେନ୍ଦ୍ର,ଇନ୍ଧନପୁର ଅଙ୍ଗନୱାଡି କେନ୍ଦ୍ର, ଗୋବରା ମୁଖ୍ୟ ସଡ଼କରେ ଥିବା ମୁକ୍ତାକାଶ ବ୍ୟାୟାମଶାଳା, ଆଦର୍ଶ ପୋଖରୀ, ନାଟେଙ୍ଗା ପଞ୍ଚାୟତ ବନଦୁର୍ଗା ମନ୍ଦିର ସମ୍ମୁଖରେ ଥିବା ଆଦର୍ଶ ଗୁହାଳ ପ୍ରମୁଖ ବୁଲି ଦେଖିଥିଲେ । ଆଜି ବ୍ଳକ୍ ଅଧ୍ୟକ୍ଷ ଶ୍ରୀ ନାୟକଙ୍କ ସହ ବ୍ଳକ୍ ଉପାଧ୍ୟକ୍ଷା ପ୍ରତିନିଧି ପ୍ରମୋଦ ପ୍ରଧାନ,ବ୍ଳକ୍ ବିଜେଡ଼ି ସଭାପତି ତଥା ବଡ଼ ବୋର୍ସିଂଗ୍ ସରପଞ୍ଚ ଏସ୍ ରାମେଶ୍ୱର ପାତ୍ର,ସାଂସଦ ପ୍ରତିନିଧି ସନ୍ତୋଷ ସ୍ୱାଇଁ,ଗୋବରା ସମିତିସଭ୍ୟ ବିଭୂପାଦ ଜେନା, ଜୋନ୍ ସଭାପତି ପ୍ରଦ୍ୟୁମ୍ନ ପାତ୍ର,ବେଣୀପଲ୍ଲୀ ସରପଞ୍ଚ ଦୂର୍ଗା ମାଧବ ନାୟକ,ନାଟେଙ୍ଗା ସରପଞ୍ଚ ପ୍ରତିନିଧି ଦେବେନ୍ଦ୍ର ଗୌଡ଼, ଯୁବନେତା ସରୋଜ କୁମାର ସ୍ୱାଇଁ ପ୍ରମୁଖ ବିଭିନ୍ନ ପ୍ରକଳ୍ପ ବୁଲି ଦେଖିବା ସହ ପ୍ରକଳ୍ପ ଗୁଡ଼ିକ କିପରି ଉନ୍ନତମାନ ହୋଇପାରିବ ଏବଂ ନିର୍ମାଣ କାର୍ଯ୍ୟ ନିର୍ଦ୍ଧାରିତ ସମୟ ମଧ୍ୟରେ ସମ୍ପୂର୍ଣ୍ଣ ହେବ ତାହା ଉପରେ ଅଧ୍ୟକ୍ଷ ଶ୍ରୀ ନାୟକ ଗୁରୁତ୍ବ ଦେବା ସହ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଥିଲେ ।

(ରିପୋର୍ଟ- ସୁଶାନ୍ତ କୁମାର ବେହେରା। )