୪୦ ଲକ୍ଷ ଟଙ୍କାର ଗଞ୍ଜେଇ ଜବତ,୪ ଗିରଫ ।

ମୋହନା,୦୭/୦୯(ପିପିଟି); ଗଜପତି ଏସପି ତପନ କୁମାର ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଆର ଉଦୟଗିରି ଏସଡିପିଓ ଏବଂ ମୋହନା ଥାନା ଅଧିକାରୀ ସୁଜିତ୍ କୁମାର ନାୟକଙ୍କ ନେତୃତ୍ବରେ ସେପ୍ଟେମ୍ବର ୬ ତାରିଖ ସକାଳ ୧୧:୩୦ ସମୟରେ ମୋହନା ଥାନା ଅନ୍ତର୍ଗତ ଲୁହାଗୁଡି ଓ ଚାନ୍ଦିପୁଟ ଆରଡି ୬୦ ରାସ୍ତା ଶିକୁଳିପଦର ଗ୍ରାମ ଓ ପଥରଗଡ ମଧ୍ୟରେ ଏକ ଆଇଚର ଟ୍ରକ କୁ( ୟୁପି ୮୬ ଟି ୪୫୨୦) ଅଟକାଇ ଖାନତଲାସି ବେଳେ ଉକ୍ତ ଟ୍ରକରୁ ୧୯ ଗୋଟି ପ୍ଲାଷ୍ଟିକ ଜରି ବସ୍ତା ଗଞ୍ଜେଇ ଥିବାର ଜଣାପଡିଥିଲା । ଉକ୍ତ ଗାଡିକୁ ଏସ୍କର୍ଟ ହିସାବରେ ଆଣୁଥିବା ଆଉ ଏକ ହୁଣ୍ଡାଇ ଭର୍ନା କାର (ଡିଏଲ ୩ ସି ବି ଜେଡ୍ ୫୭୫୮)କୁ ମଧ୍ୟ ଅଟକା ଯାଇଥିଲା । ମୋହନା ତହସିଲଦାର ତଥା ଏକ୍ସିକ୍ୟୁଟିଭ୍ ମାଜିଷ୍ଟ୍ରେଟରଙ୍କ ଉପସ୍ଥିତରେ ଉକ୍ତ ଗଞ୍ଜେଇ ବସ୍ତାକୁ ଓଜନ କରାଯାଇଥିଲା । ସମୁଦାୟ ଗଞ୍ଜେଇର ପରିମାଣ ୫୩୦ କେଜି ୫୦୦ ଗ୍ରାମ ହେଲା ଯାହାର ବଜାଇ ମୂଲ୍ୟ ପ୍ରାୟ ୪୦ ଲକ୍ଷ ଟଙ୍କା ହେବ । ଏହି ଘଟଣା ଗିରଫ ହୋଇଥିବା ବ୍ଯକ୍ତି ମାନେ ହେଲେ ନୂର ଇସଲାମ(୩୪),ନାସୁରୁଦ୍ଦିନ ଖାନ୍ (୩୬),ଗୁଲଶନ ମଲ୍ଲିକ ଓରଫ ଖାନ୍ (୩୮) ଓ ବିଜୟ ସିଂହ (୪୫) ସମସ୍ତଙ୍କର ଘର ଆଗ୍ରା, ଉତ୍ତରପ୍ରଦେଶ । ଉପରୋକ୍ତ ବ୍ଯକ୍ତି ମାନେ ଆର ଉଦୟଗିରି ଅଞ୍ଚଳର ଅନୁଗୁରୁ ଅଞ୍ଚଳରୁ ଗଞ୍ଜେଇ କିଣି ଆଇଚର ଗାଡିରେ ଲୋଡ କରି ଆଗ୍ରାକୁ ଚାଲଣ କରୁଥିଲେ । ମୋହନା ପୁଲିସ ଦ୍ବାରା ୪ ଜଣଙ୍କୁ ଗିରଫ କରିବା ସହ ଗାଡି ଦୁଇଟିକୁ ଜବତ କରାଯାଇଛି । ମୋହନା ଥାନା କେଶ ନମ୍ବର 137 dtd. 06.09.2020 U/s 20(b)(ii)(C)/25/29 NDPS Act ଅନୁଯାୟୀ ଆଜି କୋର୍ଟ ଚାଲାଣ କରାଯାଇଛି । ଏସଆଇ ସିନ୍ଧୁ ଶାରକା ତଦନ୍ତ ଭାର ନେଇଛନ୍ତି ।