୩୦୨ କେଜି ଗଞ୍ଜେଇ ଜବତ,୩ ଗିରଫ ।

ମାଲକାନଗିରି,୨୫/୦୫(ପିପିଟି): ମଙ୍ଗଳବାର ଦିନ ମାଥିଲି ପୋଲିସ୍ ଟିମ୍ ବାହାଦୂରଗୁଡା ଛକ ନିକଟ ଜଙ୍ଗଲରେ୧୨ ପ୍ୟାକେଟ୍ ଗଞ୍ଜେଇ ଧରି ଛିଡା ହୋଇଥିବା ୩ ଜଣ ସନ୍ଦିଗ୍ଧ ବ୍ୟକ୍ତିଙ୍କୁ ଧରିବାରେ ସଫଳ ହୋଇଛନ୍ତି । ସେମାନେ ଏହି ଗଞ୍ଜେଇ ଖଇରପୁଟ ଅଞ୍ଚଳରୁ କିଣି ଛତିଶଗଡ ରାଜ୍ୟ ଜଗଦଲପୁର ଅଞ୍ଚଳକୁ ବିକ୍ରି ପାଇଁ ନେଉଥିଲେ । ପୋଲିସ୍ ସେମାନଙ୍କ ଠାରୁ ସମୂଦାୟ ୩୦୨ କେଜି ୪୦୦ ଗ୍ରାମ ଗଞ୍ଜେଇ,ଗୋଟିଏ ହିରୋ ସ୍ପ୍ଲେଣ୍ଡର ମୋଟର ସାଇକେଲ , ନଗଦ ୭୮୦ ଟଙ୍କା ଜବତ କରିଛି । ଗିରଫ ଅଭିଯୁକ୍ତ ମାନେ ହେଲେ ମୁକୁନ୍ଦ ନାୟକ, କମଲୁ ନାୟକ ଉଭୟ ମୁଦୁଲିପଡ଼ା ଥାନା ଅନ୍ତର୍ଗତ ଚାପଲପଡା ଗ୍ରାମର ହୋଇଥିବା ବେଳେ ଓ ଅନ୍ଯ ଅଯୁକ୍ତ ହେଲା ଓର୍କେଲ ଥାନା ତୁମୁକୋଣ୍ଡା ଗ୍ରାମର ସୋମନାଥ ଖିଲ ବୋଲି ଜଣାପଡିଛି । ସମସ୍ତ ତିନି ଅଭିଯୁକ୍ତଙ୍କୁ ଗିରଫ କରାଯାଇ ମଙ୍ଗଳବାର ଦିନ କୋର୍ଟ ଚାଲାଣ କରାଯାଇଥିବା ମାଥିଲି ଥାନା ଅଧିକାରୀ ସୂର୍ଯ୍ୟ ପ୍ରକାଶ ନାୟକ ପ୍ରକାଶ କରିଛନ୍ତି । ଏନ ଡି ପି ଏସ ଅଧିନିୟମ, ମାଥିଲି ଥାନା କେସ୍ ନଂ:୧୦୯/ତା:୨୪.୦୫.୨୦୨୨, ୟୁ /ଏସ୍ ୨୦ (ବି) (୨) (ସି) ଅନୁସାରେ ଅଭିଯୁକ୍ତଙ୍କ ବିରୁଦ୍ଧରେ ମାମଲା ରୁଜୁ କରାଯାଇଛି ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)